Հին, հին

Բանաստեղծություն իմ,մի՛ աղմկիր,
Սա երազ է, ձյուն է, մի՛ աղմկիր:
Սոված այստեղ գայլի կաղկանձն անգամ
Կարկամ քնքշություն է, մի՛ աղմկիր:

Սրան էինք հասու, սեր կարծեցինք նաև
Դավաճանաությունը, մի՛ աղմկիր:

Երկնակամարը, տես, կա-կլինի,
Քանի դեռ դու սյուն ես, մի՛ աղմկիր:

Նույնիսկ եթե արդեն ունկդ է պատռում
Մահվան վայնասունը, մի՛ աղմկիր:

Չէ՞ որ կյանքը եղավ, և դու եղար
Նրա մի խոր սույլը, մի՛ աղմկիր:

Ավագ ԵՓՐԵՄՅԱՆ