USD
EUR
RUB

Ֆրանսիայի խորհրդարանը քննարկում է կրթության մասին նոր օրենքը

 

ԵՐԵՎԱՆ, 18 ՓԵՏՐՎԱՐԻ, Irates.amՖրանսիայի խորհդարանում փետրվարի 11-ից սկսվել է կրթության մասին նոր օրինագծի քննարկումը, որ պարտադիր ուսուցում է սահմանում 3 տարեկանից:

Ֆրանսիայի կրթության նախարար Ժան Միշել Բլանկեն օրինագիծը համարում է «վստահության նոր դպրոց»: Բայց կրթության ընդհանուր մակարդակը բարձրացնելու և սոցիալական արդարության գաղափարը առաջմղելու կոչված օրինագիծը հարուցում է ուսուցիչների ու արհմիությունների հարցերը: Կրթական բարենորոգման գլխավոր կետը դարձել է պարտադիր նախադպրոցական կրթությունը` սկսած 3 տարեկանից:

Պարտադիր կրթությունը 6-ի փոխարեն 3 տարեկանում սկսելու մասին նախագահ Էմանուել Մակրոնը հայտարարեց 2018-ի մարտի 27-ին: Իշխանությունները հույս ունեն ամրապնդել դպրոցի դաստիարակչական դերը, հատկապես խնդրահարույց շրջաններում:

AFP-ը հաղորդում է, որ հաջորդ ուսումնական տարվանից բարեփոխումը կվերաբերի 26000 երեխաների, որ հիմա մանկապարտեզ չեն գնում: Ֆրանսիայի կրթության նախարարության տվյալներով` 3-5 տարեկան երեխաների 98,9% առանց այդ էլ մանկապարտեզ է գնում: Le Monde-ը դա համարում է բացառապես սիմվոլիկ քայլ: Նոր օրենքը թույլ է տալիս ծնողներին, որ չեն ցանկանում իրենց երեխաներին դպրոց ուղարկել, չանել դա, բայց իշխանությունները խոստանում են ուժեղացնել վերահսկողությունն այդ ընտանիքների նկատմամբ: Մինչև այսօր դպրոցական ուսուցումը Ֆրանսիայում պարտադիր էր 6-16 տարեկանում: 6 տարեկանը ուսուցման սկիզբ է սահմանել 1882-ին կրթության նախարար Ժյուլ Ֆերին:

Նոր օրենքը ներմուծում է «օրինակելիության» գաղափարը մանկավարժների ու ուսումնական հաստատությունների աշխատակիցների համար: Օրինագիծը ուսուցիչներից «օրինակելի» վարքագիծ է պահանջում սովորողների ու նրանց ընտանիքների հարգանքի դիմաց: Օրինագծի այս դրույթը ուսուցիչների դժգոհությունն է հարուցում` նրանք խոսքի ազատության դեմ ոտնձգություն են տեսնում` վերջին ամիսների բողոքական տրամադրությունների ենթատեքստում: Նոյեմբերին Ֆրանսիայով անցավ ուսուցիչների գործադուլի ալիք` դպրոցական կրթության կառավարության քաղաքականության ու 3600 պաշտոնների կրճատման դեմ դպրոցներում: Դեղին ժիլետների շարժման համապատկերում Ֆրանսիայում հայտնվեց «կարմիր գրիչների» շարժում, որ միավորում էր 60 000 ուսուցիչների” Նրանք պահանջում են աշխատանքային պայմանների բարելավում, աշխատավարձի բարձրացում ու դեմ են Բլանկեի բարեփոխումներին: «Խոսքը ուսուցիչների գլխին Դամոկլյան սուր կախելու մասին է, խանգարելու նրանց խոսքի ազատությանը, սպառնալիք զգալու պարտադրանքով ինքնագրաքննության հասնելու համար» փետրվարի 11-ին Libération-ում հրապարակված բաց նամակում գրում է փիլիսոփայության դասախոս Սաիդ Բենմուֆոկը:

«Դյուրահավատ չլինենք, այս օրինագիծը դեմոկրատական ընդվզումը ճնշելու մաս է հասարակական ուժեղ մոբիլիզացիայյի ենթատեքստում: Օրենքի այս հոդվածի դեմ ճակատամարտը դուրս է գալիս դաշնային կրթության շրջանակներից»` գրում է Բենմուֆոկը: Օրինագիծը նախատեսում է մեծացնել ուսուցիչների օգնականների դերը:

Երկրորդ կուրսից ուսանողները, որ պատրաստվում են ուսուցիչ դառնալու համար մրցույթին (Ֆրանսիայում դպրոցական կրթության համակարգում աշխատելու համար պետք է մրցույթով անցնել), կարող են իրականացնել ուսուցչական իրավասություններ: Le Monde-ը գրում է, որ կրթության նախարարը հույս ունի այդպիսով օգնել այն ուսուցիչների աշխատանքի տեղավորմանը, որ միջոցներ չունեն ուսումը շարունակելու` առանց ուսմանը զուգահեռ աշխատելու, նաև լուծելու ուսուցիչների պակասի խնդիրը: Դա հարուցում է նաև արհմիությունների անհանգստությունը. նրանք զգուշանում են, որ ուսուցիչների օգնականներով կարող են լրացնել ուսուցիչների պակասը:

Նոր օրինագծի կարևոր դրութներից է միջազգային դպրոցների ստեղծումը` եվրոպական կամ միջազգային դիպլոմներով: AFP-ը նշում է, որ այդ դպրոցները կարող են ԵՄ-ից, միջազգային այլ կազմակերպություններից ֆինանսավորում և նվիրատվություններ ստանալ: Le Figaro-ն գրում է, որ Ֆրանսիայի կրթության նախարարությունը ստեղծում է միջազգային դպորցներ «ֆրանսիացի, ֆրանս-բրիտանացի ու միջազգային ընտանիքների հորձանքի նախօրեին` բրեկզիտից հետո»: Ֆրանսիան ցանկանում է իր կրթական համակարգն առավել գրավիչ դարձնել երկլեզու ու եռալեզու ընտանիքների երեխաների համար: Արհմիությունները դեմ են «հարուստների համար դպրոցների» ստեղծմանը, պատգամավորները օրենքում լրացում են արել, որ միջազգային դպրոցները պետք է հասանելի լինեն բոլորին: Եվրոպական նոր դպրոցը 250 աշակերտների համար բացվելու է Փարիզի մերձակա Կուրբևուա քաղաքուն 2019-ի սեպտեմբերին: Եվս մեկ եվրոպական դպրոց կբացվի Լիլում Մոնտեբելոյի լիցեի հիման վրա: Le Figaro-ն գրում է, որ Լիլի իշխանությունները հույս ունեն քաղաք բերել ընտանիքներ հարևան Բրյուսելից, որտեղ ուսումնական հաստատությունները գերծանրաբեռնված են: Նոր տիպի դպրոցներ կարող են բացվել Մարսելում, Լիոնում, Թուլուզում, Բորդոյում: Օրինագիծը Ազգային ժողովում քվեարկվելու է փետրվարի 19-ին:
RFI

Հ.Գ. Մանկապարտեզներից երեխայի կրթությունը սկսելու խոստումը Էմանուել Մակրոնի նախընտրական ծրագրում էր: Ֆրանսիայի ապագա նախագահը հիմնավորում էր, որ ամենաընկալունակ տարիքում բոլոր երեխաները պետք է ընդգրկվեն կրթական համակարգում` մանկապարտեզներից, ոչ թե դպրոցներից սկսելով կրթությունը: Նա առաջարկում էր հատուկ կրթական և ուսումնական ծրագրեր` 3-6 տարեկանների համար: Ֆրանսիայում կրթության որակի հետ համեմատության եզրեր չորոնելով` վստահ եմ, որ ֆրանսիական փորձն արժի ուսումնասիրել Հայաստանի դպրոցներում և բուհերում կրթության որակի ապահովման համար:


Անահիտ ԱԴԱՄՅԱՆ

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan