Եգիպտոսում գտել են դամբարաններ՝ մումիֆիկացված կենդանիներով

Կահիրեի մոտակայքում գտնվող Սակարա դամբարանադաշտում հնագիտական պեղումների ժամանակ հայտնաբերվել է հին եգիպտական մի քանի դամբարաններ, որոնցում եղել են մումիֆիկացված կենդանիներ։ Ռիա նովոստիի հաղորդմամբ, լրագրողներին ասել է Եգիպտոսի հնագույն հուշարձանների հարցերով նախարարը։

Նա նշել է, որ Սակարայում հայտնաբերվել է Նոր թագավորության շրջանի (մ.թ.ա. 1570-1070 թթ.) երեք և Հին թագավորություն շրջանի (մ.թ.ա. 2780-2263 թթ.) չորս դամբարան։ Նոր թագավորություն շրջանի դամբարանում հայտնաբերվել է մումիֆիկացված կատու։ Ընդհանուր առմամբ, հայտնաբերվել է մի քանի հարյուր մումիֆիկացված կենդանու մարմին։ Առանձին սարկոֆագներում հայտնաբերվել են հարյուրավոր մումիֆիկացված խեցգետիններ, կոբրաներ, կոկորդիլոսներ և առյուծներ։
Հայտնաբերված բոլոր արտեֆակտերը ցուցադրվելու են նոյեմբերի 15-ին Սակարայի շրջանում գտնվող թանգարանում։

Նախարարը նաև ասել է, որ մինչև 2018 թվականի վերջին հայտարարելու են երկու կարևոր հնագիտական բացահայտման մասին, որոնք արվել են վերջին շրջանում Եգիպտոսում։

Աղբյուր` Panorama.am: