USD
EUR
RUB

Արմեն Ալավերդյան. «Մի քանի օր ունենք հաստատելու կամ խայտառակվելու համար»

 

 «Ունիսոն» հասարակական կազմակերպության ղեկավար Արմեն Ալավերդյանը ահազանգում է` «Փարոս» ներառական երգչախումբը խնդիր ունի եւ կանգնած է խայտառակվելու վտանգի առաջ, եթե միջոցներ չգտնվեն մեկնելու առաջիկա արտասահմանյան հյուրախաղին:

«Երգչախումբը բացառիկ է նրանով, որ երգչախմբի մեծ մասը սայլակ օգտագործող, չտեսնող եւ այլ հաշմանդամություն ունեցող երգիչներ են: Երգչախումբն ունի 25 տարվա պատմություն: Ես հավատացնում եմ ձեզ, որ այդպիսի կարգավիճակով նման երկարատեւ կոլեկտիվ` այդպիսի հաջողություններով գոյություն չունի»,-ասաց Արմեն Ալավերդյանը:

Բազմաթիվ միջազգային պարգեւների արժանացած «Փարոս» երգչախումբը, Արմեն Ալավերդյանի հավաստմամբ, գոյության 25 տարիների ընթացքում լուրջ մրցույթների ու հյուրախաղերի է մասնակցել, ու միշտ իրենց աջակցել են տարբեր կազմակերպություններ, սակայն հիմնական աջակիցը եղել է պետությունը:

«Դա տրամաբանական է, ճիշտ է, դա նաեւ պատվաբեր է եւ մեր եւ պետության համար, որովհետեւ «Փարոս» երգչախումբը երկիր է ներկայացնում եւ ոչ թե տուրիստական նպատակներով է գնում այլ երկրներ: Անցյալ տարի աշնանը Ֆրանկոֆոնիայի օրերի ժամանակ ֆրանսիական Vox Sirenis հայտի երգչախումբը ցանկություն հայտնեց մեզ հետ հանդես գալ Երեւանում, եւ այնքան տպավորված էին, որ ցանկացան մեծ հրավիրել Փարիզ:

Ես մի քիչ հոռետեսությամբ էի նայում հրավերին, որովհետեւ միշտ էլ լինում են ձեւական հրավերներ, բայց, իսկապես ստացանք պաշտոնական հրավերը ու տեղեկացանք, թե ինչեր են արել այդ մարդիկ: Փաստորեն նախատեսված է 3 համերգ հունիսին, այն էլ ինչ վայրերում, մի համերգը հենց Փարիզի Հաշմանդամների պալատում է, որը հանրահայտ եւ հեղինակավոր վայր է, այնտեղ տեղի է ունեցել Ազնավուրի հրաժեշտի արարողությունը:

Եվս երկու համերգ նախատեսված է հայ համայնքի եւ ֆրանսիացի լսարանի համար: Ես, իհարկե, սովորական ձեւերով կդիմեի գումարի համար, մանավանդ պետությունը երբեք չի մերժել: Ուղղակի հիմա իրավիճակն այնպիսին է, որ նախարարությունները վերակազմավորման մեջ են, չգիտենք կլինի, թե չի լինի մշակույթի նախարարություն:

Առայժմ հարցը քննարկման փուլում է, իսկ Ֆրանսիայում շատ լուրջ մարդիկ պատվիրում են տոմսեր մեր համերգների համար, եւ խայտառակություն կլինի, եթե չգնանք: Մեզ շատ հարմար կլիներ ուղիղ չվերթով մեկնել Փարիզ, բայց մենք հարմարվող ենք, հասկանում ենք, որ դա շատ թանկ է եւ գտել ենք շատ ավելի մատչելի տարբերակ Ստամբուլով թռչելու, ինչն ընդհանուր մեր խմբի համար կկազմի 16600 եվրո, ինչը 10 մլն դրամի չափերում է եւ այն թիվը չի, որ խայտառակության առաջ կանգնենք:

Մենք պետք է անպայման աջակցություն ստանանք համապատասխան պետական մարմնից նաեւ ինչու չէ` երկրի ղեկավարից… Գուցե մի մասն էլ մասնավորը վերցնի իր վրա: Անուններ չեմ հնչեցնի, բայց բոլորս գիտենք, թե ովքեր են հակված եւ անում նման մշակութային եւ սոցիալական ծրագրեր»,- ասաց «Ունիսոնի» ղեկավարը:

Արմեն Ալավերդյանը հստակեցրեց, որ հրավերը հունիսի 16-23-ն ընկած ժամանակահատվածին է վերաբերվում: Նա ընդգծեց, որ իրենք չեն զլանում դիմել սահմանված թղթաբանությանը, սակայն, նրա վկայությամբ, դա բավականին ժամանակատար է. «Մենք ընդամենը մի քանի օր ունենք հաստատելու կամ խայտառակվելու համար»: Նրա հավաստմամբ, ֆրանսիական կողմին իրենք պետք է պատասխանեն մինչեւ փետրվարի առաջին օրերը:

Աղբյուր՝ Aravot.am:

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan