USD
EUR
RUB

Մեր ներսի ուրիշը

 

Գինին պարում է բաժակի հատակին, միտքս թմրած է, և թվում է ավելի հեռվում՝ այլ տեղ, ամեն ինչ ավելի գեղեցիկ է, և ես մի օր կհասնեմ այդտեղ:

Գրելու և չգրելու միջև միշտ երկրորդն է ճիշտ, որովհետև գրված բառը հանած շորի պես է, ինքն արդեն հագած է այլևս, իսկ այն, ինչ մերկացել է՝ անհետաքրքիր:

Չգրելը միշտ իրավացի է, բայց կարդացված լինելու գայթակղությունը երբեմն ավելին է, քան իրավացի լինելու ճշտությունը: Եվ գրվում են բառերը ու քամում մեզանից մեր զգացածը, որովհետև վաղվա օրում, ինչ-որ մեկի շնչառության մեջ լինելու պատրանքը իրականություն է դառնում բառերում:

Եվ երևակայության երակը արթնանում է, թաքուն հաճույք վայելելու պես սկսում թրթռալ ու հոսել քարե իրականության մազաչափ արանքներով, մինչև չի կտրում ամբողջովին մտքի բոլոր կապանքները և թռիչքի ամենաբարձր պահին փշրվում իրականության ժայռերին:

Ծով տեսածի երևակայությունը այլևս իրականություն է՝ տխուր, մոտեցող, բայց չհասնող: Չորսացվող իրականություն:

Երբ զգացածը բյուրեղանում է ու բառ հագնում, հաղթում ես ինքդ քեզ, բայց և պարտվում, որովհետև հետո գալիս է այն կիսելու գայթակղությունը, որի դեմ որպես կանոն ոչ ոք չի կարող պայքարել, և արդյունքում ստացվում է այնպես, որ թվում է, թե տալիս են, բայց իրականում չեն կիսվում նրանք, ովքեր գրելիս չեն դատարկվում. հետևաբար ոչինչ էլ չեն տալիս…

Ի՞նչ է ակնկալում բնությունը, երբ մարդուն գրելու շնորհ է անում, և արդյոք ապաշնորհությո՞ւն չէ հրաժարվել ու հավերժական պայքարի մեջ մտնել գրելու պահանջի հետ: Չէ՞ որ ի վերջո բնության մեջ ամեն բան ի սկզբանե է, մենք՝ այդ հավերժական ընթացքի մի պայծառ մաս, և այդ ինքնակիզման ճանապարհին երբ հանդիպում ես արդեն տեղ հասած ու վերադարձող մեկին, զարմանում ես, թե այդ ո՞նց են տալիս ու չեն սպառվում…

Հասկանում ես, որ մարդը՝ գրելու պահանջ ունեցող մարդը, պահանջ ունի նաև անընդհատ արթուն պահելու այն ըմբոստին, չմահավանին, մեծամիտին, ինքնահավանին, ով նույնիսկ իրեն է հաղթում և ստիպում մերկանալ ու զգալ իր ողջ շքեղությունն ու թուլությունը: Եվ ինքդ քեզ պարտված զգալու ցավը ստիպում է նորից վերադառնալ, կրկին փորձել ու չհանձնվել:

Ուրեմն էլ ինչո՞ւ գրել:

Երբ մենք սիրում ենք, թվում է՝ ամեն ինչ անում ենք նրա համար, և վիրավորվում ենք անհամարժեքությունից, հետո, միայն հետո պիտի հասկանանք, որ մենք մեր պահանջին համաչափ ենք սիրում, սիրում ենք այնքան ժամանակ, որքան մեր հոգու չափն է նախատեսել, և երբ ամեն բան առօրեական է դառնում, մենք որոշում ենք հեռանալ և հեռվից արդեն սկսում ենք ցավեցնել մեզ՝ կրկին հոգու մի այլ պահանջով:

Չափի խնդիր է: Պահանջի խնդիր՝ հավերժական ցավի պահանջի: Մշուշ է, ցավի մշուշ: Երբ այն կա, ներկա է, իր ողջ թանձրության մեջ է առել քեզ, բայց և այլուր է:

Եվ մենք հեռանում ենք, և ցավը նահանջում է ամեն հաջորդ պահի և ուժգնանում է արդեն հեռավոր հետոյի պահին, երբ արդեն հեռու ենք լինում նաև ցավից: Հեռանում է ցավը ու լուծվում իրականության ու երևակայության արանքում, և սկսվում է որսը իրականի ու պատրանքի, զգացածի ու բառի, և հոգեվարքի թմբիրի մեջ ծնվում է գրելիքը ու հագած շորի պես մնում դարակում ծալած…

…Իսկ առայժմ գինին խոսում է բաժակի մեջ, և ավելի գեղեցիկ հեռուն ավելի է հեռանում ու դառնում էլ ավելի ցանկալի:

Ո՞վ ես դու կամ որտե՞ղ ես դու ավելի հեռու…

Անդին 02.2018

Լրահոս
Արգելոց-թանգարաններում միասնական տոմսի արժեք է սահմանվել «Սգո տունը» թատրոն կդառնա Պաղտասար Դպիր.Դարձեալ առ տաճարն երկնանման Էդ Շիրանի նոր ստեղծագործությունը 1 մլն-ից ավելի դիտում է ունեցել մի քանի ժամում Գնացքում Շուշանիկ Կուրղինյան. ․․․Եվ մենք քսան դար․․․ Սիպիլ․ Մենաստանին կույսը Բաղայ Ասորի. «Երանելի՜ ես դու, որովհետև քո կաթով կերակրեցիր Աստծուն» Emmy-ի մրցանակաբաշխությունը կանցկացվի առանց հաղորդավարի. Fox Entertainment Գրիգոր Զոհրապ․ Ժամին բակը «Չկա անհաջողակ մարդ, կա անհաջող մտածելակեր Հովհաննես Թումանյան․ Աղջկա սիրտը «ՌեԱնիմանիա»-ն կիրականացնի «Անիմացիոն ֆիլմի դիտարկում մեդիայում» խորագրով դասընթաց Մարզահամերգային համալիրի տարածքում տեղադրվելու է Կարեն Դեմիրճյանի արձանը Աշխարհի բանաստեղծական պատկերին հավատարիմ «Հայաստանի ազգային արխիվ» ՊՈԱԿ-ը գործելու է Արդարադատության նախարարության ենթակայության տակ Աստված նայում է մարդու սրտին, իսկ մարդիկ՝ մարդկանց երեսին Հովհաննես Հովհաննիսյան․ Արազն եկավ լափին տալով․․․ Սոնա Արշունեցի․ Արդար դատաստան Աղոթք ընտանիքի Ստեփանակերտի հրապարակում կհնչի Տիգրան Մանսուրյանի երաժշտությունը Արչի Կալենցը` Նիկողոսյանի մասին. «Պապիկս ասում էր` քանդակն իմ կինն է, գեղանկարչությունը` սիրուհիս» Վալենտին Գաֆտին գլխուղեղի կաթվածով հիվանդանոց են տեղափոխե Մարկ Գրիգորյանը նշանակվել է Թամանյանի անվան Ճարտարապետության ազգային թանգարան-ինստիտուտի տնօրեն Տարանտինոն չի բացառում, որ իր 10-րդ ֆիլմը կդառնա վերջինը Բելգիացին 500 եվրոյով պատահաբար գնել է Ռեմբրանդտի՝ մոտ 30 մլն եվրո արժեցող կտավը Մայր տաճարի բուսածածկույթի մաքրման աշխատանքների ժամանակ պատահականորեն բացահայտվում է, որ տաճարը փլուզման վտանգի առջև է «Տիրոջ երկյուղը կյանք է մարդու համար» Disney-ը կվերանկարահանի «Տանը՝ մենակ» եւ «Գիշերը թանգարանում» ֆիլմերը Վիլյամ Սարոյան. Ծիծաղ Աղոթք առ Աստված Ոչինչ ի ցույց մարդկանց չանելու մասին Ավարտվեցին Հաղբատավանքի որմնանկարների վերականգնման աշխատանքները Արդյո՞ք դժվար է Թուրքիայում հայերեն երգեր կատարելը. ստամբուլահայ երգչուհին է պատմում Ստեփան Զորյան․ Անհայտ թելեր Կյանքից հեռացել է ճանաչված գրականագետ Հասմիկ Աբեղյանը «Չնայած , ես ինձ գրող չեմ համարում, բայց...». Սամվել Սևադա Սիպիլ․ Ապրի՛լ Եղիշե Չարենց․ Երկիր Նաիրի՝ Մասն երկրորդ Աղօթք ապաշխարութեան
website by Sargssyan