USD
EUR
RUB

ՀՈԳԵՎՈՐԱԿԱՆՈՒԹՅԱՆ ԴԵՄ ՈՒՂՂՎԱԾ ԲՈՂՈՔՆԵՐԻ ՄԱՍԻՆ

 

Մամուլում կամ սոցիալական կայքերում երբեմն-երբեմն շրջանառվում են հրապարակումներ, որոնք եկեղեցական ասպարեզում առկա որոշ թերությունների բարձրաձայնման թեմաների համատեքստում արդեն անդրադառնում են ոչ թե առանձին մի հոգևորականի կամ ինչ-որ մի գործողության, այլ համընդհանուր հոգևորականության դեմ են ուղղվում մտացածին կամ ծայրահեղականացված մեղադրանքներով: Այդ իրողություններից մի քանիսին առնչվեցի այս օրերին, որոնց ցանկանում եմ անդրադառնալ, իհարկե, չնշելով բողոքներ հանրայնացնող անձանց անունները, քանզի կարծում եմ և ուզում եմ հավատալ, որ նրանք հայրենասեր ու ազնիվ մարդիկ են և դժգոհություն են հնչեցնում իրապես առկա խնդիրների մտահոգությունների տակ գտնվելով:

Տարբեր մտայնություններով բողոքներ կամ հուզումներ գրգռելու տարբերակներից է նախկինում ինչ-որ տեղ հրապարակված հակաեկեղեցական մի նյութի վերստին մեջտեղ բերումը տարիներ հետո, և մարդկանց սկզբնապես չտեղեկացնելով նյութի հնության մասին՝ հրավիրում են իրենց մեղադրանքները նույնպես շարադրելու:

Նման հնարանքներով Առաքելական մեր Սուրբ Եկեղեցու հոգևորականությանը հակադրում են այլոց, իբր մեր հոգևորականներն ընդհանրապես անհաղորդ են ժողովրդի մտահոգություններին ու դժվարություններին, իբր հոգևորականներին ընդհանրապես չեն հուզում մեր երկրի ու պետության, ժողովրդի բարօրության հետ կապված հարցերն ու խնդիրները:

Սակայն նման կանխակալ մոտեցումներով արդյո՞ք չենք անտեսում՝ միտումնավոր ոմանց կողմից կամ ակամա այլոց կողմից, այն գործունեությունը, ծառայությունը, որ մատուցում են հոգևորականները:

Եկեղեցիների Սուրբ Խորաններից չե՞ք լսել քարոզներ անարդարության, անազնվության, հարստահարման ու մեղքի վերացման, հոգևորականները մեր զինվորների հետ չե՞ն, սրբոց Ղևոնդյաց ոգով չե՞ն քաջալերում մեր զորականներին կամ ապրիլյան պատերազմի ժամանակ օրհասական պահին զենք չբռնեցի՞ն, սահմանում հոգևորական չվիրավորվե՞ց, մեր ժողովրդի հուզումների ժամանակ հոգևորականները ժողովրդի կողքին չե՞ն, ցույցերի ժամանակ մարդկանց շարքերում հոգևորականներ չե՞ն եղել և այսօր էլ չե՞ն շարունակում բազմաթիվ հավատացյալների հոգևոր կարիքներին ծառայել:

Իհարկե, ոչ ոք չի պնդում, որ եկեղեցական ասպարեզում թերություններ, սայթաքումներ, բարեփոխումների անհրաժեշտություն չկա: Սակայն կանխակալ մոտեցումներով պետք չէ ընդհանրապես չտեսնելու տալ հոգևորականների ծառայությունները և չպետք է տրվել շահարկումների, այլ պահպանել հավատարմությունը մեր Տեր Հիսուս Քրիստոսին և Նրա առաքյալների կողմից հիմնադրված Առաքելական մեր Սուրբ Եկեղեցուն:

Աղբյուր՝ ter-hambardzum.net։

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan