USD
EUR
RUB

Անհրաժեշտ է Երեւանի կոնսերվատորիայում էլ բացել էլեկտրոնային ակադեմիական երաժշտության դասարան

 
 

Համոզված է երիտասարդ կոմպոզիտոր Սերգեյ Ումրոյանը

Էլեկտրոնային երաժշտությունը 20-րդ դարի երկրորդ կեսին ձեւավորված ընդգրկուն ժանր է, որը ներառում է բոլոր այն երաժշտական ոճերը, որոնք ստեղծվել են էլեկտրոնային երաժշտական գործիքների եւ տեխնոլոգիաների միջոցով: Մեր իրականությունում լայն լսարանը էլեկտրոնային երաժշտությունը ասոցացնում է ակումբային, պարային երաժշտության այնպիսի ուղղությունների հետ, ինչպիսիք են Techno, Electro, House, Trance եւ այլն, որոնց սկիզբը համարվում է 1970-ականների վերջը: Մեզ մոտ հայտնի են նաեւ այս ժանրում տեխնո-ռեմիքսների ստեղծումը՝ հանրահայտ երգերի հիման վրա: Բայց դեռեւս լայն լսարանին հայտնի չէ էլեկտրոնային ակադեմիական երաժշտությունը, թեպետ Հայաստանում 2017-ից անցկացվող ժամանակակից երաժշտության Crossroads միջազգային փառատոնի շրջանակներում մեկ անգամ՝ 2018թ. գարնանը հնչել է երիտասարդ կոմպոզիտոր Սերգեյ Ումրոյանի ֆլեյտայի եւ էլեկտրոնայինների համար գրված գործը (մենակատար՝ Արամ Հովհաննիսյան):

Կոմպոզիտորը՝ ֆլեյտահար Արամ Հովհաննիսյանի հետ:

«Առավոտի» հետ հանդիպման ժամանակ Սերգեյ Ումրոյանը, որը հանդիսանում է դեռեւս 2013թ. Հայաստանում հիմնած Armenian National Music կայքի հիմնադիրը, նախ ասաց, թե կայքում տեղ են գտել հոգեւոր, ժողովրդական երաժշտությունից մինչեւ Կոմիտասի, Խաչատրյանի, Տերտերյանի, ընդհուպ Ռուբեն Սարգսյանի, Լեւոն Չաուշյանի, Երվանդ Երկանյանի եւ մյուս ժամանակակիցների գործերը, ձայնադարանում պահվում է ավելի քան 1500 ստեղծագործություն: Փորձում են ընդլայնել կայքը՝ հետագայում նպատակ ունենալով տեղադրել նաեւ երկերի նոտային օրինակներ: «2015թ. հանդիպեցի կոմպոզիտորներ, այն տարիներին շվեյցարաբնակ Արամ Հովհաննիսյանին, գերմանաբնակ Ռուբեն Անտոնյանին եւ Անդրանիկ Բերբերյանին, ստեղծեցինք «Քառորդ տոն» կազմակերպությունը: 2017-ից անցկացրինք միջազգային փառատոներ՝ համագործակցելով բելգիահայ դաշնակահարուհի Լորանա Մխիթարյանի հետ: Կայացել են համերգներ, վարպետության դասեր, սեմինարներ համաշխարհային այնպիսի ճանաչված դեմքերի մասնակցությամբ, ինչպիսիք են կոմպոզիտորներ, Բելգիայի թագավորական ակադեմիայի անդամ, Փարիզի եւ Մոնսի կոնսերվատորիաների պրոֆեսոր Կլոդ Լեդուինը, ֆրանսահայ Ֆրանկ Քրիստոֆ Եզնիկյանը, 2018-ին հրավիրեցինք կոմպոզիտոր Ժան Պիեռ Դելեոզին, կանադաբնակ մեր հայրենակից Վահրամ Սարգսյանին եւ այլն»,- հայտնեց կոմպոզիտորը: Հարցին՝ որտե՞ղ կամ ո՞ւմ մոտ է ուսումնասիրել էլեկտրոնային ակադեմիական երաժշտություն, մեր զրուցակիցը պատասխանեց. «Նախ ուսումնասիրել եմ առցանց դասընթացների միջոցով եւ իմ հիանալի գործընկերոջ՝ լիտվացի հայազգի Անդրիուս Արությունյանի օգնությամբ, որն էլեկտրոնային երաժշտություն է ուսումնասիրել Հոլանդիայի Հաագա քաղաքի կոնսերվատորիայում: Անդրիուսը վարպետության դասեր է անցկացրել Crossroads միջազգային փառատոնի շրջանակներում»:

Սերգեյ Ումրոյանին խնդրեցինք մեր ընթերցողին հակիրճ ու հասկանալի ներկայացնել էլեկտրոնային երաժշտություն ասվածը: Կոմպոզիտորի խոսքերով՝ ստեղծագործությունը կատարվում է նախապես պատրաստված տեսանոտագրությամբ, որտեղ մենակատարը հետեւում է էլեկտրոնայինների տեղաշարժին՝ կատարելով իր պարտիան:

Սերգեյ Ումրոյանը, Արամ Հովհաննիսյանը եւ Անդրիուս Արությունյանը:

Զրույցի ընթացքում երաժիշտը հավաստիացրեց, որ եվրոպական բոլոր կոնսերվատորիաների օրինակով անհրաժեշտ է Երեւանի կոնսերվատորիայում էլ բացել էլեկտրոնային ակադեմիական երաժշտության դասարան: Հետո էլ հավելեց, որ պետք չէ շտապել, որպեսզի այն ստեղծվի բացառապես պրոֆեսիոնալ հիմքերի վրա: Տեղեկացրեց նաեւ, որ այս տարի գարնանը կայանալիք Crossroads փառատոնի ժամանակ կհյուրընկալեն հայտնի դեմքերի նույնպես: Նշեց իտալացի կոմպոզիտոր, դիրիժիոր Պաոլո Ռիչիի, կոմպոզիտորներ, բելգիացի Ժան-Լյուք Ֆաֆշամի եւ մոսկվաբնակ Արման Ղուշչյանի անունները:

ՍԱՄՎԵԼ ԴԱՆԻԵԼՅԱՆ

Աղբյուր՝ Aravot.am:

Լրահոս
Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Ավետիք Իսահակյան․ Երջանկության իմաստը Վահագն Դավթյան՝ Համո Սահյանին Բրազիլիայի կառնավալին հազարավոր մարդիկ «Կեցցե Հայաստան» կվանկարկեն Մարտակերտում կկայանա Փարաջանովին նվիրված ցուցահանդես. կներկայացվեն բացառիկ նմուշներ Պատվիրանները մարդու մարդկային որակի ուղենիշներն են «Մշակույթի նախարարության հայտարարությունն ագրեսիայի, ստախոսության ու ամբարտավանության հավաքական գլուխգործոց է». «Պարալլելս Ֆիլմպրոդաքշն» ընկերություն Ամենայն հայոց կաթողիկոսը ցավակցել է Լուիզ Մանուկյան Սիմոնի վախճանման առիթով Հարություն Խաչատրյան. «Միությունը պատրաստ է իրավաբանական ծառայություն տրամադրել Հովհաննես Գալստյանին» «Մաեստրո Մանսուրյանի» և երևանյան պրեմիերայի մասին Մահացել է Էլմիրա Հեքեքյան-Աբրահամյանը Լավագույնս պատկերացում են տալիս հայ գրքի և գրատպության անցած ուղու մասին Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում «Եվ երբ պրոֆեսիոնալ երաժիշտ դարձա, կոնսերվատորիա ավարտեցի, նոր հասկացա, թե Կոմիտաս կատարելն ինչ բան է» Մեջբերումներ Թումանյանի մասին Հովհաննես Թումանյան․ Ուրախ գիշեր Ազգ-բանաստեղծ Եթե միայն այս կյանքի համար ենք հույս դրել ի Քրիստոս, ողորմելի ենք, քան բոլոր մարդիկ Փորձագետները կասկածում են, որ «Աշխարհի փրկիչ» կտավի հեղինակը Լեոնարդո դա Վինչին է Mezzo հեռուստաալիքը ֆիլմ է պատրաստել դիրիժոր Սերգեյ Սմբատյանի մասին Վարդան Հակոբյան․ Քո սերը քո տունն է Վարդան Հակոբյան․ Կապույտը Հայտնի են Բեռլինի միջազգային կինոփառատոնի մրցանակակիրները Փառասիրության մասին «Երևանը»՝ 200 քանոնահարի կատարմամբ Ֆրանսիայի խորհրդարանը քննարկում է կրթության մասին նոր օրենքը Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից» Կյանքի ծառը․ Կոմիտաս «Վալենտինոմանիա». կեղծքրիստոնեական, ապազգային և կոմերցիոն տոն «Կինոպարկում» տեղի է ունեցել Օսկարի հավակնորդ «Իշխանություն» ֆիլմի փակ ցուցադրությունը Մահացել է Ռուսաստանի ժողովրդական արտիստ Սերգեյ Զախարովը Տեառնընդառաջ
website by Sargssyan