USD
EUR
RUB

Եվրոպական ֆիլմերի փառատոնը հայ հանդիսատեսին հնարավորություն կընձեռի դիտել եվրոպական ֆիլմարտադրության վերջին գործերը

 
 

Մշակութային ժառանգության եվրոպական տարին Հայաստանում նշանավորվում է ևս մեկ խոշոր միջոցառմամբ՝ Եվրոպական ֆիլմերի փառատոնով, որն այս տարի հայ հանդիսատեսին հնարավորություն կընձեռի դիտել վերջին երկու տարում նկարահանված եվրոպական 11 երկիր ներկայացնող ֆիլմեր։

Մշակութային ժառանգության եվրոպական տարին Հայաստանում նշանավորվում է ևս մեկ խոշոր միջոցառմամբ՝ Եվրոպական ֆիլմերի փառատոնով, որն այս տարի հայ հանդիսատեսին հնարավորություն կընձեռի դիտել վերջին երկու տարում նկարահանված եվրոպական 11 երկիր ներկայացնող ֆիլմեր։

Նոյեմբերի 13-ին փառատոնի մեկնարկն ազդարարող մամուլի ասուլիսի ժամանակ Հայաստանում Եվրոպական միության պատվիրակության ղեկավար, դեսպան Պյոտր Սվիտալսկին ընդգծեց, որ Մշակութային ժառանգության եվրոպական տարվա նպատակն է խրախուսել Եվրոպայի մշակութային ժառանգության առավել բացահայտումը և ամրապնդել ընդհանուր եվրոպական տարածքի մասը լինելու զգացումը:

«Մշակութային ժառանգությունը կենդանի վկայություն է. Այն մեր մշակութային արմատների դրսևորումն է: Որքան քաջատեղյակ ենք մեր արմատներին և հավատարիմ դրանց, այդքան ավելի մեծ է բազմազանությունն ու փոփոխությունն ընդունելու մեր ունակությունը: Երբ վստահ ենք մեր ինքնության գիտակցության մեջ, ապա չենք վախենում նաև տարբերություններից և նկատելով դրանց հարստությունը: Եվրոպական միությունը օրինակ է, թե ինչպես բազմազանությունը կարող տանել դեպի համերաշխություն, միասնություն և միություն», - նշեց ԵՄ դեսպան Պյոտր Սվիտալսկին։

Փառատոնի հանդիսավոր բացումը տեղի կունենա նոյեմբերի 17-ին՝ ժամը 16:30-ին, Մոսկվա կինոթատրոնում, որին կհաջորդի բրիտանական Քոլեթ ֆիլմի ցուցադրությունը։ Մայրաքաղաք Երևանում ցուցադրությունները տեղի կունենան յուրաքանչյուր օր ժամը 17:00-ին բնօրինակը՝ անգլերեն ենթագրերով և 19:00-ին բնօրինակը՝ հայերեն ենթագրերով:

Մամուլի ասուլին Եվրոպական միության մշակույթի ազգային ինստիտուտների (ՅՈՒՆԻՔ) հայաստանյան կլաստերի նախագահ Արևիկ Սարիբեկյանը նշեց. «Նախորդ ամիս Հայաստանում հիմնվեց Եվրոպական միության մշակույթի ազգային ինստիտուտների (ՅՈՒՆԻՔ) կլաստեր, որի հիմնական առաքելությունն է համատեղել մեր երկրում գործող միջազգային մշակութային կազմակերպությունների ջանքերը հանրահռչակելու եվրոպական մշակութային ինքնությունը Հայաստանում, ինչպես նաև մեր երկրների միջև ընդլայնելու մշակութային հարաբերությունները և համագործակցության շրջանակները: Եվրոպական ֆիլմերի փառատոնի անցկացումն, այսպիսով, այդ առաքելությանն ուղղված նախաձեռնություններից մեկն է, որին ակտիվորեն աջակցում են Հայաստանում գործող Եվրոպական միության անդամ պետությունների դեսպանությունները»:

Փառատոնի հիմնական ծրագրին զուգընթաց, նախատեսված է մրցութային և մշակութային հարուստ ծրագիր, որը ներառում է տեսաֆիլմերի ցուցադրություններ, կլոր սեղան-քննարկումներ, վարպետաց դասեր։

ԵՄ պատվիրակության մշակույթի համակարգող Վարդուհի Սարգսյանը նշեց. «Մենք բերում ենք եվրոպական կինեմատոգրաֆի լավագույն մշակույթը՝ հենց այսօր: Այդուհանդերձ, Եվրոպական կինոփառատոնն առաջարկում է ավելին, քան մշակութային ներկայացումները կամ ցուցադրությունները: Հիմնական ծրագիրը համեմված է հարակից միջոցառումներով՝ կլոր սեղան քննարկումներով, մրցույթներով, վարպետության դասերով, որոնց կարող են մասնակցել բոլոր նրանք, ովքեր հետաքրքրված են վավերագրական պատումների կերտմամբ, սցենարի զարգացման վարպետությամբ և կանանց դերի կարևորությամբ ժամանակակից կինոարդյունաբերությունում»:

Եվրոպական ֆիլմերի փառատոնը կազմակերպվում է Հայաստանում Եվրոպական միության պատվիրակության և ՅՈՒՆԻՔ Հայաստան կլաստերի կողմից: Փառատոնի իրականացնող գործընկերն է Բրիտանական խորհրդի հայաստանյան մասնաճյուղը:

Մամուլի հաղորդագրություն

Աղբյուր՝ Aravot.am:

Լրահոս
Սուրեն Սաֆարյանը դարձավ Նկարիչների միության նախագահ Ամենակալ Գուրգեն Մահարի․ Կարոտ Տաք ձյունը Ամենայն Հայոց Կաթողիկոսը հանդիպում ունեցավ ՀՀ վարչապետի պաշտոնակատարի հետ Հայ ուխտավորին «Ապրելու վճիռ» Գիվի Շահնազարի հոբելյանական երեկոն «Հովհաննես Թումանյանի տուն» կենտրոնում Եկեղեցին Հայկական Ջորջ Մարտինը խոստացել է «Գահերի խաղի» շարունակությունը Ժողովուրդը չի կարող ղեկավարել պետությունը. Հենրիկ Էդոյան Անապատի նկարիչը Մեր պատմիչները և մեր գուսանները Տոն Ս. Հակոբ Մծբնա Հայրապետի, Մարուգե ճգնավորի և Մելիտոս եպիսկոպոսի «Մարդի՛կ, ուշքի եկեք» Ստամբուլում առաջին անգամ բացվել է Սերգեյ Փարաջանովին նվիրված ցուցահանդես Արշակ Չոպանյան․ Հայկական դյուցազներգությունը Հայից Հայ․ Արա Շիրազ Սա այն թթխմորն է, որ այսօր հրամցնում են մեզ Երաժշտասերները վայելեցին Ալեքսեյ Շորի ստեղծագործությունները Համազգային թատրոնի դերասանները դադարեցնում են գործադուլը Սպիտակի նախկին գլխավոր ճարտարապետը հեռվից հեռու էլ տեղյակ է խնդիրներին Ռեժիսոր Հովհաննես Գալստյանը որոշել է դադարեցնել հացադուլը Ռազմիկ Դավոյան Համբերություն Հայրենիքում Կյանքը ափի մեջ. Մրո Ալեքսեյ Շորին շնորհվեց Երևանի պետական կոնսերվատորիայի պատվավոր դոկտորի կոչում Արմենուհի Մանուկյան. «Հայաստանի առաջին տիկնիկային թատրոնը պետք է ունենա իր շենքը» Նախկին նախարարի հետ շփումներից հետո նախարարների բանավոր խոսքին չեմ հավատում. Ռեժիսոր Հովհաննես Գալստյան Մոսկվայում տեղադրվելու է Շառլ Ազնավուրի հուշարձանը Հայր մեր.Կոմիտասեան Վերդիի «Ռեքվիեմի» ցնցող մեկնաբանությունը օպերային թատրոնում ՝ ի հիշատակ երկրաշարժի զոհերի Պարույր Սևակի մտքերից Վիգեն Չալդրանյանը դեռևս անդրդրվելի է. Համազգային թատրոնի դերասան «Թուրքիայի նախագահին նամակով խնդրեցի ընդունել Ցեղասպանությունը» Queen խմբի հիթը դարձել է 20-րդ դարից եկած ամենահայտնի երգը Նոր նշանակումներ Նախագահ Արմեն Սարգսյանն այցելել է հացադուլ հայտարարած կինոռեժիսորին Հայաստան
Ամենաընթերցված
website by Sargssyan