USD
EUR
RUB

Եղիսե մարգարե

 

Եղիսե մարգարեն (Եղիսե նշանակում է «Աստված Փրկիչ է») աշակերտն է Եղիա մարգարեի և ապրել է Հրեաստանում Ք. ա. 9-րդ դարում: Նա ոչ միայն Եղիայի աշակերտն էր, այլ նաև օգնականը և հետևորդը: Եղիա մարգարեն Տիրոջ հրամանով ընտրում է Եղիսեին՝ իբրև իր հաջորդի, ով Եղիային չի թողնում մինչև վերջ՝ մինչև կառքով նրա երկինք տարվելը: Եղիսեն խնդրում է իր ուսուցչին իրեն տալ նրա հոգու, այսինքն` Եղիային տրված զորության կրկնակի չափը: Երբ Եղիան կառքով բարձրանում է երկինք, նրա թիկնոցը ընկնում է ցած, և Եղիսեն այն վերցնում է իրեն, որով և իրականանում է նրա փափագը:

Սուրբ Գրքի Թագավորությունների Գ և Դ գրքերում կարող ենք կարդալ Եղիսե մարգարեի մասին: Եղիսեն թեև աշակերտն էր և հաջորդը Եղիայի, սակայն նրանց կյանքի, նկարագրի և գործունեության մեջ հսկայական տարբերություն կա: Եղիան մենակյաց էր, իր կյանքը մշտական պայքարի մեջ է եղել, վհատության պահեր է ապրել՝ Աստծուց անգամ մահ խնդրելով: Իսկ Եղիսեն, ընդհակառակը, ապրել է մարդաշատ վայրերում, իր կյանքը հաղթանակների և հաջողությունների մի շարք է եղել: Սիրել է երաժշտությունը և հաճախ է մարգարեանալու համար երաժշտության կարիք զգացել: Եղիսեն մարգարեացել է 6 իսրայելցի թագավորների օրոք 65 տարուց ավելի:

Աստվածապարգև իմաստությամբ և խորագիտությամբ նա օգնել է իր երկրին թշնամիների դեմ պայքարում: Մահվան անկողնում անգամ իրեն այցելած թագավորին նա սրտապնդում էր և թշնամու դեմ հաղթանակի հետ կապված ցուցմունքներ տալիս: Արտաքին թշնամիներին նա շահել է բարիքով և բարեկամությամբ: Դ Թագավորությունների վեցերորդ գլխում պատմվում է, թե ինչպես են ասորիները Եղիսեին բռնելու մտադրությամբ ծուղակն ընկնում. մարգարեի խնդրանքով Տերը թշնամուն շիլ է դարձնում, ապա Եղիսեն նրանց առաջնորդում է Սամարիա: Քաղաք մտնելուց հետո Աստված բացում է ասորիների աչքերը և հասկանում են, որ թշնամու քաղաքում են: Իսրայելի արքայի այն առաջարկին, թե սպանեն նրանց, Եղիսեն պատասխանում է. «Մի՛ սպանիր: Սպանել կարող ես նրանց, որոնց քո սրով ու աղեղով ես գերի վերցրել: Նրանց առջև հաց և ջուր դի՛ր. թող ուտեն ու խմեն: Արձակի՛ր նրանց, թող գնան իրենց տիրոջ մոտ»: Ասորիները մեծ խնջույք ունեցան, արքան նրանց արձակեց: Եվ ասորիների կողոպտիչ զորքը այլևս Իսրայելի երկրի վրա չհարձակվեց:

Իր կյանքը պայքարից ավելի բարեկարգությունների և կազմակերպչական գործերով է անցել: Թագավոր է օծել տվել Հեսու զորավարին, ով բնաջնջում է Աքաաբի կռապաշտ գերդաստանը և մեջտեղից վերացնում ամբարիշտ թագուհի Հեզաբելին՝ Աքաաբի կռապաշտ կնոջը, ով բազմաթիվ չարիքներ էր պատճառել Իսրայելի ժողովրդին:

Եղիսեն Հին Կտակարանի այն մարգարեներից է, ով գործել է ամենամեծ թվով հրաշքները Մովսես մարգարեից հետո: Նրա գործած հրաշքներից են Նեեման Ասորիի բժշկությունը, Հորդանանի ջրերը բաժանելը, Երիքովի աղբյուրի ջուրը խմելու համար պիտանի դարձնելը, աղքատ այրուն քաղցից փրկելը՝ նրա ամանի միջի յուղն անպակաս դարձնելով, սամարացի կնոջ զավակին հարություն տալը և ուրիշներ: Եվ ինչպես որ կենդանության օրոք է նա հրաշքներ գործել, այդպես և մահվանից հետո: Նրա մահվանից մեկ տարի հետո, երբ նրա գերեզմանի մեջ գցում են մի մեռյալի, վերջինս, դիպչելով Եղիսեի ոսկորներին, հարություն է առնում:

Հայ Առաքելական Սուրբ եկեղեցին Եղիսե մարգարեի հիշատակությունը նշում է Հոգեգալստյան հինգերորդ կիրակիի հինգշաբթի օրը:

Կազմեց Կարինե Սուգիկյանը

Աղբյուր՝ Surbzoravor:

Լրահոս
Ուր ես մայր իմ. Լույս հնգյակ «Նման աշխարհում ոչ ոք չի կարող երջանիկ լինել, եթե Մարդ է իսկապես» Ավագ ուրբաթ Ուշագրավ գնահատանք Կոնստանտին Օրբելյանի «Գրեմմի»-ում առաջադրվելու առթիվ Կաննի փառատոնում մրցելու է 19 ֆիլմ Սեփական կոթողների նկատմամբ նույնչափ սրտացավությունը չէր խանգարի Թումանյանի հետքերով Արմեն Սարգսյանը հյուրընկալել է Արտավազդ Փելեշյանին Հովհաննես Թումանյան. «Դեցիմ Լաբերիոս» Կանչ Խորհրդավոր ընթրիքի պատկերագրությունն ու խորհուրդը Արկօղդ զլոյս Amazon-ում կտրուկ աճել է «Նոտղը Դամ դը Պաղի» մյուզիքլի վաճառքը Հայկական կինոյի «Անահիտները» Ավագ չորեքշաբթի Որ յաթոռ փառաց Ամենայն Հայոց Կաթողիկոսն ընդունեց ԱՄՆ կոնգրեսականների պատվիրակությանը Ամենայն Հայոց Կաթողիկոսն ընդունեց ՀԲԸՄ Բուենոս Այրեսի մասնաճյուղի տիկնանց հանձնախմբի անդամներին «Տանգոն հզոր պար է, այն հանում է մեջդ եղած տխրությունը» «Երաժշտական հինգշաբթի Խաչատրյանի տանը» Գութաներգ. Ձիգ տու, քաշի․ Կոմիտաս Հովհաննես Թումանյան․ Պանդուխտ եմ քույրիկ Հելեն Սեգարան անհամբեր սպասում է Շառլ Ազնավուրին նվիրված համերգին Որ սքանչելիդ ես Վահագն Հայրապետյան. «Մի գիժ բան է սպասվում» Հաղորդման հյուրն է Տավուշի թեմի առաջնորդ Գերաշնորհ Բագրատ եպիսկոպոս Գալստանյանը Լավագույն դաշնակահարներից մեկը՝ Ալեքսանդր Ռոմանովսկին, ելույթ կունենա Երևանում Փարիզի Աստվածամոր տաճարի արվեստի գործերը կփոխանցվեն Լուվրին Մեր աղոթական զորակցությունն ենք հայտնում բոլոր ֆրանսիացիներին, Կաթոլիկ մեր Քույր Եկեղեցուն Որ Արարիչդ ես Կոմիտաս․ Քնարերգություն Հովհաննես Թումանյան․ Օ՛, լո՛ւռ կաց, ընկե՛ր․․․ Ախալցխայում նշվել է Վահրամ Գայֆեճանի 140 ամյակը Ավագ եկուշաբթի Ապրիլի 15-ին կմեկնարկի Ազգային գրադարանային շաբաթը՝ նվիրված Հովհաննես Թումանյանի և Կոմիտասի 150-ամյակներին Ավագ շաբաթ ՀՊԿՆ-ի հետ ելույթ կունենա «Գինեսի» ռեկորդակիր ջութակահար Նիկոլայ Մադոյանը Ծաղկազարդ (Տիրոջ մուտքը Երուսաղեմ) «Յուրաքանչյուր մարդ եզակի է որպես սուբստանցիա, հնարավոր չէ նրան փոխարինել» Ֆրանսիացի գեղանկարիչ Նիկոլա դե Լարժիլյեի կտավը նվիրաբերվել է Մայր Աթոռին
Ամենաընթերցված
website by Sargssyan