USD
EUR
RUB

Հայաստանի երաժշտական ընկերությունը՝ ազգային երաժշտության պահապան

 
 

Հայաստանի երաժշտական ընկերությունը (ՀԵԸ) տարեսկզբից տարբեր միջոցառումների անցկացմամբ կարծես հիշեցնում էր ընկերության հիմնադրման հոբելյանի մասին: Վերջինը հոկտեմբերին էր. Կոմիտասի թանգարան- ինստիտուտում կայացավ երեկո՝ նվիրված ընկերության հիմնադրման 60 եւ Երեւանի Կոմիտասի անվան պետական կոնսերվատորիայի 95-ամյակներին: Կատարումներով հանդես եկան ՀԵԸ-ի կողմից տարբեր տարիների անցկացված հանրապետական մրցույթներում հաղթած մանկապատանեկան 8 երգչախմբեր: Հայկական ժամանակակից կոմպոզիտորների ստեղծագործությունների կողքին երգչախմբերը կատարեցին նաեւ Կոմիտաս: Այն ժամանակ ՀԵԸ նախագահ, կոնսերվատորիայի պրոֆեսոր Դավիթ Ղազարյանն «Առավոտի» հետ զրույցում խոսել էր ոչ միայն երգչախմբերի բարձրարվեստ կատարումների մասին. «Միջոցառումը յուրատեսակ ելույթ-հաշվետվություն է նաեւ 2019թ. Կոմիտասի ծննդյան 150-ամյակին ընդառաջ»:

Այսօր Կամերային երաժշտության տանը ՀԵԸ-ի հոբելյանի պաշտոնական արարողությունն է: Դավիթ Ղազարյանը «Առավոտին» հայտնեց, որ ընկերությունը ընդարձակ կներկայացնի երաժշտագետ, արվեստագիտության թեկնածու Օլյա Նուրիջանյանը, համերգային մասն էլ կսկսվի Սոնա Հովհաննիսյանի ղեկավարած «Հովեր» երգչախմբի կատարումով:

1958թ. հիմնված Հայաստանի երգչախմբային (1987-ից՝ Երաժշտական) ընկերությունը իսկապես երեւույթ էր մշակութային կյանքում՝ բազմաձայն երգեցողության տարածմանը նպաստելու, մանուկների եւ երիտասարդների գեղագիտական դաստիարակությանն օժանդակելու գործում: Մի կազմակերպություն էր, որն իր հովանու տակ պիտի առներ ազգային խմբակային երգը՝ հետագայում այն զարգացնելու, տարածելու առաքելությամբ: Առաջին նախագահն էր մեր մշակույթի ականավոր գործիչ, ԽՍՀՄ ժողովրդական արտիստ Թաթուլ Ալթունյանը: 

Երաժշտասերներին դեռեւս 80-ականների վերջերից մինչ օրս հետաքրքրող հարցին, թե ինչո՞ւ Երգչախմբային ընկերությունը վերանվանվեց Երաժշտականի (թեեւ «Առավոտը» ժամանակին պարզաբանում էր ստացել Դավիթ Ղազարյանից- Ս.Դ.), կրկին հիշեցնենք ՀԵԸ նախագահի պատասխանը. «1987-ից ընդլայնվեց ընկերության գործունեության շրջանակները, միավորելով հանրապետության երաժշտական, մշակույթի գործիչներին, պրոֆեսիոնալ եւ սիրողական տարբեր ժանրի երաժիշտների, մանկավարժների, գեղարվեստական ինքնագործունեության մասնակիցների»:

1997-ից ընկերության նախագահ Դավիթ Ղազարյանը հիշեց Երգչախմբային ընկերության նախագահներին՝ Թաթուլ Ալթունյան, Էմմա Ծատուրյան, նաեւ ընկերության մեծաթիվ անվանի անդամներին ու նրանց գործունեությունը. «Մեր ընկերությունը նպաստել ու շարունակում է իր որդեգրած առաքելությունը ազգային երաժշտության պահպանման գործում, հենվելով հարուստ ավանդույթների եւ համաշխարհային երաժշտական մշակույթի վրա: Սրանք միայն խոսքեր չեն, կազմակերպում եւ անցկացնում ենք մրցույթներ, փառատոներ, սեմինարներ, մեծարման հուշ-երեկոներ… Հրատարակել ենք բազմաթիվ մեթոդական ձեռնարկներ, միայն 20 անուն մենագրություն՝ նվիրված երաժշտական արվեստի հայ երախտավորներին, ինչպես նաեւ մեր կոմպոզիտորների խմբերգերի ժողովածուներ»:

Մեր զրուցակիցը հավելեց նաեւ, որ անցնող տարիներին ընկերության յուրաքանչյուր նախագիծ, ձեռնարկ հաջող ավարտ է ունեցել, նկատի ունենալով ՀԵԸ այսօր գործող նախագահության ճանաչված անդամների, այդ թվում՝ Հովհաննես Չեքիջյան, Սվետլանա Նավասարդյան, Ռոբերտ Ամիրխանյան, Ժիրայր Ալթունյան, Արզաս Ոսկանյան եւ այլն:

Նշենք նաեւ, որ ՀԵԸ-ն հանրապետությունում առաջինն անցկացրեց դասական երգեցողության մրցույթներ մեր երգարվեստի մեծերի՝ Տաթեւիկ Սազանդարյանի, Պավել Լիսիցյանի եւ Գոհար Գասպարյանի անուններով: Ասվածին ավելացնենք նաեւ «Երգող Հայաստան» մանկապատանեկան երգչախմբերի հանրապետական, Կոմիտասի ծննդյան հոբելյանական տարեթվերին նվիրված մրցույթները եւ այլն:

ՍԱՄՎԵԼ ԴԱՆԻԵԼՅԱՆ

Աղբյուր՝ Aravot.am:

Լրահոս
Վարդան Հակոբյան․ Քո սերը քո տունն է Վարդան Հակոբյան․ Կապույտը Հայտնի են Բեռլինի միջազգային կինոփառատոնի մրցանակակիրները Փառասիրության մասին «Երևանը»՝ 200 քանոնահարի կատարմամբ Ֆրանսիայի խորհրդարանը քննարկում է կրթության մասին նոր օրենքը Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից» Կյանքի ծառը․ Կոմիտաս «Վալենտինոմանիա». կեղծքրիստոնեական, ապազգային և կոմերցիոն տոն «Կինոպարկում» տեղի է ունեցել Օսկարի հավակնորդ «Իշխանություն» ֆիլմի փակ ցուցադրությունը Մահացել է Ռուսաստանի ժողովրդական արտիստ Սերգեյ Զախարովը Տեառնընդառաջ Վերադարձնենք լույսի եւ ջերմության մեր պատառը Հրանտ Մաթեւոսյանին Մայր Աթոռում կատարվեց Տեառնընդառաջի նախատոնակը Ռեժիսոր. Մեր գործադիր իշխանությունը հումանիզմի տարրական չափաբաժին չունի Կալկաթայի մարդասիրական ճեմարան «Լավագույն օպերային ձայնագրություն» անվանակարգում հաղթող գործն առնչվեց հայի անվան հետ» Զարդերի վերածված Կիլիկիայի մանրանկարչությունը Լևոն Խեչոյան․ Սև գիրք, ծանր բզեզ Ժամանակի ոգով գրված գիրք՝ «Շիլափլավ եւ շիլաշփոթ» Կա դրվագ, որը հոգեբանորեն դժվար է խաղալը. Ալեքսանդր Խաչատրյանի «Գարուն ա» ֆիլմը Ապրիլյան պատերազմի մասին է. լուսանկար Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին «Նոր սերունդ, նոր անուններ» խորագրով ցուցահանդեսը նվիրվեց Հովհաննես Թումանյանի հոբելյանին «Ավրորան» Մատենադարանին տված դրամաշնորհը կուղղի հայկական գրչության կենտրոնների ինտերակտիվ քարտեզի ստեղծմանը Պետրոս Դուրյան․ Բանաստեղծություններ Վարդգես ԱՀԱՐՈՆՅԱՆ. Ամենայն հայոց բանաստեղծը Ամերիաբանկը Հայաստանում ներկայացնում է օպերային մեծանուն երգիչ Պաատա Բուրչուլաձեին Հայ Եկեղեցու 20-րդ դարի նշանավոր գործիչներին նվիրված գիտաժողով ԱՄՆ-ում Հիսուսի՝ տաճարին ընծայման տոն կամ Տեառնընդառաջ. փետրվարի 14-ին «Նոր Թումանյանի բացահայտման փուլ պետք է սկսվի» Ազգային կինոկենտրոնի քմայքները կամ վերաձևված կանոնակարգ Այսօր մրուրն է իրեն սերուցք հորջորջում, մարմինը գլխիվայր է տեղաշարժվում
website by Sargssyan