USD
EUR
RUB

Երախտագիտության համերգ՝ հայրենյաց պաշտպանին

 

Հուլիսի 17- ին «Աջակցություն վիրավոր զինվորներին եւ զինհաշմանդամներին» բարեգործական հ/կ-ի Հայրենիքի պաշտպանի վերականգնողական կենտրոնի հանգստի սրահում կենտրոնում բուժվողների եւ բուժանձնակազմի համար տրվեց ինքնատիպ բարեգործական համերգ: Նախաձեռնությունը ԵՊՀ Մշակույթի կենտրոնի խմբավար Նորայր Շահբազյանինն էր, որին ընդառաջել էին Կենտրոնի տնօրեն Հայկուհի Մինասյանը եւ մենեջեր Լիլիթ Նալբանդյանը: Եռամաս ծրագիրը թիրախավորել էր երաժշտական տարբեր նախասիրություններ ունեցող ունկնդրին: Համերգի մասում հնչեցին եվրոպական միջնադարյան, բարոկո ոճում ստեղծագործած դասական կոմպոզիտորների (Դ. Ագուադո, Մ. Ջուլիանի, Ֆ. Սոր, Մ. Կարկասսի) գողտրիկ, գործիքային ստեղծագործություններ, երկրորդ մասում հնչեցին հայկական ժողովրդական եւ ժամանակակից կոմպոզիտորների վոկալ ստեղծագործություններ, իսկ համերգի երրորդ բաժնում ելույթ ունեցավ պոետ-երգահան, «Բարդ» ոճի երիտասարդ, տաղանդավոր ներկայացուցիչ Վարդան Գալստյանը: Նրա բարձրաճաշակ հուզիչ պոեզիան, կիթառի մեղմ նվագակցությամբ, գերեց ունկնդրին:

Ծրագրված քառասուն րոպեանոց համերգը, հանդիսատեսի ծափերով, ձգվեց մոտ ժամ ու կես: Նորայր Շահբազյանի նախաձեռնությամբ նմանատիպ համերգ ԵՊՀ Մշակույթի կենտրոնը կազմակերպել էր 2016թ. ապրիլի 22-ին, Կենտրոնական զինվորական հոսպիտալի տարածքում: «Քառօրյայի» վերքերը դեռեւս չէին սպիացել եւ ունկնդիրներից շատերն էին վիրակապերով, հաշմանդամի սայլակի վրա: Բազմամյա համերգային կենսագրություն ունեցող երաժիշտ-մանկավարժ Նորայր Շահբազյանի պնդմամբ, նմանատիպ համերգի մթնոլորտը, ծափերը ոչնչի հետ չես համեմատի: «Գեհենի» միջով անցած հերոս տղերքին գեղագիտական հաճույք պատճառելը վեր է ամեն պարգեւից… Շահբազյանի ղեկավարությամբ, «Նորայր եւ ընկերներ» երաժշտախմբի կազմում, Վերականգնողական կենտրոնի համերգին մասնակցեցին երաժիշտներ Արմինե Պետրոսյանը, Ժիրայր Պետրոսյանը եւ Վարդան Գալստյանը: Կենտրոնում բուժվողների եւ ղեկավարության ցանկությանը գոհունակությամբ ընդառաջելով, երաժիշտները խոստացան կրկին այցելել ու անպայման համերգային նորացված ծրագրով, նաեւ խնդրեցին իրենց երախտիքի խոսքեր չասել, քանի որ ինչպես ողջ հայ ազգը, այնպես էլ իրենք` երաժիշտներն են անսահման երախտապարտ Հերոս հայ զինվորին:

ԱՆԱՀԻՏ ՍԱՐԳՍՅԱՆ
Աղբյուր՝ Aravot.am:

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan