USD
EUR
RUB

Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից»

 

 Ամանորյա ընդմիջումից հետո զրուցում ենք Հայաստանի Ալ․ Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար և գլխավոր տնօրեն, ՌԴ վաստակավոր արտիստ Կոնստանտին Օրբելյանի հետ։

- Տարին սկսում ենք «Չիպոլինո» մանկական բալետի է՛լ ավելի ակտիվ ցուցադրմամբ․․Ես բոլոր ծնողներին ասում եմ․ ցույց տվեք ձեր երեխաներին հրաշալի համանուն մուլտիպլիկացիոն կինոնկարը․․․

- Համարում եք այս նախագիծը հաջողվա՞ծ։

- Անշու՛շտ։

- Իսկ չե՞ք մտածում արդյոք «Չիպոլինո»-ի մեր՝ հայկական բեմադրությունը արտահանելու մասին։

- Ինչու ո՛չ, ծրագրերը շատ են, սակայն դրանց իրագործման համար ակնկալում ենք՝ առաջին հերթին՝ մեր պետության աջակցությունը։

Փետրվարին Վ․Ա․Մոցարտի «Կախարդական սրինգի» երևանյան առաջնախաղն է՝ պրեմիերան․․․Ինչպես հիշում եք, այն մենք անցած տարի մեծ հաջողությամբ ներկայացրինք Դուբայում։

Փետրվարի 20-ին այստեղ մենք նշում ենք ականավոր երգիչ (բաս) ազգությամբ վրացի Պաատա Բուրչուլաձեի 60-ամյակը։ Նա համերգ կտա մեր թատրոնում; առաջին անգամ Հայաստանում կկատարվի Վերդիի «Ատիլլա» օպերան՝ մեր երգիչների մասնակցությամբ։

Իսկ ապրիլի սկզբին պլանավորել եք մեր թատրոնում ներկայացնել «Նորման»՝ Պաոլո Միչիկեի մեկնաբանությամբ։ Մենակատարներ՝ Անահիտ Մխիթարյան, Մարինե Դեինյան։

Այնուհետև՝ մեծապես Մկրտիչ Բաբաջանյանի ջանքերով բեմադրելու ենք Ռոսինիի «Ճամփորդություն դեպի Րեյմս» օպերան՝ համերգային ձևաչափով։

Հարկավոր է նաև գոնե մեկ նոր ռուսական օպերա բեմադրել՝ համաշխարհային խաղացանկից, ասենք, «Եվգենի Օնեգին»-ը։

Իսկ սեպտեմբերի սկզբերին՝ Ամենայն հայոց բանաստեղծ Հովհաննես Թումանյանի 150-ամյակի կապակցությամբ ներկայացնելու ենք «Անուշը»՝ իհարկե՛, նոր բեմադրությամբ։

Կրկնեմ․մենք սպասում ենք հովանավորների՝ թե՛ պետական, և թե՛ մասնավոր։

(Այստեղ տեղին ենք համարում հիշեցնել, որ տևական ժամանակ է արդեն մաեստրո Օրբելյանն անձամբ է հոգում նորանոր ներկայացումներ բեմադրելու, և մի շարք այլ ծախսեր- Գ. Խ.)։

- Չգիտեմ, թե ինչու՞, հիշեցի «Jesus Christ Superstar» լեգենդար ռոք-օպերան․․․Դուք երբևէ չե՞ք մտածել նմանատիպ մի բան այստեղ բեմադրելու մասին:

- Հիմա մի բան կասեմ, կարող է մի փոքր անակնկալ լինի․ դեռ հեռավոր 1963-ին հենց այստեղ, մեր օպերային թատրոնում առաջին անգամ նախկին ԽՍՀՄ-ում բեմադրվեց Լեոնարդ Բերնստայնի լեգենդար «Վեստսայդյան պատմություն» մյուզիքլը (“Westside Story”): Պատկերացնու՞մ եք․․․(Մաեստրո Օրբելյանը պահարանից հանում է խնամքով պահվող մյուզիքլի ձեռագիր նոթատետր․- Գ. Խ.):

Տեսնե՛նք, դա երևի ապրիլին կլինի՝ Երևանում ԱՄՆ դեսպանությունում մի փոքր դրամաշնորհ ենք շահել՝ մյուզիքլը նորից այստեղ բեմադրելու համար։

Օգտվելով իմ կողմից շատ հարգված «Առավոտի» ընձեռած հնարավորությունից, ուզում եմ դիմել բոլոր նրանց, ովքեր որևէ տեղեկություն, հրապարակում, կամ՝ նույնիսկ ձայնագրություն ունեն այդ պատմական իրադարձության վերաբերյալ՝ դրանք մեր թատրոնին տրամադրելու խնդրանքով։ …

Դե՛, արդեն գիտե՛ք, որ փետրվարի 10-ին ԱՄՆ-ում կայանալու է հերթական «Grammy» մրցանակաբաշխությունը, և Վերդիի «Րիգոլետտո» օպերայի ձայնագրությունը՝ կատարմամբ Կաունասի սիմֆոնիկ նվագախմբի՝ Ձեր խոնարհ ծառայի ղեկավարությամբ, մեծն երգիչ, իմ լավագույն բարեկամներից լուսահոգի Դմիտրի Խվորոստովսկու, այլ աշխարհահռչակ մենակատարների՝ Նադին Սիերայի, Ֆրանչեսկո Դեմուրոյի մասնակցությամբ ներկայացվել է այդ հեղինակավոր մրցանակին «Լավագույն օպերային ձայնագրություն» անվանակարգում; ինձ համար դա արդեն “Grammy”-ի երրորդ ներկայացումն է։

Այնտեղ ներկա են լինելու Դմիտրիի այրին՝ Ֆլորանսը, իր զավակները՝ Մաքսիմը և Նինան։ Հուսա՛նք, որ այս անգամ հաջողության կհասնենք՝ առաջին հերթին սիրելի Դմիտրիի հիշատակը հավերժացնելու համար, չէ՞ որ դա իր վերջին ձայնագրությունն էր․․․

Զրուցեց Գուրգեն ԽԱԺԱԿՅԱՆԸ

Աղբյուր՝ Aravot.am:

Լրահոս
«Ես եմ կենաց հացը, ով դեպի Ինձ գա, քաղց չի զգա, և ով Ինձ հավատա, երբեք չի ծարավի» ԵՊՀ պրոֆեսորադասախոսական անձնակազմի մեծ մասը կմիանա ուսանողական շարժմանը Մոսկվայում կանցկացվի ճապոնական կինոյի փառատոն Պատվի պարտք Եռօրյա տոն մայրաքաղաքում. մեկնարկում է գրքի երևանյան փառատոնը Ներսես Աթաբեկյան․ Մարդը գնում էր անձրևի միջով․․․ Վրեժ Սարուխանյան․ Պողոսի ցավը «Գեղարդ» երգեցիկ խումբը Գերմանիայում լեփ-լեցուն դահլիճներում է հնչեցրել հայ կոմպոզիտորների գործերը Հանդիսատեսն ընտրել է 2019-ի լավագույն ֆիլմը Երևանում տեղի է ունեցել Եվրոպական ֆիլմերի երկրորդ փառատոնի բացման արարողությունը «Ե­թե սի­րեք ի­րար, բո­լո­րը կի­մա­նան, որ Իմ ա­շա­կերտ­ներն եք» Ինկերի հնագույն բնակավայր է հայտնաբերվել լազերային տեխնոլոգիաներ Մարի Հովհաննիսյանը հրատարակելու է Սոս Սարգսյանի կենսամատենագիտությունից դուրս մնացած փաստերը Մարդիկ ավելի շատ մտածում են, քան՝ շնչում, մաս 1-ին Երևանում արվեստների կենտրոն ու թանգարան է բացվում Մոսկվայի Արևելքի պետական թանգարանում բացվել է հայ նկարիչ Նիկոլայ Կարախանի ցուցահանդեսը Եկեղեցու պատմության փոխարեն դպրոցներում կդասավանդվի կրոնի պատմություն Հրաչյա Թամրազյան․ Բնորդ Վահան Թոթովենց․ Վանե՛ շողերդ․․․ Ինչպես շարունակել Ավետարանների մանրանկարչության արվեստը Մեկնարկում է «Կին»​​ միջազգային ​​16-րդ ​​կինոփառատոնը Սկզբու՞նք թե՞ նպատակահարմարություն․․․ Յուրի Բաշմետ. «Ժամանակակից դասականներ» կոմպոզիտորական փառատոնի նման բովանդակության չեմ հանդիպել «Գոհություն հայտնեցե՛ք ամեն ժամ ամեն ինչի համար» Մահացել Է ռեժիսոր Ռոման Խրուշչը Ամենայն Հայոց Կաթողիկոսն ընդունեց Սուրբ Աթոռի պետությունների հետ հարաբերությունների քարտուղարին Մշակույթում ցենզուրան պարտադիր է. չգիտեմ՝ ով ինչ գործակալ է, բայց ոչ մեկին չի հաջողվի վերացնել ազգի մշակույթը, լեզուն. Արտաշես Ալեքսանյանը՝ Արայիկ Հարությունյանի հայտարարության մասին Կրոնական դասավանդությունը Գերմանիայի հանրակրթական դպրոցներում կամ կրկին «Հայ Եկեղեցու պատմություն» դասաժամի մասին Հռոմի պապը կաղոթի բոլոր մոլորյալ հոգիների համար «Պեպո»-ն կթվայնացվի և կվերականգնվի. Ազգային կինոկենտրոն Ռազմիկ Դավոյան․ Ով իմ սուրբ աշխարհ Հայուհին «Ձայն տուր ով ծովակ» երգով հիացրել է ռուսական մրցույթի ժյուրիի անդամներին Սատանիզմ Եղիշե Չարենց. Աշխարհիս մեջ ես էլ մե օր... Վահագն Մուղնեցյան. Մենք այնպես ենք ապրում... Մեկ նկարի թանգարանի նոր ցուցանմուշը կլինի Այվազովսկու կտավը «Ռոլան» մանկապատանեկան ֆիլմերի 15-րդ միջազգային փառատոնը «Դա­վի­թը շատ ան­կեղծ է, գրա­կա­նու­թ­յան մեջ ար­տա­ցո­լած զգա­ցա­կան շեր­տը հա­մա­պա­տաս­խա­նում է նրա խառն­ված­քին» Թումանյանի թանգարանը լույս է ընծայել հեղինակի ստեղծագործությունները` արևմտահայերեն փոխադրությամբ Կոնստանտին Օրբելյան. Մեր արտիստներին ճանաչում են դրսում ու պահանջված են
website by Sargssyan