USD
EUR
RUB

Մոր աղոթքներն յուր երեխաների համար

 

Կազմված է Ամվրոսի Օպտինցու ձեռամբ

Աստվա՛ծ, բոլոր արարածների Հաստի՛չ, Քո՝ իրար հաջորդող ողորմություններով ընտանիքում մայրանալու արժանացա. Քո շնորհն ինձ երեխաներ պարգևեց, և ես համարձակվում եմ ասել՝ Նրանք Քո երեխաներն են: Որովհետև Դու կյանք պարգևեցիր նրանց, կենդանացրիր անմահ հոգով, մկրտությամբ վերածնեցիր նրանց կյանքի համար՝ Քո կամքի համաձայն, որդեգրեցիր և Քո Եկեղեցու գիրկն առար նրանց:

Տե՛ր, Դու միակն ես, որ ամեն ինչ գիտես, ամեն ինչ կարող ես և կամենում ես, որ բոլորն էլ փրկվեն ու ճշմարտության գիտությանը գան: Ճանաչել տո՛ւր իմ երեխաներին (անունները) Քո սուրբ ճշմարտությունն ու Քո կամքը, զորացրո՛ւ նրանց քայլելու Քո պատվիրանների շավիղներով, և ողորմի՛ր ինձ՝ մեղավորիս, ամեն:

* * *

Տե՛ր, ցմահ պահպանի՛ր նրանց շնորհալից վիճակում, արժանացրու՛ Քո Ուխտի խորհուրդներին հաղորդ լինելու, սրբգործի՛ր նրանց Քո ճշմարտությամբ. նրանցում և նրանց միջոցով թող սուրբ լինի Քո նվիրական անունը: Ի վերուստ օժտի՛ր ինձ Քո շնորհական օգնությամբ նրանց դաստիարակելու ի փառս Քո անվան և հօգուտ մերձավորի: Հանուն այդ նպատակի զինի՛ր ինձ գործելակերպերով, համբերությամբ ու զորությամբ: Սովորեցրու՛ ինձ նրանց սրտերում տնկել ճշմարիտ իմաստության արմատը՝ Քո երկյուղը: Քո աշխարհախնամ իմաստության լույսը ծագեցրու՛ նրանց մեջ: Թո՛ղ սիրեն Քեզ ամբողջ հոգով ու մտքով, թո՛ղ հարեն Քեզ ամբողջ սրտով, և թո՛ղ հընթացս բովանդակ կյանքի դողան Քո խոսքից: Տու՛ր ինձ իմաստություն համոզելու նրանց, որ իրական կյանքը պատվիրանապահությունն է, որ բարեպաշտությամբ զորացած աշխատանքը այսրաշխարհում անխռով ապրուստի, իսկ անդրաշխարհում անճառելի երանության բուն պատճառն է: Քո օրենքն ընկալելու շնորհը սփռի՛ր նրանց վրա: Մինչև իրենց կյանքի վերջին շունչը թո՛ղ Քո ամենուրեքության զգացողությունն ունենան. նրանց սրտերում ամենայն անօրենության հանդեպ վախ ու գարշանք հաստատի՛ր, թո՛ղ անարատ քայլեն իրենց շավիղներում, թո՛ղ հանապազ հիշեն, որ Դո՛ւ, Տե՛ր Ամենաբարի, Քո օրենքին ու արդարությանը նախանձախնդիր ես: Պահպանի՛ր նրանց ողջախոհության և Քո անվան նկատմամբ խորին պատկառանքի մեջ: Թո՛ղ իրենց վարքով չարատավորեն Քո Եկեղեցին, այլ ապրեն ըստ նրա պատվերների:

Կենդանացրու՛ նրանց հոգեշահ ուսումնառության բաղձանքով և ամենայն բարի գործի ունակ դարձրո՛ւ: Թո՛ղ ճշմարիտ պատկերացումներ ձեռք բերեն այն ամենի շուրջ, որոնց մասին գիտելիքներն անհրաժեշտ են նրանց իրենց վիճակում, և թո՛ղ հանուն մարդկության լուսավորվեն բարերար գիտությամբ:

* * *

Տե՛ր, իամստնացրու՛ ինձ՝ իմ երեխաների մտքում և սրտում անջնջելի դրոշմներով կնքելու Քո երկյուղը չճանաչողների հետ համագործակցելու մտավախությունը, ներշնչի՛ր նրանց ըստ ամենայնի հեռանալ անօրենների հետ ամենայն միություն կազմելուց: Եվ թո՛ղ ականջ չդնեն նրանց գարշահոտ զրույցներին, թո՛ղ չանսան թեթևամիտ մարդկանց, թո՛ղ հոռի օրինակները չշեղեն նրանց Քո ճանապարհներից, և թո՛ղ չգայթակղվեն այնու, որ անօրենների շավիղներն երբեմն բարեհաջող են այս աշխարհում:

* * *

Հա՛յր Երկնավոր, տու՛ր ինձ շնորհ ըստ ամենայնի զգուշանալ իմ արարքներով երեխաներիս գայթակղելուց, այլ, մշտապես աչքիս առաջ ունենալով նրանց վարքը, ետ դարձնել նրանց մոլորություններց, շտկել գործած սխալները, սանձահարել համառությունն ու անհնազանդությունը, ետ պահել նրանց նկրտումներից առ ունայնն ու թեթևամիտը: Թո՛ղ չհրապուրվեն խենթ մտքերով ու իրենց սրտի թելադրանքով չքայլեն, և թո՛ղ չմոռանան Քեզ ու Քո օրենքը: Թո՛ղ անիրավությունը չմթագնի նրանց միտքը և սասանի առողջությունը, և մեղքերը թո՛ղ չթալկացնեն նրանց հոգեկան ու մարմնական ուժերը: Արդար Դատավո՛ր, որ պատժում ես երեխաներին ծնողների պատճառով մինչև երրորդ և չորրորդ սերունդ, հեռու վանի՛ր այսպիսի պատուհասն իմ զավակներից, իմ մեղքերի պատճառով նրանց մի՛ պատժիր, այլ Քո շնորհի ցողով շաղի՛ր նրանց, և թո՛ղ հաջողություն ունենան առաքինության և սրբության անդաստանում, և թո՛ղ աճեն Քո բարեհաճության վայելման և բարեպաշտ մարդկանց հանդեպ սիրո մեջ:

* * *

Հա՛յր ողորմությունների ու ամենայն գթասրտության, մոր ծնողական զգացմունքով երեխաներիս համար երկրային բարիքների ամենայն առատություն կցանկանայի, նաև՝ օրհնություն երկնային ցողից ու արգավանդ հողից, բայց թո՛ղ Քո Սուրբ կամքը լինի նրանց հետ: Ըստ Քո բարեհաճության կարգի՛ր նրանց բարեբախտությունը, հանապազօրյա հացից մի՛ զրկիր նրանց իրենց ողջ կյանքում, ի վերուստ օժտի՛ր նրանց ժամանակի մեջ հարկավոր ամեն ինչով՝ երանելի հավիտենությունը ձեռք բերելու ի խնդիր, ողորմած եղի՛ր նրանց հանդեպ, երբ մեղանչեն Քո դեմ, նրանց մանկության և տհասության մեղքերն մի՛ հիշիր, նրանց սրտերը բեկի՛ր, երբ կըմբոստանան Քո քաղցր առաջնորդության դեմ, պատժի՛ր նրանց և ողորմի՛ր՝ առաջնորդելով նրանց Քեզ հաճո ճանապարհով, բայց և երես մի թեքի՛ր նրանցից: Հաճությամբ ընդունի՛ր աղոթքները նրանց, ամենայն բարի գործում հաջողություն պարգևի՛ր, մի՛ անտեսիր նրանց իրենց նեղության օրերին, թո՛ղ իրենց ուժերից գերիվեր գայթակղությունների չհանդիպեն: Քո գթությամբ նրանց հովանին եղի՛ր, թո՛ղ Քո հրեշտակը անպակաս լինի նրանցից և պահպանի ամենայն պատուհասից ու չար շավիղներից:

* * *

Տե՛ր Ամենաբարի, ինձ՝ իր զավակներով բերկրող մայր դարձրու՛, որ կյանքիս օրերի ուրախությունը լինեն և ծերությանս նեցուկը: Արժանացրու ինձ՝ Քո գթությանն ապավինելով, նրանց հետ կանգնել Քո Ահեղ դատաստանի առաջ ու անարժան համարձակությամբ ասել՝ Ահա ես և իմ երեխաները, որոնց Դու ես, Տե՛ր, ինձ պարգևել: Նրանց հետ միասին, փառաբանելով Քո անճառելի քաղցրությունն ու սերն հավիտենական, թո՛ղ գովաբանեմ ամենասուրբ անունը Քո՝ Հորը, Որդուն և Սուրբ Հոգուն, այժմ և միշտ և հավիտյանս հավիտենից. ամեն:

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan