USD
EUR
RUB

Աստղիկ Վարդանյանը և Արթուր Ավանեսովը հանդես կգան բարեգործական համերգով

 

Կոմիտասի անվան կամերային երաժշտության տանը սեպտեմբերի 28-ին համերգով հանդես կգան ջութակահարուհի Աստղիկ Վարդանյանը և դաշնակահար Արթուր Ավանեսովը: Կոմիտասի անվան կամերային երաժշտության տնից հայտնում են, որ համերգի հասույթը կհատկացվի Շիրակի երկրաբանական թանգարանին:

Ջութակահարուհի Աստղիկ Վարդանյանը փաստում է` երկու երաժիշտները բազմիցս եղել են մի շարք բարեգործական ձեռնարկների մասնակիցը: Եվ երբ ստացան բարեգործական համերգով հանդես գալու առաջարկ, սիրով արձագանքեցին: Արթուր Ավանեսովի հետ բազմիցս համագործակցել են, հանդես են եկել որպես տրիո Երևանում և մարզերում: Այս անգամ էլ կատարելու են ստեղծագործություններ, որոնք երկու երաժիշտներն էլ վաղուց ուզում էին կատարել:

Բարեգործական համերգին Վարդանյանն ու Ավանեսովը կկատարեն Յո. Բրամսի Սոնատը, Յ.Ս. Բախի Ֆրանսիական սյուիտը, Մ. Ռավելի Սոնատը ջութակի և դաշնամուրի համար, ինչպես նաև Ջ. Էնեսկու թիվ 3 Սոնատը ջութակի և դաշնամուրի համար:

Աստղիկ Վարդանյանը ուսանել է նշանավոր ջութակահար Ժան Տեր-Մերկերեանի մոտ: 2001 թ.-ին դարձել է Լևոն Չիլինկիրեանի անվան համահայկական մրցույթի առաջին մրցանակակիր: 2005թ.-ից սովորել է Լոնդոնի Թագավորական երաժշտական քոլեջում` Լ. Չիլինկիրեանի դասարանում: Ուսման ընթացքում հանդես է եկել որպես քոլեջի սիմֆոնիկ նվագախմբի առաջին ջութակ և կոնցերտմայստեր, հանդիսացել է ականավոր դիրիժոր Բերնարդ Հայթինգի ընտրյալ կոնցերտմայստերը: 2006-ին շահել է Մայրա Հեսսի անվան մրցույթը: Աստղիկը 2005 թ.-ին հիմնել է Վարդանյան լարային քառյակը Լոնդոնի Թագավորական քոլեջում: 2011թ.-ի մարտից Աստղիկ Վարդանյանը դարձել է Հայաստանի պետական կամերային նվագախմբի կոնցերտմայստեր (առաջին ջութակ):

Արթուր Ավանեսովը դասավանդում է Երևանի Կոմիտասի անվան պետական կոնսերվատորիայում և Հայաստանի Ամերիկյան համալսարանում: Բազմիցս հանդես է եկել որպես ժամանակակից երաժշտության կատարող: Շվեյցարական «Laboratorium» միջազգային անսամբլի և հայ-վրացական «Convergence» նոր երաժշտության անսամբլի հիմնադիր անդամներից է: Համագործակցել և ելույթ է ունեցել այնպիսի երաժիշտների հետ, ինչպիսիք են Պիեռ Բուլեզը, Ռոհան դը Սարամը, Քիմ Քաշքաշյանը, Անյա Լեխները, Թոնի Արնոլդը, Տիգրան Մանսուրյանը, Մովսես Պողոսյանը, «Seattle Chamber Players» խումբը և շատ ուրիշներ:

Աղբյուր` Panorama.am:

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan