USD
EUR
RUB

Անուն հանած երաժիշտները վերադառնում են հայրենիք

 
 

«Առավոտը» ուշադրության կենտրոնում է պահում, հնարավորության դեպքում՝ ներկայացնում արտասահմանում ապրող ու ստեղծագործող մեր հայրենակից, մանավանդ երիտասարդ արվեստագետների գործունեությունը: Նրանց մի մասը երբեմն հանդես է գալիս հայրենիքում, մի մասի հետ էլ զրույցներ ենք ունենում հեռահաղորդակցության միջոցներով, կան նաեւ երաժիշտներ, ճիշտ է՝ փոքրաթիվ, որոնք վերջին ամիսներին տեղափոխվել են Հայաստան ու այստեղ շարունակում են իրենց գործունեությունը: Վերջին շրջանում եվրոպական, մասնավորապես՝ շվեյցարական պարբերականներում հոլովվում են մեր հանդիսատեսին ու ընթերցողին ծանոթ կոմպոզիտորներ Դավիթ Հալաջյանի, Տիգրան Ստամբոլցյանի եւ Արամ Հովհաննիսյանի անունները:

«Առավոտի» առաջին հանդիպումը՝ Արամ Հովհաննիսյանի հետ, «հուշեց» Կամերային երաժշտության տանը նոյեմբերի 17-ին կայանալիք «Ասոնանս» կամերային անսամբլի համերգի հայտագիրը: Անսամբլի գեղարվեստական ղեկավարն է կոմպոզիտոր Արամ Հովհաննիսյանը: Կհնչեն հայ եւ արտասահմանցի կոմպոզիտորների երկեր, այդ թվում՝ Տիգրան Մանսուրյանի, ֆրանսաբնակ Միշել Պետրոսյանի, Ռուբեն Անտոնյանի, հունգարացի Դյորդ Կուրտագի, շվեյցարացի Հայնց Հոլիգերի:

Շվեյցարաբնակ Արամ Հովհաննիսյանին գիտենք դեռեւս 2000-ականների սկզբից, երբ ճանաչված երաժիշտ, դաշնակահար Արթուր Ավանեսովի հետ «Աուս-5» կամերային անսամբլի կազմում ներկայացան հայաստանցի ունկնդրին: Անսամբլը կարճ ժամանակ անց դադարեց գործել, որովհետեւ երեք երաժիշտներ մեկնեցին արտասահման, այդ թվում՝ դաշնակահար Արտյոմ Մանուկյանը, որն այսօր ճանաչված ջազմեն է ԱՄՆ-ում, դիրիժոր եւ ջութակահար Վլադիմիր Յասկովսկին, որն ապրում ու ստեղծագործում է Գերմանիայում եւ կլարնետահար Արմեն Ղազարյանը, որը կարիերայի համար ընտրեց Շվեյցարիան: Երկու անգամ էլ Արամ Հովհաննիսյանի ջանքերի շնորհիվ անցյալ տարվանից Երեւան, Գյումրի եւ Դիլիջան քաղաքներում մեկնարկեց «Խաչմերուկներ» փառատոնը, որի գեղարվեստական ղեկավարն է: Հենց կոմպոզիտորի շնորհիվ էր, որ Փարիզի կոնսերվատորիայից հրավիրվեցին երաժիշտներ եւ Բելգիայի թագավորական ակադեմիայի անդամներ:

Մեր զրուցակցից հետաքրքրվեցինք՝ նրա այս այցի հետ կապված շրջանառվում է խոսակցություն, թե Ժնեւի երաժշտական բարձրագույն դպրոցում անվանի կոմպոզիտոր Միքայել Ժարելի ղեկավարությամբ ուսանելուց եւ ժամանակակից երաժշտության ոլորտում լուրջ հաջողության հասնելուց հետո եկել է Երեւան՝ չվերադառնալու պայմանով: «Նման մտադրություն ունեմ: Բայց կինս՝ լեզվաբան Հասմիկ Ջիվանյանը, պատրաստվում է դոկտորական թեզի պաշտպանությանը, սա է ձգձգման միակ պատճառը: Շվեյցարական կարիերայիցս իսկապես գոհ եմ, ստեղծագործություններս հնչել են այնպիսի կոլեկտիվների մեկնաբանմամբ, ինչպիսիք են Collegium novum Zurich, Aeguatuor եւ այլն: Ունեմ գործեր, որոնք տեղ են գտել տարբեր անսամբլների թողարկած CD-ներում,- հայտնեց կոմպոզիտորն ու հավելեց,- ոչ միայն ստեղծագործողներ, այլեւ ինչ-ինչ պատճառներով ժամանակին Եվրոպայում բնակություն հաստատած հայաստանցիներ այսօր ոգեւորություն են ապրում՝ կապված վերջին իրադարձությունների հետ: Նրանք մտածում են արդեն օր առաջ հայրենիք վերադառնալու մասին, ախր, եկեք չմեղադրենք Եվրոպայում հայտնված մեր համերկրացիներին: Եղել են տարիներ, երբ աշխատանք չունենալուց հուսալքված՝ մեկնել են…»: Ռեպլիկին՝ այնպես չէ, որ այսօր արդեն միլիոններ ենք ստանում, մեր զրուցակիցը պատասխանեց. «Եթե Շվեյցարիայում ստանում ենք իքս գումար, որից հանում ենք տան վարձը, կոմունալ վճարումները… ստացվում է նույն հայաստանյան պատկերը, պարզապես պետք է եվրոպացիներից սովորենք խնայողաբար ու խելացի տնօրինել ֆինանսը»:

Հետաքրքրությանը՝ ի՞նչն էր Երեւանի կոնսերվատորիայի պրոֆեսոր, ճանաչված կոմպոզիտոր Լեւոն Չաուշյանի դասարանում ուսումը կիսատ թողնելու պատճառը, մեր զրուցակիցը պատասխանեց. «Երեւանում ուսանել եմ նաեւ ֆլեյտայի դասարանում՝ պրոֆեսոր Եվգենի Նոնինյանի ղեկավարությամբ: Եթե չունենայի մեր կոնսերվատորիայում ստացած գիտելիքների բազան, հավատացեք, դժվար կլիներ Ժնեւի երաժշտական բարձրագույն դպրոց ընդունվելը նույնիսկ: Տեղափոխվեցի Շվեյցարիա, որովհետեւ իմ ոճը՝ իբրեւ ստեղծագործող, «ձգտում» էր արեւմտաեվրոպական արվեստ եւ անհրաժեշտ էր տեխնիկական վարպետությանը զուգահեռ ձեռք բերել մի միջավայր, որտեղ անընդհատ կհնչեր այդ ժամանակակից երաժշտություն կոչվածը»:

Անդրադառնալով «Ասոնանս» կամերային անսամբլի կայանալիք առաջին համերգին, կոմպոզիտորը փաստեց, որ անսամբլի 8 երաժշտից կան արտիստներ, ովքեր արդեն վերադարձել են հայրենիք, օրինակ՝ ֆլեյտահար Նարեկ Ավագյանը՝ Շվեյցարիայից, ջութակահար Անի Կարապետյանը՝ Մեծ Բրիտանիայից:

ՍԱՄՎԵԼ ԴԱՆԻԵԼՅԱՆ

Աղբյուր՝ Aravot.am:

Լրահոս
Վարդան Հակոբյան․ Քո սերը քո տունն է Վարդան Հակոբյան․ Կապույտը Հայտնի են Բեռլինի միջազգային կինոփառատոնի մրցանակակիրները Փառասիրության մասին «Երևանը»՝ 200 քանոնահարի կատարմամբ Ֆրանսիայի խորհրդարանը քննարկում է կրթության մասին նոր օրենքը Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից» Կյանքի ծառը․ Կոմիտաս «Վալենտինոմանիա». կեղծքրիստոնեական, ապազգային և կոմերցիոն տոն «Կինոպարկում» տեղի է ունեցել Օսկարի հավակնորդ «Իշխանություն» ֆիլմի փակ ցուցադրությունը Մահացել է Ռուսաստանի ժողովրդական արտիստ Սերգեյ Զախարովը Տեառնընդառաջ Վերադարձնենք լույսի եւ ջերմության մեր պատառը Հրանտ Մաթեւոսյանին Մայր Աթոռում կատարվեց Տեառնընդառաջի նախատոնակը Ռեժիսոր. Մեր գործադիր իշխանությունը հումանիզմի տարրական չափաբաժին չունի Կալկաթայի մարդասիրական ճեմարան «Լավագույն օպերային ձայնագրություն» անվանակարգում հաղթող գործն առնչվեց հայի անվան հետ» Զարդերի վերածված Կիլիկիայի մանրանկարչությունը Լևոն Խեչոյան․ Սև գիրք, ծանր բզեզ Ժամանակի ոգով գրված գիրք՝ «Շիլափլավ եւ շիլաշփոթ» Կա դրվագ, որը հոգեբանորեն դժվար է խաղալը. Ալեքսանդր Խաչատրյանի «Գարուն ա» ֆիլմը Ապրիլյան պատերազմի մասին է. լուսանկար Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին «Նոր սերունդ, նոր անուններ» խորագրով ցուցահանդեսը նվիրվեց Հովհաննես Թումանյանի հոբելյանին «Ավրորան» Մատենադարանին տված դրամաշնորհը կուղղի հայկական գրչության կենտրոնների ինտերակտիվ քարտեզի ստեղծմանը Պետրոս Դուրյան․ Բանաստեղծություններ Վարդգես ԱՀԱՐՈՆՅԱՆ. Ամենայն հայոց բանաստեղծը Ամերիաբանկը Հայաստանում ներկայացնում է օպերային մեծանուն երգիչ Պաատա Բուրչուլաձեին Հայ Եկեղեցու 20-րդ դարի նշանավոր գործիչներին նվիրված գիտաժողով ԱՄՆ-ում Հիսուսի՝ տաճարին ընծայման տոն կամ Տեառնընդառաջ. փետրվարի 14-ին «Նոր Թումանյանի բացահայտման փուլ պետք է սկսվի» Ազգային կինոկենտրոնի քմայքները կամ վերաձևված կանոնակարգ Այսօր մրուրն է իրեն սերուցք հորջորջում, մարմինը գլխիվայր է տեղաշարժվում
website by Sargssyan