USD
EUR
RUB

Սա այն թթխմորն է, որ այսօր հրամցնում են մեզ

 

«Զգո՛ւյշ եղեք, գուցե մեկը ձեզ խաբի» (Մատթ. 24; 24):

Ինքնակործանման եզրին կանգնած աշխարհը մարդուն կործանելու համար նոր մարտահրավերների մեջ է ներքաշում, և ոմանք, տարրական հոգևոր գիտելիքներ չունենալու պատճառով, առավել են մխրճվում մեղքի խավարի մեջ ու կորստյան մատնվում:

Բազում և բազմաբնույթ աղանդավորական շարժումների կողքին փորձում են մեր ազգի վզին փաթաթել սոդոմական մեղքը:

Բոլորին է հայտնի, որ համաճարակները առավել արագ են տարածվում, և պարարտ այգիներում միշտ էլ արագ են զարգանում մոլախոտերը, այս դեպքումG այլասերվածներ, աղանդավորներ, սորոսականներ... Արժանահիշատակ է աստվածաշնչյան պատմությունը, որ Աստված պատվիրում էր բորոտներին ժողովրդի միջից հանել դուրս` անապատ. «Ով բորոտ է, նա պետք է պատռված զգեստներ կրի, գլուխը բաց լինի, բերանը՝ ծածկված, և նա անմաքուր պետք է համարվի: Քանի դեռ հիվանդությունը նրա վրա է, նա անմաքուր պետք է համարվի: Նա անմաքուր է: Նա պետք է մեկուսացած մնա, նրա բնակավայրը բանակատեղիից դուրս պետք է լինի» (Ղևտ.13; 44-46), և բորոտի տունը քանդեն. «եթե ախտանշանը տարածված է տան մեջ, ուրեմն տան մեջ իսկական բորոտություն կա. այդ տունը անմաքուր է: Պետք է քանդել տունը և նրա փայտերը, նրա քարերն ու տան ամբողջ հողը պետք է հանել քաղաքից դուրս, մի անմաքուր տեղ» (14; 44-45): Սրանք հոգով, մտքով, մարմնով պղծվածներն են, որոնց պետք է մեկուսացնել, ու պարտավոր ենք դուրս վռնդել մեզանից այս ժանտախտը, որպեսզի ուրիշներին էլ չվարակեն, քանզի Սուրբ Գիրքն իսկ վկայում է. «Մարդու միտքն ի բնե չար է»: Մենք փոքր ազգ ենք և արդեն պառակտման եզրին կանգնած. հենց այս նկատառումով պետք է դա անենք: Մեր ազգին փոքր-ինչ ազգային մտածողությունն ու քաջությունն են պակասում. արթնանալ, սթափվել է պետք, քանզի վաղը ուշ կլինի: Նմանատիպ մարդակործան երևույթներ տարածողները խոշոր դրամաշնորհներ են ստանում սեփական ազգը կործանելու համար, թեպետ նրանց գենոֆոնդը կարելի է հետազոտության ենթարկել. գուցե հայախոս թուրք, արաբ կամ այլադավան հայակործան մի ազգի գեն գտնվի` անցյալից եկած ու այժմ վառ արտահայտված` պահի սպասումով, այլապես տարակուսելի է, թե ինչպե՞ս կարող է մարդ իր սեփական ձեռքերով քանդել կամենալ իր սեփական տունը: Ազատության, հանդուրժողականության կեղծ արժեքներ հրամցնելով` փորձում են ինքնաոչնչացում պարտադրել մեզ: Սրբապղծություն է քարոզվում ամեն տեղ և ամենուր: Սթափվե՛ք, քանի դեռ ուշ չէ, այլապես մի օր կարթնանանք ու կհիշենք Նոյի ժամանակները, կզղջանք, բայց արդեն ուշ կլինի, կկործանվենք: Մենք` յուրաքանչյուրս, պարտավոր ենք պայքարել այս հոգեպիղծ տարրերի դեմ: Ամեն բան անում և ամեն միջոցի դիմում են, որպեսզի Հայոց աշխարհը, որտեղ դրախտն էր, որտեղ Նոյը հանգրվանեց, որտեղ անգամ Աստծո Միածին Որդին իջավ ու առավել սրբագործեց, Սոդոմի ու Գոմորի վերածեն: Ամենուրեք քարոզվում, գովաբանվում է մեղքը և փնովվում առաքինությունը:

Հիսուս Իրեն հավատացողներին նմանեցրեց որոմի մեջ նետված ցորենի, ցույց տալու համար, որ կոչված ենք ապրելու մեր թշնամիների ու մեզ ատողների հետ և նրանց մեջ։

Հիսուս նույնպես շրջապատված էր ոխերիմ թշնամիներով` կեղծավոր փարիսեցիներով, անհավատ սադուկեցիներով, դավաճան հուդաներով, թերահավատ մարդկանցով։ Մեր ժամանակներում առավել են բազմացել նմանատիպ մոլախոտերը և դեռ բազմանալու միտում ունեն, քանզի բանսարկուն իր արբանյակների միջոցով փորձում է պարտադրել իր սրբապիղծ ընթացքը և մարդուն Աստծո դեմ հանելու մտադրությունից երբևէ չի հրաժարվել:

Քրիստոս ինքը զգուշացրեց մեզ. «Զգույշ եղեք փարիսեցիների ու սադուկեցիների խմորից» (Մատթ. 16; 6), սա այն թթխմորն է, որ այսօր հրամցնում են մեզ, մեղքի, անօրինության, կորստյան, փորապաշտության ու փողապաշտության թթխմորը: Ցավալին այն է, որ այս ամենը կատարվում է իշխանության լուռ համաձայնությամբ կամ գիտությամբ:

«Եթե չհավատաք, որ Ես Եմ, ձեր մեղքերի մեջ կմեռնեք» (Հովհ. 8; 24)՝ հայտարարում է Հիսուս, սրան հակառակ, աշխարհը մարդու միտքը շեղում է անբարոյականության քարոզչությամբ, որպեսզի մարդ չմտածի առաքինության մասին: Այն ո՞ր մարդն է, որ ցանկանում է մեղքերի մեջ մեռնել. վստահաբար ո՛չ ոք, որովհետև անգամ ենթագիտակցությունն է հուշում դրա վատ հետևանքների մասին, բայց արի ու տես, որ սրան հակառակ չեն մտածում ազատվել դրանից, և մեր այս մեկ ակնթարթ-կյանքը ապրում ենք մեղքերի ու անօրինությունների, թշնամանքի ու ատելության մեջ, ասում ենք քրիստոնյա ենք, բայց չենք, քանզի. «Հավատն առանց գործերի մեռած է» (Հակ. 2; 20):

Երեսուն արծաթ, ահա այս է աշխարհի մարտահրավերը բոլոր առաքինությունների դեմ: Այս երեսուն արծաթի պատճառով ժամանակին մերժվեց Քրիստոս, այս երեսուն արծաթի երկրպագության պատճառով այսօր մեր հոգուց, կյանքից, ընտանիքից, շրջապատից դուրս է մղված Քրիստոս և բույն դրած կորուստը:

Բազմացող մարդակործան գիշերային ակումբների, զվարճանքի վայրերի, խաղատների, աղանդավորական շարժումների, հեռուստացույցով քարոզվող մեղքի քարոզչության կողքին վեհաշուք կանգնած է Քրիստոսահիմն Առաքելական Սուրբ Եկեղեցին` հոգու փրկության, ինքնամաքրման և հավիտենական կյանքի կոչով, սակայն մարդ արարածը նախընտրում է հրապուրվել հոգեսպան այս երևույթներով` իր ժամանակը անցկացնելով հրապարակներում, անիմաստ ժամանակ վատնելով, բայց շաբաթվա մեջ մեկ-երկու ժամ չի կարող տրամադրել` մասնակցելու Սուրբ և Անմահ Պատարագին, որ յուրովի Գողգոթա է հիշեցնում, որտեղ Քրիստոս է Պատարագվում, և Կենսաբեր Մարմինն ու Արյունը բաշխում հավատավոր զավակներին` հավիտենական կյանքի համար:

Հառե՛ք թմբիրից, քանի դեռ ուշ չէ, քանի դեռ խավարը ամբողջովին կուլ չի տվել ձեզ, և փարվեք Քրիստոսին ձեր հոգու փրկության համար, քանզի Սուրբ Գիրքն է վկայում, որ չարի վախճանը չար է, իսկ բարու վախճանը՝ կյանք: Խորհե՛ք այս մասին:

Տեր Ահարոն քահանա ՄԵԼՔՈՒՄՅԱՆ

Գորիսի տարածաշրջանի հոգևոր հովիվ

Աղբյուր՝ Irates.am:

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan