USD
EUR
RUB

Մայր Աթոռ Ս. Էջմիածնում ավարտվեց Գերագույն հոգևոր խորհրդի ժողովը

 

Հոկտեմբերի 30-ից նոյեմբերի 2-ը Մայր Աթոռ Սուրբ Էջմիածնում, նախագահությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի, տեղի ունեցան Գերագույն հոգևոր խորհրդի ընդլայնված կազմով հերթական ժողովի նիստերը:

Ամենայն Հայոց Կաթողիկոսի ողջույնի և օրհնության խոսքից հետո որպես ատենապետեր ժողովը վարելու հրավիրվեցին ԱՄՆ Հայոց Արևմտյան թեմի առաջնորդ Գերաշնորհ Տ. Հովնան արքեպիսկոպոս Տերտերյանը և Արևմտյան Եվրոպայում Հայրապետական պատվիրակ և Վատիկանում Հայ Եկեղեցու ներկայացուցիչ Գերաշնորհ Տ. Խաժակ արքեպիսկոպոս Պարսամյանը:

Մինչ օրակարգում ընդգրկված հարցերի քննությունը խորհուրդը հաստատեց նախորդ` 2018 թ. մայիսի 29-ից հունիսի 1-ը գումարված ԳՀԽ ժողովի արձանագրությունը:

Ժողովի առաջին օրը Գերագույն հոգևոր խորհուրդը քննարկեց առաջիկայում Ազգային-եկեղեցական ժողով գումարելու հարցը, համաձայն Գերագույն հոգևոր խորհրդի նախորդ ժողովների քննարկումների արդյունքում կայացված որոշումների: Այս կապակցությամբ զեկույց ներկայացրեց Մայր Աթոռի դիվանապետ Գերաշնորհ Տեր Արշակ եպիսկոպոս Խաչատրյանը:

Քննարկումների արդյունքում որոշվեց առաջիկա տարի գումարել Ազգային-եկեղեցական ժողով «Հայոց Եկեղեցին 21-րդ դարում. ներկա և ապագա» խորագրով: Քննության առնվեցին ժողովի օրակարգում ընդգրկվելիք հարցերը:

Ժողովի երկրորդ նիստին Եկեղեցի-պետություն հարաբերությունների մասին զեկույց ներկայացրեց Մայր Աթոռի Վարչա-տնտեսական բաժնի տնօրեն Գերաշնորհ Տեր Մուշեղ եպիսկոպոս Բաբայանը: Ընդգծվեց անհրաժեշտությունը Եկեղեցի-պետություն հարաբերություններն ընդլայնելու կրթական, մշակութային, սոցիալական, առողջապահական և տնտեսական ոլորտներում` հուսալի երաշխիքներ ապահովելով մեր ազգային-հոգևոր անվտանգության և հայ ինքնության պահպանության համար:

ԳՀԽ անդամները գոհունակությամբ ընդունեցին զեկույցը` թելադրելով Մայր Աթոռի պատկան կառույցներին շարունակել զորացնել գործակցությունը պետության հետ` ի խնդիր հայրենիքի պայծառության և մեր ժողովրդի շեն ու բարօր կյանքի:

Կոմիտաս վարդապետի և Հովհաննես Թումանյանի ծննդյան 150-ամյակի հոբելյանների առնչությամբ զեկույցով հանդես եկավ Մայր Աթոռի Թանգարանների տնօրեն Արժանապատիվ Տեր Ասողիկ քահանա Կարապետյանը` տեղեկացնելով, որ հոբելյանների կազմակերպման համար ստեղծվել են պետական հանձնաժողովներ Մայր Աթոռի ներկայացուցչի մասնակցությամբ: Լսելով ներկայացված զեկույցը` Գերագույն հոգևոր խորհուրդը կարևոր նկատեց, որ հիշյալ հոբելյանները պատշաճորեն նշվեն նաև Մայր Աթոռում և Հայ Եկեղեցու աշխարհասփյուռ թեմերում:

Ժողովի երրորդ օրը Հայոց Եկեղեցու գործառնությունների բարելավման ծրագրի ընթացքի վերաբերյալ զեկույց ներկայացրեց «Դավիդյան» հիմնադրամի նախագահ և բարեգործ Ասո Դավիդյանը։ Վերջինս լուսաբանություններ տվեց ԳՀԽ անդամներին դեռևս 2016 թվականին սկզբնավորված ծրագրի իրականացման հերթական փուլի առնչությամբ:

Ընդունելով զեկույցը` ժողովականներն իրենց գնահատանքը հայտնեցին տիար Ասո Դավիդյանին Եկեղեցուն մատուցվող օգտաշատ ծառայության և կարևոր հանձնառության համար։

ԳՀԽ անդամները քննության առան Եվրոպայում եկեղեցական կառույցների վերակազմակերպման հարցը: Խնդրի մասին տեղեկություններ փոխանցեց Մայր Աթոռի դիվանապետ Գերաշնորհ Տեր Արշակ եպիսկոպոս Խաչատրյանը` ներկայացնելով Եվրոպայի երկրների հայկական համայնքների համայնապատկերը` հայկական բնակչության վիճակագրությամբ և եկեղեցական-վարչական կառուցվածքում դրանց կարգավիճակով:

Գերագույն հոգևոր խորհուրդը ողջունեց Եվրոպայում եկեղեցական կյանքի վերակազմակերպման նախաձեռնությունը` ի խնդիր Եվրոպայում ինչպես ավանդական համայնքների, այնպես և նորակազմ համայնքների հոգևոր-եկեղեցական կյանքի պայծառության:

Ժողովն ավարտվեց Ամենայն Հայոց Կաթողիկոսի օրհնության խոսքով: Նորին Սրբությունը մասնավոր իր գնահատանքը հայտնեց ԳՀԽ անդամներին և նիստերին մասնակից հրավիրյալ եկեղեցականներին` կարևորելով քառօրյա քննարկումների արդյունքում առնված որոշումները, որոնք պիտի ծառայեն Մայր Աթոռի հոգևոր առաքելության առավել արդյունավետ իրագործմանը:

Ժողովը փակվեց հայրապետական «Պահպանիչ» աղոթքով:

Աղբյուր՝ ter-hambardzum.net:

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan