USD
EUR
RUB

Վարդան Հակոբյան․ Արցախ

 

(Ձոներգ)

Սավառնող արծվի անբիծ փետուրով
Արևի վրա գրում եմ` Արցախ:
Մասիս բարձրանում` Նոյի հետքերով,
Տապանի կողին ծաղկում եմ` Արցախ:
Տնետուն անցնում-ուխտավոր լուսո-
Տնվորաց սրտում կարդում եմ`Արցախ:
Սիրտս` մոմ, վառում քո ամեն քարին,
Լույսով վրձնում եմ մի թեժ բառ` Արցախ,
Քո անվան ոսկե տառերը` հունդ-հունդ,
Հայոց հերկերում սփռում եմ` Արցախ...

Ուրիշ աշխարհ է Արցախն աշխարհում,
Քարերն էլ այստեղ խունկ են բուրվառում:

Ես քեզ երգելու համար, իմ Արցախ,
Երբեք չեմ դիմում խոսք ու բառերի,
Պարզապես բոբիկ, իմ ցուպը առած,
Այցելում եմ քո հին-հին բերդերին,
Խոնարհվում եմ վեհ լեռներիդ առաջ,
Ձուլվում եմ հզոր, անհաղթ երթերիդ,
Համբույրներ թողնում առյուծներ ծնող
Սուրբ մամիկների մեռոն-փեշերին:
Անկոտրում ես դու, վշտի մեջ` մենակ,
Ինքդ քեզ` սատար, ինքդ քեզ` հենակ:

Թե փուլ գա անգամ աշխարհը հանկարծ,
Դու միշտ կանգուն ես մնալու, Արցախ:

Իմ բարձրիկ Արցախ,Արցախ իմ հպարտ,
Հին Հայոց Արևելից վեհարան,
Դու` մեր սուրբ-սրբոց, մեր շունչ ու հավատ,
Մեր օջախ ու տուն, մեր սիրո մերան,
Լույսի օրորոց, սրտի անմար բոց,
Հայոց քաջերի ծաղկուն դու օրրան,
Հյուսված կարոտից, ցավից ու սիրուց`
Նահատակ որդոց հիշատակարան,
Զենք-ասպար կապած, զորքով անհամար,
Միշտ արդար, միշտ վեհ, զարկն` անվարան:

Ուրիշ աշխարհ է Արցախն աշխարհում,
Աստծո շունչ կա ամեն նշխարում:

Սրբազան երկիր...Կապույտ գետերը
հոսում են ասես երկնի փեշերով:
Ամեն մի տաճար, խաչքար, հանդերը
օծված են Տիրոջ սրտի նախշերով:
Արցախը ոգի, հրաշք է ու զարդ`
իր քաջ այրերով, նազուն հարսներով:
Տեսե՞լ եք` ոնց է մեր զոհյալների
շիրիմներից հուր ելնում գիշերով:
«Մինիշակ» տակռավ ա ամեն մարդ՚,
նռան բուրմունք, թթենի, վարդ...

Հող չէ Արցախը, բերդ է ու ամրոց,
Չեմ փոխի անգամ մի ծեղն աշխարհով...

Իմ փոքրիկ Արցախ, իմ նարոտ ու բախտ,
Լուսեղեն ու սեգ, Աստծո դրախտ:
Մուշկ ու մոշով են հանդերդ բուրում,
Երգող ջրերիդ լեզվակը լինեմ,
Քո սահմանները անառիկ պահող
Զինվորաց սրտի շունչ-զարկը լինեմ,
Անարգ ոսոխին իր որջում խեղդող
Հաղթանակներիդ տաք զանգը լինեմ,
Հավերժությունը քեզ գիրկն է առել,
Գալիք դարերիդ խոսնակը լինեմ:

Մի Արցախ է, Աստված, ու մի աշխարհ,
Աջդ` վրան, զորավիգ լեր դու միշտ նրան:

Կարդում են հեղինակը և Մելանյա Միլոնյանը

 

Լրահոս
Արգելոց-թանգարաններում միասնական տոմսի արժեք է սահմանվել «Սգո տունը» թատրոն կդառնա Պաղտասար Դպիր.Դարձեալ առ տաճարն երկնանման Էդ Շիրանի նոր ստեղծագործությունը 1 մլն-ից ավելի դիտում է ունեցել մի քանի ժամում Գնացքում Շուշանիկ Կուրղինյան. ․․․Եվ մենք քսան դար․․․ Սիպիլ․ Մենաստանին կույսը Բաղայ Ասորի. «Երանելի՜ ես դու, որովհետև քո կաթով կերակրեցիր Աստծուն» Emmy-ի մրցանակաբաշխությունը կանցկացվի առանց հաղորդավարի. Fox Entertainment Գրիգոր Զոհրապ․ Ժամին բակը «Չկա անհաջողակ մարդ, կա անհաջող մտածելակեր Հովհաննես Թումանյան․ Աղջկա սիրտը «ՌեԱնիմանիա»-ն կիրականացնի «Անիմացիոն ֆիլմի դիտարկում մեդիայում» խորագրով դասընթաց Մարզահամերգային համալիրի տարածքում տեղադրվելու է Կարեն Դեմիրճյանի արձանը Աշխարհի բանաստեղծական պատկերին հավատարիմ «Հայաստանի ազգային արխիվ» ՊՈԱԿ-ը գործելու է Արդարադատության նախարարության ենթակայության տակ Աստված նայում է մարդու սրտին, իսկ մարդիկ՝ մարդկանց երեսին Հովհաննես Հովհաննիսյան․ Արազն եկավ լափին տալով․․․ Սոնա Արշունեցի․ Արդար դատաստան Աղոթք ընտանիքի Ստեփանակերտի հրապարակում կհնչի Տիգրան Մանսուրյանի երաժշտությունը Արչի Կալենցը` Նիկողոսյանի մասին. «Պապիկս ասում էր` քանդակն իմ կինն է, գեղանկարչությունը` սիրուհիս» Վալենտին Գաֆտին գլխուղեղի կաթվածով հիվանդանոց են տեղափոխե Մարկ Գրիգորյանը նշանակվել է Թամանյանի անվան Ճարտարապետության ազգային թանգարան-ինստիտուտի տնօրեն Տարանտինոն չի բացառում, որ իր 10-րդ ֆիլմը կդառնա վերջինը Բելգիացին 500 եվրոյով պատահաբար գնել է Ռեմբրանդտի՝ մոտ 30 մլն եվրո արժեցող կտավը Մայր տաճարի բուսածածկույթի մաքրման աշխատանքների ժամանակ պատահականորեն բացահայտվում է, որ տաճարը փլուզման վտանգի առջև է «Տիրոջ երկյուղը կյանք է մարդու համար» Disney-ը կվերանկարահանի «Տանը՝ մենակ» եւ «Գիշերը թանգարանում» ֆիլմերը Վիլյամ Սարոյան. Ծիծաղ Աղոթք առ Աստված Ոչինչ ի ցույց մարդկանց չանելու մասին Ավարտվեցին Հաղբատավանքի որմնանկարների վերականգնման աշխատանքները Արդյո՞ք դժվար է Թուրքիայում հայերեն երգեր կատարելը. ստամբուլահայ երգչուհին է պատմում Ստեփան Զորյան․ Անհայտ թելեր Կյանքից հեռացել է ճանաչված գրականագետ Հասմիկ Աբեղյանը «Չնայած , ես ինձ գրող չեմ համարում, բայց...». Սամվել Սևադա Սիպիլ․ Ապրի՛լ Եղիշե Չարենց․ Երկիր Նաիրի՝ Մասն երկրորդ Աղօթք ապաշխարութեան
website by Sargssyan