USD
EUR
RUB

Երևանում առաջին անգամ կանցկացվի ժամանակակից արվեստի միջազգային ցուցահանդես

 

Հայաստանի առաջին հանրապետության հիմնադրման 100-ամյակի կապակցությամբ Երևանում աշնանը կանցկացվի «Ժամանակակից արվեստի միջազգային ցուցահանդես. Հայաստան, 2018 - Ժամանակակից արվեստի հնչյուններ» խորագրով ցուցահանդեսը: Սեպտեմբերի 25-ից մինչև հոկտեմբերի 25-ն ընկած ժամանակահատվածում ցուցադրությունը Երևանի 7 տարբեր վայրում կներկայացնի ավելի քան 50 միջազգային արվեստագետի աշխատանքները: Այս մասին հայտնում են Հայկական բարեգործական ընդհանուր միությունից:

Ըստ աղբյուրի, ցուցահանդեսը կլինի առաջինը, որ կներառի ժամանակակից արվեստի տարբեր ասպեկտներ՝ նկարչություն, քանդակ, լուսանկարչություն, վիդեո արվեստ, ինստալյացիա և պերֆորմանս՝ երկխոսության սկիզբ դառնալով աշխարհի տարբեր ծայրերից եկած արտիստների համար: Վերջիններս, ի դեպ, տեղում կստեղծագործեն և տարբեր արվեստի հաստատությունների ուսանողների համար աշխատաժողովներ կանցկացնեն: Նախաձեռնության նպատակն է հնարավորինս ընդլայնվել և ցույց տալ դրա նշանակությունը մշակութային փոխանակման համատեքստում: Այս իսկ պատճառով ներգրավվել են քաղաքի ամենակարևոր մշակութային կենտրոնները, ինչպիսիք են Նորարար փորձառական արվեստի կենտրոնը (ՆՓԱԿ), Արամ Խաչատրյանի տուն-թանգարանը, Գաֆէսճեան արվեստի կենտրոնը, ՀայԱրտ մշակութային կենտրոնը, Հայաստանի նկարիչների միությունը, Ալեքսանդր Սպենդիարյանի անվան օպերայի և բալետի ազգային ակադեմիական թատրոնն ու Հայկական բարեգործական ընդհանուր միությունը:

Մազդակ Ֆաիզնիան և Մարինա Հակոբյանը կհամադրեն «Շաուլա Ինթերնեյշնլ» ՍՊԸ-ի կողմից կազմակերպված ցուցահանդեսը, որն անցկացվելու է ՀՀ նախագահի բարձր հովանու և Կանադայի կառավարության, ՀՀ մշակույթի նախարարության, Իտալիայի մշակույթի և տուրիզմի նախարարության, Իտալիայի արտաքին գործերի նախարարության Vivere All’italiana (Ապրել իտալական ձևով) մշակույթի առաջխաղացման նախագծի և Հայաստանում Իտալիայի դեսպանության հովանու ներքո: Նախագծին աջակցում են նաև Հայաստանի արտաքին գործերի նախարարությունը, Հայաստանում Եվրոպական միության պատվիրակությունը և Հայկական բարեգործական ընդհանուր միությունը:

Երևանյան ցուցադրությանը կներկայացվեն հետևյալ ստեղծագործողների աշխատանքները՝ Ռոսելլա Բիսկոտտի (Իտալիա), Ալիգիերո Բոետտի (Իտալիա), Լորիս Չեկկինի (Իտալիա), Կիարա Դինիս (Իտալիա), Ռոբերտո Պուլյեզե (Իտալիա), Լիդա Աբդուլ (Աֆղանստան), Ադել Աբիդին (Իրաք), Աբդուլայե Դիառասուբա (Կոտ դ'Իվուար), Էթել Ադնան (Լիբանան), AES+F (Ռուսաստան), Շահրիար Ահմադի (Իրան/Քրդստան), Ֆրանսիս Ալիս (Բելգիա), Էլ Անացուի (Գանա), Արևիկ Արևշատյան (Հայաստան), Շանթ Ավետիսյան (Եգիպտոս/Հայաստան), Սոնյա Բալասանյան (Իրան/Հայաստան), BGL (Կանադա), Սենֆորդ Բիգերս (ԱՄՆ), Կրիսիան Բոլտանսկի (Ֆրանսիա), Հերման դը Վրիս (Նիդերլանդներ), Վիկտոր Էհիխամենոր (Նիգերիա), Արման Գրիգորյան (Հայաստան), Շիլփա Գուպտա (Հնդկաստան), Արշիլ Գորկի (Հայաստան), Դիանա Հակոբյան (Հայաստան), Սարգիս Համալբաշյան (Հայաստան), Մոնա Հաթում (Լիբանան), Սահանդ Հեսամիյան (Իրան), Hiwa K. (Հիվա Կ., Իրաք/Քրդստան), Իլյա և Էմիլիա Կաբակովներ (Ռուսաստան), Լի Կիտ (Չինաստան), Ռոլանդ Էմիլ Կուիտ (Չեխիա), Մասույամա Հիրոյուկի (Ճապոնիա), Սիրակ Մելքոնյան (Իրան/Հայաստան), Մոաթազ Նասր (Եգիպտոս), Մոհսեն Վազիրի-Մոգադամ (Իրան), Գևորգ Մուրադ (Սիրիա), NeSpoon (Լեհաստան), Նիկի Նոջումի (Իրան), Մելիք Օհանյան (Ֆրանսիա/Հայաստան), Ադրիան Պացի (Ալբանիա), Իմրան Քուրեշի (Պակիստան), Ջոն Ռաֆման (Կանադա), Սահակ Պողոսյան (Հայաստան), Թոմաս Ռայլիխ (Չեխիա), Անրի Սալա (Ալբանիա), Արարատ Սարգսյան (Հայաստան), Թինո Զեգալ (ՄԹ), Վալիդ Սիթի (Իրաք/Քրդստան), Լևոն Թյությունջյան (Թուրքիա/Հայաստան), Պիոտր Ուկլանսկի (Լեհաստան), Լոուրենս Ուայներ (ԱՄՆ), Սիսլեյ Ջաֆա (Կոսովո), Սարգիս Զաբունյան (Թուրքիա/Հայաստան), Չեն Չժեն (Չինաստան), Կարեն Միրզոյան (Հայաստան):

ICAE2018-ը նաև ներառում է «Ժամանակակից արվեստի բաց հնչյուններ» նախագիծը, որի շրջանակում արտիստները կարող էին առցանց ուղարկել իրենց աշխատանքները: Համադրողների կողմից ընտրված գործերը կցուցադրվեն Հայաստանի նկարիչների միությունում: Մասնավորապես, կցուցադրվեն Հայաստանից Արամ Դանիելյանի, Զաք Դեմիրճյանի, Անուշ Ղուկասյանի, Աննա Գրիգորյանի, Աննա Հարությունյանի, Աշոտ Հարությունյանի, Թեհմինե Հարությունյանի, Արթուր Հովհաննիսյանի, Մարիա Սալմասյանի, Արշակ Սարգսյանի, Արամ Իսաբեկյանի, Զառա Մանուչարյանի, Լիլիթ Մելիքյանի, Փարավոն Միրզոյանի, Մերի Մունի, ՇվեյցարիայիցԺոզետ Թարամարկազի, Նիգերիայից Լոգո Օլուվամույիվա Ադեյեմիի, Իտալիայից Ալեսանդրո Պիցցոյի աշխատանքները:

Ավելին, նախագծի կրթական բաղադրիչի շրջանակում աշխատաժողովներ կանցկացվեն Հայաստանի առաջատար մշակութային կենտրոններում, ինչպիսիք են Թումոն, Փանոս Թերլեմեզյանի անվան գեղարվեստի պետական քոլեջը, Հայաստանի գեղարվեստի ակադեմիան: Հանդիպումները կվարեն արտիստներ Ռոբերտո Պուլյեզեն, Ռոլանդ Էմիլ Կուիտը, Աբդուլայե Դիառասուբան և Վիկտոր Էհիխամենորը:

Հատուկ ցուցահանդեսի համար երկու հատորից բաղկացած անգլերեն կատալոգ կտպվի:

Աղբյուր՝ Panorama.am:

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan