USD
EUR
RUB

Հայկական երգն ու երաժշտությունը բազմազգ լսարանին ներկայացնելու համար պատրաստվում են մեծ բծախնդրությամբ

 

Ֆրանսիայի Գրենոբլ քաղաքում անցկացվող մեկ տասնյակից ավելի երկրների մշակույթների երկխոսության խաչմերուկում` DIVERCITES միջազգային փառատոնին, այս տարի` արդեն 4-րդ անգամ մասնակցելու է նաև Սևանը` ներկայանալով 5 երիտասարդ կատարողներով: Սևանցի երիտասարդներն իրենց ելույթներն ունենալու են Հայաստանի դրոշի ներքո:

Ֆրանսիայի Գրենոբլ քաղաքը, քույր քաղաքներ կարգավիճակով, համագործակցում է աշխարհի 20 քաղաքների հետ: Ապակենտրոնացված ցանցի գործարկման լավագույն և արդյունավետ միջոցներից է նաև երաժշտական փառատոնի անցկացումը, որն ունի 13-ամյա կենսագրություն, անցկացվում է 2 տարին մեկ անգամ և կրում է DIVERCITES / բառացիորեն` բազմազանություն / անվանումը:

Տարեցտարի փառատոնը դառնում է ավելի ընդգրկուն և գրավիչ: Գրենոբլի քաղաքապետ Էրիկ Պիոլի ներկայացմամբ` սա մի գեղեցիկ օրինակ է, որի միջոցով Գրենոբլը համերաշխությանն ուղղված միջազգային քայլեր է կատարում: «Խառնելով տարբեր երկրների մշակույթները` ստացվում է հիանալի արդյունք` երաժշտական մի նոր սինթեզ` համեմված տարբեր մշակույթների տարրերով»,- նկատել է պարոն Պիոլը:

Փառատոնն իր տեսակի մեջ լինելով եզակի և ինքնատիպ` նաև հավակնոտ է, որը փորձում է համադրումների միջոցով ստանալ մի նոր որակ:

Փառատոնի մասնակիցներից Գուրգեն Մկրտումյանը 2014թ. արդեն անցել է փառատոնային բազմազանության միջոցով և ներկայացնում է իր տպավորությունները. «Մինչ ժամանելը Գրենոբլ որոշակի պատկերացում ունեինք նախագծի վերաբերյալ: Սակայն երբ մեր աչքերով տեսանք և նախնական տեղեկություններ ստացանք տեղում, հասկացանք, որ գործ ունենք լուրջ փառատոնի և կայացած երաժիշտների հետ: Նախապատրաստական աշխատանքները կազմակերպված էին բարձր մակարդակով, փորձերն ամենօրյա էին, հատկացված էին ձայնագրման տաղավարներ: Մեր աշխատանքը տվեց իր արդյունքը. մշակութային երկխոսությունը կայացավ, և մեր թիմը այդ երկխոսության մեջ բավականին լավ ներկայացավ»:

Գրենոբլյան փառատոնը հետաքրքիր ձևաչափ ունի. նախօրոք` ոչ մի պատրաստված համար, ամեն ինչ համադրվում է տեղում և ստեղծվում օրերի ընթացքում:

Սևանը ներկայացնող մյուս 4 մասնակիցները` Մանե Սերգոյանը, Գուրգեն Բաբայանը, Հրաչյա Բաղդասարյանը, Արտյոմ Հարությունյանը, տիրապետում են կամ որևէ երաժշտական գործիքի, կամ ունեն վոկալային տվյալներ:

Սևանը ներկայացնող երիտասարդների ընտրությունը կատարվել է Սևանի համայնքապետարանի կողմից: Սևանը` որպես գործընկեր համայնք, պատասխանատվությամբ է մոտենում այս փառատոնին, և ընտրությունն էլ կատարվել է` հաշվի առնելով այն հանգամանքը, որ սա Հայաստանը մշակութային այս ինքնատիպ հարթակում ներկայացնելու լավագույն հնարավորություն է:

Նախորդ տարիների փորձն էլ հուշում է, որ հերթական փառատոնին պետք է պատրաստվել հավուր պատշաճի, կարողանալ մյուս ժողովուրդների մշակույթին համադրել հայկականը, տարբեր երկրներ ներկայացնող երիտասարդների հետ ստեղծել բարեկամական հարաբերություններ:

Գրենոբլը մի քանի օր շարունակ դառնալու է երաժշտական խառնարան` համախմբելով տարբեր երկրների, մշակույթների, նախասիրությունների տեր երիտասարդներին: Փորձերին, ելույթներին հաջորդելու է գալա-համերգը, որը կայանալու է հուլիսի 15-ին Գրենոբլի Jardin de Ville-ում:

Այս փառատոնը ևս մեկ պատեհ առիթ է` ներկայացնելու մեր արժեքները, խոսելու հայի և Հայաստանի մասին, միաժամանակ աշխարհին ներկայացնելու Սևանը: Սևանն այլևս դուրս է եկել իր փոքրիկ տնից, և յուրաքանչյուր նմանատիպ ձեռնարկ ազդակ է եվրոպական ընտանիքին ինտեգրվելու, մշակութային առավել մեծ սահմաններ գծելու համար:

Սևան համայնքի ղեկավար Սարգիս Մուրադյանը կարևորում է մշակութային նման ձեռնարկների իրականցումը, միաժամանակ ողջունում է սևանցի երիտասարդների մասնակցությունը:

«Սեփական մշակույթդ կդառնա բոլորինը, եթե այն ներկայացնես աշխարհին, այսինքն` այսօր մենք ունենք միջազգայնացման խնդիր, որը լուծվում է նաև այսպիսի ծրագրերի շնորհիվ: Սա ճանաչելիության չափանիշներից մեկն է, որը պետք է օգտագործել նպատակային: Երիտասարդների հիմնական խնդիրն էլ պետք է լինի մեկը` առաջ շարժվել: Շարժման խթանիչ ուժն էլ նոր մոտեցումներն ու գաղափարներն են: Գաղտնիք չէ, որ Ֆրանսիան մեծ գումարներ է ծախսում ֆրանսիական լեզուն, պատմությունն ու մշակույթը տարածելու համար, ընդլայնում է ֆրանկոֆոն ընտանիքի աշխարհագրությունը: Մենք էլ հնարավորության սահմաններում պետք է կարողանանաք տարածել հայկական մշակույթն ու արժեքները: Հայաստանի և հայ ժողովրդի նկատմամբ վերաբերմունքի փոփոխություն է պետք, ինչպես նաև լայն ճանաչում, որը պետք է կատարվի նաև մեր երիտասարդների միջոցով և նրանց շնորհիվ»,- ասում է Սևան համայնքի ղեկավարը:

Սևանցի երիտասարդներն այս օրերին սկսել են իրենց փորձերը: Հայկական երգն ու երաժշտությունը բազմազգ լսարանին ներկայացնելու համար պատրաստվում են մեծ բծախնդրությամբ, արդեն ունեն նախնական ծրագիր:

Հավելենք, որ Սևան-Գրենոբլ ապակենտրոնացված համագործակցությունը 14-ամյա կենսագրություն ունի, և ի թիվս մի շարք ծրագրերի ու նախաձեռնությունների, որոնք իրականացվել են զբոսաշրջության, առողջապահության, ֆրանսախոսության և այլընտրանքային էներգիայի համակարգի ներդրման ուղղություններով, DIVERCITES-ն էլ հայ- ֆրանսիական, ինչպես նաև այլ ժողովուրդների հետ երկխոսության լավագույն դրսևորումներից է, մշակութային սպասված տոն:

Ա. ՂՈՒԿԱՍՅԱՆ

Լրահոս
Գևոևգ Էմին․ Սիամանթոյի մենախոսությունը Նոր գիրք՝ «Պալատի ուրվականը» Ֆրանսիայում հայտնաբերվել է Պոլ Գոգենի՝ մեզ հայտնի ամենավաղ նկարը «Ռոմեո և Ջուլիետ»-ը՝ Ստանիսլավսկու անվան ռուսական թատրոնի բեմում «Արվեստի շաբաթ»-ը մեկնարկեց Արարչագործության շարքի մանրանկարները Նվիրում եւ հոգու պարտք՝ ըստ Սոնա Հովհաննիսյանի Օպերային թատրոնի կոլեկտիվը չի ընդունում Նազենի Ղարիբյանին Վարդան Հակոբյան․ Իսկ Էմերսոնը ձու էր խաշում հրաբուխների վրա Թադևոս Տոնոյան․ Ես քեզ սիրում եմ իմ երկրի վրա ու քո երկնքում Հառիճավանքի Թրբանճյան ընծայարանը հրավիրում է ավագ դպրոցի աշակերտներին որակյալ կրթություն ստանալու Հոգևորական շերտը «վերին դարակում» է Կոնստանտին Օրբելյան. «Թող դատարանը որոշում կայացնի, այլ ոչ թե լինի միանձնյա» «Եթե լեզուն, որով դու գրում ես, վատ գիտես, գրող լինելու մասին խոսելն ավելորդ է» Օպերային թատրոնի կառավարման խորհրդի նախագահ է ընտրվել Նազենի Ղարիբյանը Սոֆիայի Ազգային գրադարանում տեղի ունեցավ Գրիգոր Նարեկացու «Մատյան ողբերգության» պոեմի ռուսերեն թարգմանության շնորհանդեսը Երևանում հանդես կգա «Գրեմմի» մրցանակակիր «Պարկեր» քառյակը Կյանքից հեռացել է ՀՀ վաստակավոր նկարիչ Ռուբեն Ղևոնդյանը Июльансамбль կոչվող թատերախումբը հանդես կգա Երեւանում Մեկնարկում է «Երիտասարդ հայ կոմպոզիտորների կամերային երաժշտության 4-րդ փառատոնը» Զողորմութեան Քո զդուռն բազ մեզ Տէր Վիլյամ Սարոյան. Ամբողջ աշարը և բուն իսկ դրախտը Երվանդ Քոչար. Արևը խաբեց Անթիլիասում հրատարակվել է «Մշակույթը Հայաստանի Առաջին Հանրապետությունում (1918-1920)» գիտաշխատությունը Տիմատին հրապարակել է Հայաստանում նկարահանված տեսահոլովակը Վան Գոգի պատկերով օդապարիկը սավառնել է Մելբուռնի երկնքում Քարոզ. «Մարմնի ճրագը աչքն է» Սրբերի և սրբադասման մասին Հոբելյանական հուշ երեկո՝ նվիրված Մեծն Կոմիտասի ծննդյան 150-ամյակին Աղքատ Ղազարոսի առակը Խաղաղության աղոթք Գուրգեն Մահարի․ Օրոր օրոր Ռազմիկ Դավոյան․ «Ես ամեն օր քեզ հետ զրուցում եմ թաքուն» Խաղաղությունը հնարավոր է դառնում, երբ Աստված մտնում է մեր կյանք «Ոչ ոք երկինք չի մտել՝ անտարբեր և սառնասիրտ կյանք ապրելով» Ողջունում ենք Գրիգոր Լուսավորչի փողոցը Սբ Գրիգոր Լուսավորիչ վերանվանելու վերաբերյալ քաղաքապետարանի կայացրած որոշումը Գիտնականները քվանտային կտավի վրա վերարտադրել են Մոնա Լիզայի միկրոսկոպիկ պատկերը Նոր գիրք` «Հայ-գերմանական ռապսոդիա» Երևանում տեղի կունենա Ռոզի Արմենի «60 տարի բեմում» հոբելյանական համերգը, կհնչի 20 երգ Կաննում պարզ է դարձել, որ Քվենտին Տարանտինոն այսօր ապրող կարևորագույն ռեժիսորներից է
website by Sargssyan