USD
EUR
RUB

«Անասնաֆերմա»․ ապստամբություն՝ Գյումրիից

 

 Գյումրու պետական դրամատիկական թատրոնի Մհեր Մկրտչյանի անվան փոքր դահլիճում հունիսի 26-ին տեղի ունեցավ բրիտանացի հայտնի գրող, հրապարակախոս Ջորջ Օրուելի «Անասնաֆերման» քաղաքական սատիրայի առաջնախաղը։ Նշենք, որ այլաբանական վիպակն առաջին անգամ հրապարակվել է 1945 թվականին․ հերոսներն կենդանիներն են, որոնք պայքարում են իրենց տիրոջ՝ Ջոնզընի դեմ, ապստամբություն են անում՝ նրան դուրս շպրտելով ֆերմայից։

Մարդուն հայտարարելով թշնամի՝ անասունները ստեղծում են իրենց անկախ հանրապետությունը՝ «Անասունների հանրապետությունը», գրում պատվիրաններ, համաձայն որոնց՝ ով քայլում է երկու ոտքի վրա, թշնամի է, ով քայլում է չորս ոտքի վրա, բարեկամ է, կենդանին երբեք առևտուր չպիտի անի, կենդանին երբեք այլ կենդանու չպիտի սպանի, բոլոր կենդանիները հավասար են։ Սակայն կաճ ժամանակ անց սկսվում է նույն դժոխային կյանքը, քանի որ ապստամբությունն իրականացրած խոզերից մեկը՝ Նապոլեոնը, թելադրում է իր կամքը, ստրկացնում է մյուս կենդանիներին, սկսում է վայելքներ նրանց տքնաջան աշխատանքի հաշվին։ Ավելին, փոխելով պատվիրանները օգուտ իրեն ու խոզերի՝ մահապատժի է ենթարկում անհնազանդներին։ Ու այսպիսով Նապոլեոն խոզը ոչնչով այլևս չի տարբերվում թշնամի հայտարարված մարդուց։

Քաղաքական այս սատիրան արդիական է․ Հայաստանում ստեղծված իրավիճակին համահունչ։

Ներկայացման մեջ բացառապես ընդգրկված էին երիտասարդներ, մեծամասամբ Երևանի թատրոնի և կինոյի պետական ինստիտուտի Գյումրու մասնաճյուղի ուսանողներ։ Նրանք թատրոնի գխավոր ռեժիսոր Լյուդվիգ Հարությունյանի ուսանողներն են։

Բեմադրությունը և նկարչական ձևավորումը՝ Արտուշ Միքայելյանին է, նա ևս ուսանող է։ Երիտասարդը մեզ հետ զրույցում պատմեց, որ դեռ նախորդ տարվա օգոստոսին է մտահղացել բեմադրել այս վիպակը։ Մեր զրուցակիցն ասում է, որ 16 դերակատարներից 11-ը իր կուրսեցիներն են։ Կան նաև 1-ին, 2-րդ կուրսի ուսանողներ։

«Ես ստիպված եմ եղել պիեսում շատ կրճատումներ անել։ Ի սկզբանե հրաժարվել եմ ագռավ Մովսեսի կերպարից, իհարկե, շատ դժվարությամբ հրաժարվեցի, բայց, քանի որ մեր կուրսը 11 մարդ է, ես պետք է պիեսը հենց 11 անձի համար դարձնեի կոպիտ ասած, դրա համար ինչ-որ կերպարներ կրճատեցի»։

Մեր հարցին՝ Հայաստանի քաղաքական գործիչները, եթե նայեն այս ներկայացումը, իրենք իրենց կգտնե՞ն այնտեղ, բեմադրիչն ասաց․

«Միանշանակ, երբ մենք սկսեցինք բեմականացման աշխատանքները, երկրում ամեն ինչ հանգիստ էր ու ընդհանրապես պատկերացում չունեինք, որ մեր երկրում կարող է դրական փոփոխություն լինի։ Ու այս պիեսով մենք ուզում էինք ցույց տալ մեր երկրի գաղջ մթնոլորտը։ Մեր ներկայացման առաջնախաղը եղել է թատերական ինստիտուտում։ Մենք պլանավորել էինք, որ առաջնախաղը պետք է լինի մայիսի 10- 20 ընկած ժամանակահատվածում ու պատկերացրեք մեր երկրում տեղի է ունենում հեղափոխություն մայիսի 8-ին։ Ու այս ամենը մեզ ոգևորում է, որ մենք շատ ճիշտ ժամանակին, շատ ճիշտ տեղում ենք հայտնվում, մեր խոսքը ինչքան էլ որ արդի է, տասնապատկվում է արդիականությունը։ Ու հեղափոխությունից հետո մեր մոտ միտք առաջացավ ֆինալը փոխել, քանի որ հին ֆինալով ցույց էինք տալիս մեր երկրում ստեղծված անճար վիճակը, իսկ հիմա տեսնում ենք լույս, շղթաներից ազատում, տեսնում ենք ռեժիմի տապալում», ասում է մեր զրուցակիցը։

Նշենք, որ 81 տեղանոց դահլիճում նստելու տեղ չկար ու հետաքրքիրն այն էր , որ տոմս չճարած հանդիսատեսը դահլիճ մտնում էր իր աթոռով:

Նունե ԱՐԵՎՇԱՏՅԱՆ
Աղբյուր՝ Aravot.am:

Լրահոս
Գևորգ Էմին․ Սիամանթոյի մենախոսությունը Նոր գիրք՝ «Պալատի ուրվականը» Ֆրանսիայում հայտնաբերվել է Պոլ Գոգենի՝ մեզ հայտնի ամենավաղ նկարը «Ռոմեո և Ջուլիետ»-ը՝ Ստանիսլավսկու անվան ռուսական թատրոնի բեմում «Արվեստի շաբաթ»-ը մեկնարկեց Արարչագործության շարքի մանրանկարները Նվիրում եւ հոգու պարտք՝ ըստ Սոնա Հովհաննիսյանի Օպերային թատրոնի կոլեկտիվը չի ընդունում Նազենի Ղարիբյանին Իմ հոգում․․․ Վարդան Հակոբյան․ Իսկ Էմերսոնը ձու էր խաշում հրաբուխների վրա Թադևոս Տոնոյան․ Ես քեզ սիրում եմ իմ երկրի վրա ու քո երկնքում Հառիճավանքի Թրբանճյան ընծայարանը հրավիրում է ավագ դպրոցի աշակերտներին որակյալ կրթություն ստանալու Հոգևորական շերտը «վերին դարակում» է Կոնստանտին Օրբելյան. «Թող դատարանը որոշում կայացնի, այլ ոչ թե լինի միանձնյա» «Եթե լեզուն, որով դու գրում ես, վատ գիտես, գրող լինելու մասին խոսելն ավելորդ է» Օպերային թատրոնի կառավարման խորհրդի նախագահ է ընտրվել Նազենի Ղարիբյանը Սոֆիայի Ազգային գրադարանում տեղի ունեցավ Գրիգոր Նարեկացու «Մատյան ողբերգության» պոեմի ռուսերեն թարգմանության շնորհանդեսը Երևանում հանդես կգա «Գրեմմի» մրցանակակիր «Պարկեր» քառյակը Կյանքից հեռացել է ՀՀ վաստակավոր նկարիչ Ռուբեն Ղևոնդյանը Июльансамбль կոչվող թատերախումբը հանդես կգա Երեւանում Մեկնարկում է «Երիտասարդ հայ կոմպոզիտորների կամերային երաժշտության 4-րդ փառատոնը» Զողորմութեան Քո զդուռն բազ մեզ Տէր Վիլյամ Սարոյան. Ամբողջ աշարը և բուն իսկ դրախտը Երվանդ Քոչար. Արևը խաբեց Անթիլիասում հրատարակվել է «Մշակույթը Հայաստանի Առաջին Հանրապետությունում (1918-1920)» գիտաշխատությունը Տիմատին հրապարակել է Հայաստանում նկարահանված տեսահոլովակը Վան Գոգի պատկերով օդապարիկը սավառնել է Մելբուռնի երկնքում Քարոզ. «Մարմնի ճրագը աչքն է» Սրբերի և սրբադասման մասին Հոբելյանական հուշ երեկո՝ նվիրված Մեծն Կոմիտասի ծննդյան 150-ամյակին Աղքատ Ղազարոսի առակը Խաղաղության աղոթք Գուրգեն Մահարի․ Օրոր օրոր Ռազմիկ Դավոյան․ «Ես ամեն օր քեզ հետ զրուցում եմ թաքուն» Խաղաղությունը հնարավոր է դառնում, երբ Աստված մտնում է մեր կյանք «Ոչ ոք երկինք չի մտել՝ անտարբեր և սառնասիրտ կյանք ապրելով» Ողջունում ենք Գրիգոր Լուսավորչի փողոցը Սբ Գրիգոր Լուսավորիչ վերանվանելու վերաբերյալ քաղաքապետարանի կայացրած որոշումը Գիտնականները քվանտային կտավի վրա վերարտադրել են Մոնա Լիզայի միկրոսկոպիկ պատկերը Նոր գիրք` «Հայ-գերմանական ռապսոդիա» Երևանում տեղի կունենա Ռոզի Արմենի «60 տարի բեմում» հոբելյանական համերգը, կհնչի 20 երգ
website by Sargssyan