Ֆրանսիացի դիրիժոր Ալան Պարիսը հանդես կգա Կամերային նվագախմբի հետ

Ֆրանսիացի դիրիժոր Ալան Պարիսը հանդես կգա Կամերային նվագախմբի հետ

Ֆրանսիացի դիրիժոր, մանկավարժ, երաժշտագետ Ալան Պարիսը հանդես կգա Հայաստանի պետական կամերային նվագախմբի հետ: Նոյեմբերի 3-ին, ժամը 19:00-ին Պարիսը որպես դիրիժոր կղեկավարի նվագախմբի՝ Կոմիտասի անվան կամերային երաժշտության տանը կայանալիք համերգը: Համերգային երեկոն ներառում է Ռուսելի, Բրիթենի, Վիսմերի, Գրիգի ստեղծագործությունները:

Ալան Պարիսը ծնվել է 1947 թ. Փարիզում, հաճախել է դաշնամուրի դասերի: 1968-ին առաջին մրցանակն է շահել երիտասարդ դիրիժորների International Besançon Competition-ում: Աշխատել է խոշոր ֆրանսիական նվագախմբերի հետ: Պարբերաբար հանդես է եկել Սանկտ Պետերբուրգի ակադեմիական երգչախմբի (1993–99), Աթենքի պետական նվագախմբի (2002–04), Լիբանանի ֆիլհարմոնիկ նվագախմբի (սկսած 2001-ից), ինչպես նաև 1999-ից Կահիրեի սիմֆոնիկ ու Բուխարեստի ֆիլհարմոնիկ նվագախմբերի հետ:
Որպես հրավիրյալ դիրիժոր հանդես է եկել Շվեյցարիայում, Գերմանիայում, Իտալիայում, Իսպանիայում, Հունգարիայում, Էստոնիայում, Ֆինլանդիայում, Պորտուգալիայում, Ռումինիայում, Ավստրիայում և այլուր:

Վարպետության դասերով հանդես է գալիս տարբեր երկրներում, նաև միջազգային մրցույթների ժյուրիի անդամ է: 2016-ից Բեյրութի ESA Music Festival-ի գեղարվեստական ղեկավարն է:

Աղբյուր՝ Irates.am:

Հետևեք մեզ նաև Telegram-ում