Վանա կատուն
15/05/2018 16:10
Նմանատիպ
Բրդոտ ոտքերով, թաթերը՝ բարձիկ,
Բակում շորորում, քայլում է ձիգ-ձիգ,
Բամբակյա վիզը, մեջքը շոյելիս
Ձյունե մազերը կայծեր են տալիս:
Գորգին է պառկում՝ գլուխը ցցած,
Կարծում է՝ այն իր պատվին է գցած,
Թախտին է բազմում հպարտ, փառավոր,
Ասես թե լինի հայտնի թագավոր։
Աշխատասեր է մեր Վանա կատուն.
Երբ կերը քիչ է, որսի է գնում,
Վանա տառեխ է խոր լճից բռնում
Եվ հպարտ-հպարտ որսը վայելում:
Բյուրեղյա աչքերն ունեն երկու գույն՝
Մեկը դեղին է, մյուսը՝ երկնագույն,
Տիրոջ գովեստին անվերջ սպասում,
Եվ նար անդավ սերն է վայելում:
Գագիկ ՓԱՐՎԱՆՅԱՆ
Աղբյուր՝ heqiat.am։
Հետևեք մեզ նաև Telegram-ում