USD
EUR
RUB

Խաչատրյանի կամերային-գործիքային ստեղծագործությունների ընտրանին՝ խաչատրյանական փառատոնին

 
 

Խաչատրյանի 6-րդ միջազգային փառատոնի շրջանակում հոկտեմբերի 20-ին Արամ Խաչատրյանի տուն-թանգարանում կամերային երաժշտության երեկո էր: Կարեն Շահգալդյանը (ջութակ), Լիլիթ Զաքարյանը (դաշնամուր) և Ավետիք Ղազարյանը (կլարնետ) հանդիսատեսին ներկայացրին Արամ Խաչատրյանի կամերային-գործիքային ստեղծագործությունների ընտրանին:

Համերգային երեկոյի ընթացքում Կարեն Շահգալդյանը և Լիլիթ Զաքարյանը ներկայացրին մեծանուն կոմպոզիտորի Երգ-պոեմը աշուղների հիշատակին, «Դիմակահանդես» դրամայի համար գրված երաժշտությունից նոկտյուրնը, թիվ 1 պարը: Կարեն Շահգալդյանը ներկայացրեց կոմպոզիտորի հազվադեպ կատարվող մենանվագ ջութակի սոնատ-մենախոսությունը:
Խաչատրյանի մենանվագ դաշնամուրի համար պոեմը և դաշնամուրի սոնատինան կատարեց Լիլիթ Զաքարյանը, իսկ համերգային երեկոյի ավարտին հնչեց Խաչատրյանի տրիոն:

Ջութակահար Կարեն Շահգալդյանը փաստում է՝ Արամ Խաչատրյանի կամերային ստեղծագործություններում մենք տեսնում ենք բոլորովին այլ Խաչատրյանի, ով այդքան էլ ծանոթ չէ մեզ, բայց պակաս հետաքրքիր չէ: Շահգալդյանի խոսքով՝ Խաչատրյան տրիոյով անգամ ձայնասկավառակ են ձայնագրել՝ նվիրված Խաչատրյանի կամերային երաժշտությանը:

«Այս երաժշտությանն այնքան էլ հայտնի չէ աշխարհում, բայց պետք է որ հայտնի լիներ: Դրա համար շատ լավ է, որ Խաչատրյանի փառատոնն ուշադրություն է դարձնում նաև կոմպոզիտորի կամերային երաժշտությանը: Գիտեմ, որ փառատոնի շրջանակում նախատեսված են նաև այլ կամերային երեկոներ: Այս համերգին հնչած բոլոր ստեղծագործությունները նախկինում կատարել եմ, բացի Պար թիվ 1 ջութակի և դաշնամուրի համար ստեղծագործությունից: Այն առաջին անգամ եմ ներկայացնում, ուրախ եմ, որ փառատոնի շնորհիվ իմ երկացանկում նոր ստեղծագործություն է հայտնվում»,- նշում է Շահգալդյանը:

Ջութակահարը փաստում է՝ Խաչատրյանի միջազգային փառատոնը հիանալի իրադարձություն է: Երաժշտի խոսքով՝ մեզ թվում է, թե Հայաստանում ու աշխարհում շատ լավ գիտեն Խաչատրյանին, բայց կոմպոզիտորն այնքան էլ ճանաչված չէ, որքան արժանի է: Դրա համար նման ցանկացած նախաձեռնություն Խաչատրյանի անունն ու գործերը հանրահռչակելու կարևոր դեր ունի: «Ուրախ եմ, որ փառատոնն արդեն 6-րդ անգամ է անցկացվում, արդեն ունի իր ավանդույթները: Այն պետք է անպայման շարունակել»,- հավելում է արտիստը:

Նշենք, որ հոկտեմբերի 18-ին մեկնարկած Խաչատրյանի 6-րդ միջազգային փառատոնն առաջիկա մեկ ամսվա ընթացքում 9 համերգային երեկոների միջոցով կներկայացնի 20-րդ դարի մեծագույն հայ կոմպոզիտոր Արամ Խաչատրյանի երաժշտական ժառանգությունը։ Խաչատրյանի միջազգային փառատոնն անցնում է խորհրդանշական հոբելյանի ներքո. այս տարի նշվում է Խաչատրյանի 115-ամյակը։

Խաչատրյանի միջազգային փառատոնը կազմակերպել է Հայաստանի պետական սիմֆոնիկ նվագախումբը՝ ՀՀ մշակույթի նախարարության աջակցությամբ։

Աղբյուր՝ Irates.am:

Լրահոս
Ռումինիայում գտել են Պիկասոյի 800 000 եվրո արժողությամբ կտավը Պարույր Սևակ․ Դիմակահանդես Ջոն Գրինի վերջին բեսթսելերը թարգմանվել է հայերեն «Սոսե»-ն եզրափակվում է «ըստ Սարոյանի» արտամրցութային ծրագրով Կյանքը ափի մեջ. Դավիթ Ամալյան Երբ զնգում է արծաթը Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին «Պարտավոր եմ ինձ զսպել» «Ախթամար» սառույցի շոուի համաշխարհային պրեմիերան՝ Երևանում Մոսկվայում բացվելու է Այվազովսկու նկարների և Բուլգակովի ձեռագրերի ցուցահանդեսը Արևին Գուրգեն Մահարի․ Չարենցի հետ Այսօրվա կաթողիկոսին մերժելով, հաջորդ բոլոր կաթողիկոսների անվտանգության հարցը ևս մերժում են Թոմ Հարդին Բրիտանական կայսրության շքանշանի է արժանացել Հայաստանի երաժշտական ընկերությունը՝ ազգային երաժշտության պահապան Ավետիք Իսահակյան-Ֆրունզիկ Մկրտչյան Մեր Տունը․ Մուշեղ Իշխան Ով պարտիզպան Անուն հանած երաժիշտները վերադառնում են հայրենիք Սերգեյ Սմբատյանը Վարշավայում հանդես կգա Քշիշտոֆ Պենդերեցկու փառատոնի շրջանակում Ո՞վ է այսօրվա հոգևորականը Մնջախաղի պետական թատրոնը շարունակում է վարձով ապրել Մեկնարկել է «Կին» միջազգային կինոփառատոնը Օֆելյա Համբարձումյան․ Ամեն տեսակ երգ երգեցի... Տպավորություններ Վիգեն Չալդրանյան. «Ես կառչած չեմ պաշտոնից, թատրոնն էլ պատժիչ գաղութ չէ» Անհանգստություն, որից չենք կարողանում բաժանվել Չինաստանում 2.100-ամյա ստորգետնյա «բանակ» է հայտնաբերվել Երբ աշխարհը խոսում է մատնոցների միջոցով «Ռուսաստանի թանգարանների գանձերը» ցուցահանդեսում ներկայացված է Այվազովսկու կտավը Առակ հոգու խաղաղության մասին Լուսինե Զաքարյան․ Ավե Մարիա Կարմիր ծաղիկ մը գարունի Դուք լավն եք մարդիկ Չարլզ Բուկովսկի․ Ինձ արդեն սպանել են Ահաբեկչություն ու շանտաժ՝ ըստ Չալդրանյանի Ամփոփվեց Խաչատրյանի 6-րդ միջազգային փառատոնը Սուրբ Գրքի ճանապարհը Հովհաննես Չեքիջյան. Կյանքը ափի մեջ. Աշնանային հեծություններ
website by Sargssyan