Ծննդյան գիշեր

Ծննդյան գիշեր

Ծննդյան գիշեր`
Արթուն աչքերով,
Մի աշխարհ լույսեր
Ծիածաններով:
Փակվում-բացվում են
Դռներն հեքիաթի,
Խինդից լացում են
Աստղերն արծաթե:
Վառվող մոմերի
Ցոլանքը դեմքին,
Զնգում են հիմի
Երկնի ճամփեքին:
Ղողանջն աստղերի
Հեքիաթն է կանչում,
Հրաշքով վերի`
Ճամփեքը չափում:
Ծննդյան գիշեր,
Լույս Աստվածածին,
Տերն է մեզ հիշել,
Որդիով միածին:
Հույսի մոլորակ
Երկիր իմ, խնդա,
Հազար ու մի կյանք
Դու ունես հիմա…

Հասմիկ ԱՋԱՄՅԱՆ
Աղբյուր՝ heqiat.am։

Հետևեք մեզ նաև Telegram-ում