USD
EUR
RUB

Սեն Հովհաննիսյանը` Արա Գյուլերի հետ հանդիպման ու նրա հումորի մասին

 

Լուսանկարիչ եւ նկարիչ, բազմաթիվ արժեքավոր գիրք-ալբոմների հեղինակ Սեն Հովհաննիսյանը «Առավոտի» հետ զրույցում հիշողություններ պատմեց աշխարհահռչակ հայազգի լուսանկարիչ, «Ստամբուլի աչք» Արա Գյուլերի վերաբերյալ, ում հետ շփվել է տարբեր առիթներով: Գյուլերը նրան տրամադրել էր իր լուսանկարները` «Արարատ» ալբոմի համար, որի ֆրանսերեն տարբերակն օրերս է հրատարակվել: Սեն Հովհաննիսյանը պատմում է, որ առաջին անգամ Արա Գյուլերին հանդիպել է 2005թ:

«Արարատի» վրա էր աշխատում եւ ուզում էր անպայման հանդիպել Գյուլերի հետ, քանի որ նա 60-ականներին բարձրացել էր Արարատի գագաթը: «Ուզում էի որոշակի նյութեր վերցնել Արարատ իր վերելքի մասին: 3 օր չարչարվեցի, Ստամբուլում բավականին հայտնի մտավորականներ, այդ թվում՝ Ռոպեր Հատտեճյանը, ուզում էին կազմակերպել հանդիպումը, բայց չէր ստացվում: Մի օր անցնում էի, տեսա սրճարան «Արա» ու ներս մտա: Ժամը 9-ի կողմերն էր, տեսա մի մարդ ձեռքերը մեջքին դրած անցնում է: Նայեց ինձ ու բարեւեց, թեեւ իրար չէինք ճանաչում: Հետո մոտեցավ ու հարցրեց՝ արդյոք Հայաստանի հյո՞ւրն եմ, որի հետ պետք է հանդիպեր: Ասացի` այո: Հարցրեց` անոթի՞ ես, ասացի` առավոտյան միայն սուրճ եմ խմում: Խնդրեց սպասեմ, քանի որ պետք է քիչ այնկողմ նստած անգլուհի գրողին լուսանկարեր, գործն ավարտեց, մոտեցավ ինձ»,-հիշում է Սեն Հովհաննիսյանը:

Ասում է՝ այնուհետեւ միասին սուրճ են խմել ու սկզբում խոսակցությունը այնքան էլ չի ստացվել: «Սկզբում դժվար էի իր հետ շփվում, անընդհատ մտազբաղ էր: Չէիր հասկանում` քեզ հե՞տ է զրուցում, թե՞ ուրիշի: Սուրճը խմեցինք, առաջարկեց, որ մտնենք իր տուն-թանգարանը: Դուռը, որ բացեցինք, ներս մտանք, առաջինը, որ հանդիպեցի` Սալվադոր Դալիի մեծ` 1,5 մետրանոց հայտնի լուսանկարն էր: Աստիճաններով վերեւ բարձրացանք: Ինձ գրավեց կարմիր գույնով ներկված հատակը, այդպիսին էր հատակը շատերի տներում խորհրդային տարիներին…Գյուլերի տուն-թանգարանում բազմաթիվ լուսանկարներ տեսա, ինքը չէր խոսում, նայում էր, կամ շատ քիչ էր խոսում: Ասում էր` աշխարհի բոլոր երկրներում եղել է, նկարել է, որ մարդիկ ճանաչեն աշխարհը իր լուսանկարներով: Աշխատասենյակում ուշադրությունս գրավեցին մի քանի շրջանակների մեջ դրված նկարներ: Նաեւ ալբոմ ուներ, որտեղ այն լուսանկարներն էին, որոնք ամենաճանաչված հեղինակավոր արվեստագետների հետ իր շփումն էին հիշեցնում, նաեւ իրենց արված լուսանկարներն էին` Պիկասո, Դալի, Շագալ, Փարաջանով: Զարմացած հարցրի նկարների մասին, որոնք գրաֆիկական գործեր էին, նկարված եւ ստորագրված այդ հայտնի հեղինակների կողմից ու նվիրված Գյուլերին: Հարցրի, թե չի՞ ուզում Հայաստանի ազգային պատկերասրահին նվիրել: Ասաց, որ ոչ մեկի չի պարտադրում, եթե ցանկանան, կնվիրի»,-պատմեց մեր զրուցակիցը:

Նաեւ նշեց, թե ինչպես է Արարատի վերաբերյալ լուսանկարներ խնդրել աշխարհահռչակ լուսանկարչից: Գյուլերն էլ պատմել է, թե ինչպես է ինքնաթիռով իջել Արարատի վրա, ցանկացել հավաստիանալ` իսկապես Նոյյան տապան եղե՞լ է, թե՞ գեղեցիկ առասպել է: Արա Գյուլերը մի շարք լուսանկարներ է տրամադրել Սեն Հովհաննիսյանին` Արարատը Բայազետից, Բայազետի ամրոցը, Արարատը գիշերով եւ այլն: Մեր զրուցակիցը պատմում է նաեւ, որ Արա Գյուլերը հումորով անձնավորություն էր, օրինակ, իր լողալուց հետո կատակել է, թե ծովը գույնը փոխել է, եւ ռեստորանում հարցրել է, թե երբ են ձուկը բռնել: Նաեւ կատակել է` այս պարոնի լողալուց հետո մի քանի օր չպետք է ձուկ ուտենք: Սեն Հովհաննիսյանն ասում է նաեւ, որ Արա Գյուլերը ուղղակի պաշտամունքային անձնավորություն էր Թուրքիայում: Հիշում է. «Քայլում էինք փողոցով, դիմացներս դուրս եկան մի քանի թուրքեր, մեկը, որ կապուտաչյա էր, մոտեցավ Արային, ձեռքը համբուրեց, դրեց ճակատին, հետո գրկեց: Պարզվեց՝ մշակութային ոլորտի պաշտոնյաներից է, իրեն շատ էին հարգում, նույնիսկ քիչ էր մնում խոնարհվեր»:

ԳՈՀԱՐ ՀԱԿՈԲՅԱՆ

Արա Գյուլերի լուսանկարները տրամադրել է Սեն Հովհաննիսյանը:

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan