USD
EUR
RUB

…տեղի է ունեցել Սուրբծննդյան տոներին

 

Սուրբ կայսր Կառլ Մեծի թագադրումը

Ֆրանսիայի պատմության նշանավոր դեմքերից Կառլ Մեծը երկար սպասեց իր աստեղային ժամին, երբ թագադրվեց իբրև կայսր: Լինելով ֆրանկների ու լանգոբարդների թագավորը` նա հենց 800-ի դեկտեմբերի 25-ին թագադրվեց` մահից 14 տարի առաջ: Սորբոնի համալսարանի պրոֆեսոր, պատմաբան Բրյունո Դյումիզելի կարծիքով` օրվա ընտրությունը զուտ պատահականություն էր: Այն ժամանակներում կարևոր իրադարձությունների ընտրություննը պտտվում էր կրոնական երեք տոների միջակայքում` Զատիկ, Համբարձում և Սուրբ Ծնունդ: «Իր նշանակությամբ Սուրբ Ծնունդը երրրորդն էր, ամենահեղինակավորը Զատիկն էր: Բայց դա միակ ամսաթիվն էր, որի ժամանակ մարտական գործողություններ չէին լինում` մարտից սեպտեմբեր կռվում էին»:

Նյուտոնի ծնունդը` հանճարեղ գիտնական, որ հավատում է Աստծուն

Անգլիայում գործող հուլյան օրացույցի համաձայն` Իսահակ Նյուտոնը ծնվել է 1642-ի դեկտեմբերի 25-ին: «Դա ժամանակակից գիտության ծնունդն էր,-գտնում է Փարիզի Էլեկտրոնիկայի բարձրագույն ինստիտուտի ֆիզիակայի պատմության դասախոս Պիեռ Սպանյուն:- Նա առաջինը առաջարկեց մարմինների շարժումը նկարագրող ամբողջական տեսությունը»: Նյուտոնը խորապես հավատացյալ էր ու մի քիչ էլ ինքնամեծար: Նա Աստվածաշնչի սեփական մեկնաբանությունն ուներ` գտնում է Ֆրանսիայի գիտական հետազոտությունների ազգային կենտրոնի աստտղագիտության բաժնի տնօրեն Ժան-Պիեռ Լյումինեն: Նրա խոսքով` Նյուտոնին են վերագրում ասույթը` «Ես ծնվել եմ ինչպես Հիսուսը և նրա նման իմ հայրն էլ երկնքում է» (Նյուտոնի հայրը վախճանվել էր մինչև նրա ծնվելը):

Տուրի համագումարը 1920-ին, Ֆրանսիայի կոմունիստական կուսակցության ստեղծումը
Ֆրանսիայի սոցիալիստները Սուրբծննդյան օրը հավաքվել էին, որ վերջնական որոշում ընդունեն բաժանման մասին: 1920-ի դեկտեմբերի 25-ին բացվեց սոցիալիստների 18-րդ համագումարը Տուրում, որ տևեց մինչև դեկտեմբերի 30-ը: Համագումարի պատվիրակները պետք է նուրբ հարց լուծեին` ընդունե՞լ, թե՞ ոչ 21 պայմանները, որ առաջադրել էր Կոմինտերնը Երրորդ ինտերնացիոնալին անդամակցելու համար: «Նրանք ընտրեցին դեկտեմբերի 25-ը, որովհետև ապաքրիստոնացված էին,-գտնում է Լիլի համալսարանի դոցենտ Ֆիլիպ Ռոժեն:- Դա հարմար առիթ էր ցույց տալու, որ նրանք տրամադրված են քրիստոնյաների դեմ և նման իրադարձություններին ուշադրություն չեն դարձնում»:

Մարիուս Ռենարի երիկամի փոխպատվաստումը

1952-ի դեկտեմբերին թիթեղագործ 16-ամյա Մարիուս Ռենարը ընկավ շինարարական տախտակամածից: Սկսվեց արնահոսություն և նրան վիրահատող բժիշկը ստիպված էր երիկամը հեռացնել: Մարիուսի մայրը նրան ուղարկեց Փարիզի Նեկարի հիվանդանոց և համոզեց Ժան Ամբուրժին ու նրա բժիշկներին երիկամի փոխպատվաստում անել: Իր սեփական: Վիրաբույժները այդ ռիսկային վիրահատությունն արեցին 1952-ի դեկտեմբերի 25-ին: «Դա աշխարհում առաջին փոխպատվաստումն էր, որ մի քանի ժամ տևեց,-ասում է Քրիստոֆ Լեժանդրը` Նեկարի հիվանդանոցի նեֆրալոգիայի ու փոխպատվաստման բաժնի տնօրենը:-Ժան Ամբուրժեն լավ տիրապետում էր վիրաբուժական տեխնիկային ու ամեն ինչ լավ անցավ: Մարիուսը իրեն լավ էր զգում, նույնիսկ մեդիադեմք դարձավ»:

Չառլի Չապլինի մահը` 20-րդ դարի «փոքր մարդը» հեռացավ

Անհամաչափ լայն տաբատ, փոքրիկ բեղեր, ցիլինդր ու ձեռնափայտ` այսպիսին է լեգենդար Չառլի Չապլինը, որ վախճանվեց 1977-ի դեկտեմբերի 25-ին Շվեյցարիայում: Չառլի Չապլինը` բոլորի «ծանոթը», «ոչ հերոսական» հերոս, ում հետ «շատերը կարող են իրենց նույնացնել»` Լիոնի կիրառական գիտությունների Ազգային ինստիտուտի դոցենտ ու Չապլինի կենսագիր Միշել Ֆոշեի խոսքով:

Ariane հրթիռակրի առաջին արձակումը` տիեզերքի ազատականացումը

«Պետք է հիշել ենթատեքստը,-ասում է Aerospatium ամսագրի գլխավոր խմբագիր Ստեֆան Բարենսկին,- 1960-ականներին եվրոպացիները փորձում էին մշակել համատեղ Europa հրթիռ արձակող սարքը, որ 4 անգամ ձախողվեցին: Ariane դարձավ առաջին եվրոպական հրթիռակիրը, որի հետ կապված էր տարածության մեջ ինքնիշխանության հասնելու ցանկությունը: 1979-ի դեկտեմբերի 25-ին Ariane-ը ազատականացրեց մուտքը տիեզերք»` գտնում է Բարենսկին:

Միխայիլ Գորբաչովի հրաժարականը

«Ես դադարեցնում եմ իմ գործունեությունը ԽՍՀՄ նախագահի պաշտոնում»` այս խոսքերով սկսեց Միխայիլ Գորբաչովը իր հեռուստաուղերձը 1991-ի դեկտեմբերի 25-ին: Ուղիղ նստած, հանդիսավոր տոնով նա հայտարարեց իր հրաժարականը և տեղը զիջեց Ռուսաստանի նախագահ Բորիս Ելցինին: Արևմուտքում նրա հրաժարականն ընդունվեց իբրև խորհրդանշանական արարք, բայց «ռուսաստանցիների համար դա իրադարձություն չդարձավ»` գտնում է պատմաբան Անդրեյ Կոզովոյը: Նա թագավոր էր` առանց թագավորության, այլևս իշխանություն չուներ ԽՍՀՄ-ում ու 15 հանրապետություններում, որ իրար հետևից անկախություն էին հռչակում: ԽՍՀՄ-ը վերջնականապես դադարեց գոյություն ունենալ հաջորդ օրը` դեկտեմբերի 26-ին: Դեկտեմբերի 25-ը Ռուսաստանում սովորական օր է, ուղղափառ եկեղեցին Սուրբ Ծնունդը նշում է հունվարին: «Արևմուտքում նրան բարձր են գնահատում,- ասում է Կոզովոյը,-մինչդեռ Ռուսաստանում ատում են, դավաճան են համարում, որ պատասխանատու է սովետական մեծ տերության կործանման համար: Ռուսները նոստալգիա ունեն այդ ժամանակի վերաբերյալ ու իդեալականացնում են»: 
Լաուրա Անդրիե, Le Figaro

Հ.Գ. Ինչո՞վ 21-րդ դարը կմտնի պատմության մեջ ու ի՞նչ կլինի դեռ դեկտեմբերի 25-ին` մնացած 82 տարում: Թող արձանագրեն նրանք, որ կտեսնեն այդ իրադարձությունները: Բարի ամանոր: Կամ` հայերենով` բարի կաղանդ ձեզ:

Անահիտ ԱԴԱՄՅԱՆ

Աղբյուր՝ Irates.am:

Լրահոս
Գևորգ Էմին․ Սիամանթոյի մենախոսությունը Նոր գիրք՝ «Պալատի ուրվականը» Ֆրանսիայում հայտնաբերվել է Պոլ Գոգենի՝ մեզ հայտնի ամենավաղ նկարը «Ռոմեո և Ջուլիետ»-ը՝ Ստանիսլավսկու անվան ռուսական թատրոնի բեմում «Արվեստի շաբաթ»-ը մեկնարկեց Արարչագործության շարքի մանրանկարները Նվիրում եւ հոգու պարտք՝ ըստ Սոնա Հովհաննիսյանի Օպերային թատրոնի կոլեկտիվը չի ընդունում Նազենի Ղարիբյանին Իմ հոգում․․․ Վարդան Հակոբյան․ Իսկ Էմերսոնը ձու էր խաշում հրաբուխների վրա Թադևոս Տոնոյան․ Ես քեզ սիրում եմ իմ երկրի վրա ու քո երկնքում Հառիճավանքի Թրբանճյան ընծայարանը հրավիրում է ավագ դպրոցի աշակերտներին որակյալ կրթություն ստանալու Հոգևորական շերտը «վերին դարակում» է Կոնստանտին Օրբելյան. «Թող դատարանը որոշում կայացնի, այլ ոչ թե լինի միանձնյա» «Եթե լեզուն, որով դու գրում ես, վատ գիտես, գրող լինելու մասին խոսելն ավելորդ է» Օպերային թատրոնի կառավարման խորհրդի նախագահ է ընտրվել Նազենի Ղարիբյանը Սոֆիայի Ազգային գրադարանում տեղի ունեցավ Գրիգոր Նարեկացու «Մատյան ողբերգության» պոեմի ռուսերեն թարգմանության շնորհանդեսը Երևանում հանդես կգա «Գրեմմի» մրցանակակիր «Պարկեր» քառյակը Կյանքից հեռացել է ՀՀ վաստակավոր նկարիչ Ռուբեն Ղևոնդյանը Июльансамбль կոչվող թատերախումբը հանդես կգա Երեւանում Մեկնարկում է «Երիտասարդ հայ կոմպոզիտորների կամերային երաժշտության 4-րդ փառատոնը» Զողորմութեան Քո զդուռն բազ մեզ Տէր Վիլյամ Սարոյան. Ամբողջ աշարը և բուն իսկ դրախտը Երվանդ Քոչար. Արևը խաբեց Անթիլիասում հրատարակվել է «Մշակույթը Հայաստանի Առաջին Հանրապետությունում (1918-1920)» գիտաշխատությունը Տիմատին հրապարակել է Հայաստանում նկարահանված տեսահոլովակը Վան Գոգի պատկերով օդապարիկը սավառնել է Մելբուռնի երկնքում Քարոզ. «Մարմնի ճրագը աչքն է» Սրբերի և սրբադասման մասին Հոբելյանական հուշ երեկո՝ նվիրված Մեծն Կոմիտասի ծննդյան 150-ամյակին Աղքատ Ղազարոսի առակը Խաղաղության աղոթք Գուրգեն Մահարի․ Օրոր օրոր Ռազմիկ Դավոյան․ «Ես ամեն օր քեզ հետ զրուցում եմ թաքուն» Խաղաղությունը հնարավոր է դառնում, երբ Աստված մտնում է մեր կյանք «Ոչ ոք երկինք չի մտել՝ անտարբեր և սառնասիրտ կյանք ապրելով» Ողջունում ենք Գրիգոր Լուսավորչի փողոցը Սբ Գրիգոր Լուսավորիչ վերանվանելու վերաբերյալ քաղաքապետարանի կայացրած որոշումը Գիտնականները քվանտային կտավի վրա վերարտադրել են Մոնա Լիզայի միկրոսկոպիկ պատկերը Նոր գիրք` «Հայ-գերմանական ռապսոդիա» Երևանում տեղի կունենա Ռոզի Արմենի «60 տարի բեմում» հոբելյանական համերգը, կհնչի 20 երգ
website by Sargssyan