Այսպիսի երգ

– Հով է, հով է, հով է, հով է,
– Հովը մարմա՞նդ է, թե՞ զով է:

– Զով է, զով է, զով է, զով է
– Զովը կապո՞ւյտ է, թե՞ մով է:

– Մով է, մով է, մով է, մով է,
– Մովը լճա՞կ է, թե՞ ծով է:

– Ծով է, ծով է, ծով է, ծով է,
– Ծովում գոմե՞շ է, թե՞ կով է:

– Գուցե գոմեշ, գուցե կով է,
– Գուցե լճակ, գուցե ծովէ,
– Գուցե կապույտ, գուցե մով է,
– Գուցե մարմանդ, գուցե զով է:

– Զարմանալու կարիք չկա,
Բարկանալու առիթ չկա,
Ինձ այս հանգը, ինձ այս ռիթմը,
Ինձ այս ուրախ երգն է թովել:

– Կով է, կով է, կով է, ծով է,
– Ծով է, ծով է, ծով է, մով է,
– Մով է, մով է, մով է, զով է,
– Կով է, մով է, զով է…
– Գուցե գոմեշ, գուցե կով է,
– Գուցե լճակ գուցե ծով է,
– Գուցե կապույտ, գուցե մով է,
– Գուցե մարմանդ, գուցե զով է,….

Յուրի ՍԱՀԱԿՅԱՆ