USD
EUR
RUB

«Երեւան» քառյակը կպրոպագանդի հայ կոմպոզիտորներին

 

Վերջին տարիներին Հայաստանում ստեղծված լարային քառյակները, այդ թվում՝ Խաչատրյանի, Միրզոյանի, Սարյանի, փաստում են, որ ունենք կամերային երաժշտության հանդիսատես: Տարբեր կազմերով քառյակները, այդ թվում՝ լարային, սկսել են գործել 17-րդ դարից, իսկ կամերային գործիքային անսամբլների դասական ձեւերը (տրիո, կվարտետ, կվինտետ եւ այլն) իրենց բարձունքին հասան շնորհիվ Հայդնի, Մոցարտի, Բեթհովենի: Մեր իրականությունում կամերային երաժշտության ձեւավորման, առաջխաղացման համար մեծ ավանդ են ունեցել Կոմիտասը, Սպենդիարյանը, Տիգրանյանը եւ այլ դասականներ: Վերադառնալով մեր ժամանակներ, ասենք, որ այսօր էլ կոմպոզիտորները աչքաթող չեն անում կամերային երաժշտության ոլորտը:

Վերջերս Կոմիտասի թանգարան-ինստիտուտում կայացավ «Երեւան» լարային քառյակի համերգը: Հնչեցին Արտեմի Այվազյանի եւ մեր ժամանակակցի՝ Ռուբեն Ալթունյանի Երկրորդ լարային կվարտետները: Միայն հայ հեղինակների ստեղծագործությունների «ներկայությունը» մեկ երեկոյի ընթացքում, արդեն ողջունելի է, մանավանդ որ «Երեւանի» երաժիշտների հիմնական աշխատավայրը երկու ճանաչված մշակութային օջախներն են. առաջին ջութակ Նարեկ Սահակյանն ու ալտ Վերոնիկա Վարդ-Պատրիկյանը օպերային թատրոնի նվագախմբից են, երկրորդ ջութակ Արտաշես Մելիքյանը եւ թավջութակահար Միքայել Նավասարդյանը՝ ֆիլհարմոնիկ նվագախմբից են: «Երեւան» լարային քառյակի առաջին բեմելը կայացել է 2017թ. ամռանը, Կամերային երաժշտության տանը: Երաժիշտներին հիշեցրինք, որ իրենց առաջին համերգին կատարել են միայն ստեղծագործություններ համաշխարհային կվարտետային երաժշտության գանձարանից, այդ թվում՝ Մենդելսոնի, Բեթհովենի, Բարբերի ստեղծագործություններից: Արտաշես Մելիքյանն ասաց, որ իրենց գերնպատակն է տարածել միայն հայ ժամանակակից կոմպոզիտորների գործերը: Գործընկերոջ խոսքը շարունակելով՝ Միքայել Նավասարդյանը նշեց, թե առաջին հերթին պետք է պրոպագանդել այն, ինչը ունենք: Վերոնիկա Վարդ-Պատրիկյանն էլ հավելեց. «Ցանկություն ունենք ընդարձակել քառյակի աշխարհագրական գործունեությունը, որպեսզի Սփյուռքում էլ տեղեկացվեն, թե ինչ է կատարվում մեր մշակույթում…»: Ռեպլիկին՝ նման գործունեությունն ակնկալում է նաեւ շոշափելի գումար, Նարեկ Սահակյանը նախ հիշեցրեց իրենց առաջին ելույթը, որը բարեգործական նպատակ է ունեցել՝ հասույթն ուղղվել է Մարի Իզմիրլյան մանկատանը, հետո էլ ասաց. «Բարդ է ստեղծագործական աշխատանքը զուգահեռել գումար հայթայթելու հետ, բայց, այնուամենայնիվ, ունենում ենք քառյակի կազմակերպական հարցերին աջակցողներ, օրինակ՝ հենց Կոմիտաս թանգարան-ինստիտուտի տնօրինությունը, ArtKonzert բարեգործական միջազգային ասոցիացիան, GG -ն…»:

Մեր զրուցակիցները հավաստիացրին, որ մինչեւ տարեվերջ ծրագրել են եւս երկու համերգ՝ զուտ հայ հեղինակների ստեղծագործոթյուններով:

Մեր զրույցի ընթացքում անդրադարձ եղավ Մարտիրոս Փանոսյանի «Կվարտետ» ֆիլմին: Չմանրամասնելով ֆիլմի սցենարը, նշենք միայն, որ ֆիլմում նվագախմբի յուրաքանչյուր անդամ իր դերակատարությունն ունի կվարտետի ամբողջականությունը պահպանելու գործում, բայց առանձնանում է Անդրեասը, որի կերպարը հիանալի է մեկնաբանում Սոս Սարգսյանը: Երբ հանգամանքների բերումով կվարտետից հեռանում է իրենց մուսան՝ Անդրեասը, դադարում է կոլեկտիվի գործունեությունը: Հարցրինք՝ «Երեւանի» պարագայում ով է մուսան, գուցե միակ կին երաժի՞շտը՝ Վերոնիկա Վարդ-Պատրիկյանը: «Երեւան» քառյակի երաժիշտները հավաստիացրին, թե ամենօրյա փորձերով իրենք ձգտում են նախ գտնվել գերազանց «մարզավիճակում», ինչից էլ բխում է համերգի հաջողությունը: «Մենք ոգեւորվում ենք մեկս մյուսով, ինչը մեր քառյակի առաջ մղիչ ուժերից է»,- ասաց Արտաշես Մելիքյանը:

ՍԱՄՎԵԼ ԴԱՆԻԵԼՅԱՆ

Աղբյուր՝ Aravot.am:

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan