Ժրաջան տղա

Տըղան սիրում է ձեզ շատ, արեգակ,
Դաշտ ու պարտեզում ճըռվըռող թռչնակ,
Ճյուղերից կախ-կախ պտուղներ հասուն,
Բայց ձեզնից ավել պիտ սիրե ուսում:

Ուրեմն թողե՛ք, նախ դըպրոց երթա,
Ընկերների հետ դասերը նա տա,
Եվ երբոր իր սուրբ պարտքը կատարե,
Որքան որ ուզե` թող նա ձեզ սիրե:

Այնուհետև ցոլա՛, պայծառ արեգակ,
Այնուհետև երգե՛… դու նախշուն թռչնակ,
Ու անուշ համը հասուն պըտուղին
Թող լինի վարձը ժրաջան տըղին:

Ռաֆայել ՊԱՏԿԱՆՅԱՆ