USD
EUR
RUB

Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր»

 

«Ցանկացած քաղաքացի, երբ ազատվում է աշխատանքից, պետք է պատշաճ կերպով ծանուցվի, ես առ այս պահը մշակույթի նախարարությունից չունեմ ազատման հրաման, այդ պատճառով տեղեկացված չեմ եղել, որ ազատված եմ աշխատանքից»,- հունվարի 17-ին «Ազդակ» ակումբում կայացած ասուլիսում հայտարարեց Խորեոգրաֆիայի պետական թատրոնի նախկին տնօրեն Գայանե Կարապետյանը:

Նա ասաց, որ նախարարության աշխատակազմի ղեկավարի հետ զրույցում խոսել են այն մասին, որ առաջիկայում մրցույթ է լինելու, իրեն առաջարկել են գնալ-աշխատել մինչեւ մրցույթի հայտարարումը, իսկ ծանուցումն էլ 10 օր առաջ են իրեն հանձնել:

Գայանե Կարապետյանի ձեւակերպմամբ, խախտվել են իր իրավունքները. «Լիլիթ Մակունցն է ստորագրել իմ չշարունակման հրամանը, փոխնախարար Նազենի Ղարիբյանն էլ ասել է, որ հները չպետք է շարունակեն»:

Նա հեգնանքով հավելում է. «Նազենի Ղարիբյանին պետք է շնորհակալություն ասեմ, որովհետեւ բոլոր լրատվամիջոցները պարբերաբար գրում էին, թե նման թատրոն չկա, թղթի վրա թատրոն է, հիմա բոլորը մեր թատրոնը գիտեն»:

Գայանե Կարապետյանը պնդում է, որ երբ 2010-ից է ընդունել թատրոնը, այն որեւէ գույք չի ունեցել, բայց հանուն իրենց կատարած ներդրումների որոշել են մնալ ու աշխատել, արել են 7 ներկայացում, որոնք պահանջված են. «Դրանք ցուցադրվել են ՀՀ մարզերում, սահմանամերձ գոտում, Ստեփանակերտում, Ստանիսլավսկու եւ Սունդուկյան թատրոններում»:

Թատրոնի գլխավոր ռեժիսոր Սամվել Սարգսյանն էլ նշեց, որ արձակուրդային օրերին փոխնախարարը ոստիկանության ներկայությամբ է բացել թատրոնի դռները, իր խոսքով տեղավորվել ու ասել` տվեք մեր կնիքը. «Մեր զբաղեցրած տարածքը եղել է կաթսայատուն, որը սարքվել է ամբողջ կոլեկտիվի ուժերով, եւ հիմա ինչ-որ մեկը որոշել է ինչ-որ մեկի հրամանով ներս մտնել ու տիրանալ…Մշակույթի նախարարությունը մինչ այդ երբեւէ մտե՞լ էր այդ թատրոն»:

Նա նախարարության եւ իրենց թատրոնի փոխհարաբերությունն այսպես է բնորոշում. «Դա նման է նրան, որ փոքր երեխան ասի` մամա ջան, գուցե ինձ կերակրեի՞ր, մայրն էլ ասի` ես հիմա քո ժամանակը չունեմ, զբաղված եմ»

Հիշեցնենք, որ Գայանե Կարապետյանի պայմանագիրը չի շարունակվել, իսկ նրա փոխարեն թատրոնի տնօրենի պաշտոնակատար է նշանակվել Լիլիթ Փալանջյանը:

Գոհար ՀԱԿՈԲՅԱՆ

Աղբյուր՝ Aravot.am:

 

Լրահոս
Արգելոց-թանգարաններում միասնական տոմսի արժեք է սահմանվել «Սգո տունը» թատրոն կդառնա Պաղտասար Դպիր.Դարձեալ առ տաճարն երկնանման Էդ Շիրանի նոր ստեղծագործությունը 1 մլն-ից ավելի դիտում է ունեցել մի քանի ժամում Գնացքում Շուշանիկ Կուրղինյան. ․․․Եվ մենք քսան դար․․․ Սիպիլ․ Մենաստանին կույսը Բաղայ Ասորի. «Երանելի՜ ես դու, որովհետև քո կաթով կերակրեցիր Աստծուն» Emmy-ի մրցանակաբաշխությունը կանցկացվի առանց հաղորդավարի. Fox Entertainment Գրիգոր Զոհրապ․ Ժամին բակը «Չկա անհաջողակ մարդ, կա անհաջող մտածելակեր Հովհաննես Թումանյան․ Աղջկա սիրտը «ՌեԱնիմանիա»-ն կիրականացնի «Անիմացիոն ֆիլմի դիտարկում մեդիայում» խորագրով դասընթաց Մարզահամերգային համալիրի տարածքում տեղադրվելու է Կարեն Դեմիրճյանի արձանը Աշխարհի բանաստեղծական պատկերին հավատարիմ «Հայաստանի ազգային արխիվ» ՊՈԱԿ-ը գործելու է Արդարադատության նախարարության ենթակայության տակ Աստված նայում է մարդու սրտին, իսկ մարդիկ՝ մարդկանց երեսին Հովհաննես Հովհաննիսյան․ Արազն եկավ լափին տալով․․․ Սոնա Արշունեցի․ Արդար դատաստան Աղոթք ընտանիքի Ստեփանակերտի հրապարակում կհնչի Տիգրան Մանսուրյանի երաժշտությունը Արչի Կալենցը` Նիկողոսյանի մասին. «Պապիկս ասում էր` քանդակն իմ կինն է, գեղանկարչությունը` սիրուհիս» Վալենտին Գաֆտին գլխուղեղի կաթվածով հիվանդանոց են տեղափոխե Մարկ Գրիգորյանը նշանակվել է Թամանյանի անվան Ճարտարապետության ազգային թանգարան-ինստիտուտի տնօրեն Տարանտինոն չի բացառում, որ իր 10-րդ ֆիլմը կդառնա վերջինը Բելգիացին 500 եվրոյով պատահաբար գնել է Ռեմբրանդտի՝ մոտ 30 մլն եվրո արժեցող կտավը Մայր տաճարի բուսածածկույթի մաքրման աշխատանքների ժամանակ պատահականորեն բացահայտվում է, որ տաճարը փլուզման վտանգի առջև է «Տիրոջ երկյուղը կյանք է մարդու համար» Disney-ը կվերանկարահանի «Տանը՝ մենակ» եւ «Գիշերը թանգարանում» ֆիլմերը Վիլյամ Սարոյան. Ծիծաղ Աղոթք առ Աստված Ոչինչ ի ցույց մարդկանց չանելու մասին Ավարտվեցին Հաղբատավանքի որմնանկարների վերականգնման աշխատանքները Արդյո՞ք դժվար է Թուրքիայում հայերեն երգեր կատարելը. ստամբուլահայ երգչուհին է պատմում Ստեփան Զորյան․ Անհայտ թելեր Կյանքից հեռացել է ճանաչված գրականագետ Հասմիկ Աբեղյանը «Չնայած , ես ինձ գրող չեմ համարում, բայց...». Սամվել Սևադա Սիպիլ․ Ապրի՛լ Եղիշե Չարենց․ Երկիր Նաիրի՝ Մասն երկրորդ Աղօթք ապաշխարութեան
website by Sargssyan