USD
EUR
RUB

Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան

 

ԵՐԵՎԱՆ, 18 ՄԱՐՏԻ, Panorama.am: «Այսօր հայկական հեռուստատեսությունը և կինոն այնպիսի իրավիճակում են, որ ստիպված են մեծ խնայողություններ անել, շատ բաներից հրաժարվել արտադրանք ստեղծելիս»,- այս մասին այսօր խորհրդարանում հայկական կինոյի խնդիրների մասին քննարկման ժամանակ լրագրողների հետ զրույցում ասաց ռեժիսոր Հրաչ Քեշիշյանը:

Ռեժիսորը միաժամանակ ասաց, որ սովորաբար բարդ իրավիճակներում ստեղծագործող մարդիկ միշտ կարողանում են գտնել ելքը: «Այդ «փող չկան», իհարկե, ցավալի փաստ է, բայց ամեն դեպքում երբեմն մենք դաշտում տեսնում ենք այնպիսի լավ գործեր, որոնք արված են շատ սուղ գումարներով, փոքր ֆինանսավորմամբ, որոնք աչք են շոյում, միտք են հագեցնում»,- նշեց նա:

Անդրադառնալով սերիալներին՝ Հրաչ Քեշիշյանն ասաց, որ ինքը մեծագույն հաճույքով նայում է 16, 20 կամ 25 մասանոց սերիալները, որոնց մեջ կան իրեն հետաքրքրող թեմաներ. «Ասել, որ մեզ ընդհանրապես պետք չեն սերիալներ և դրանք այն չարիքն են, որ կործանում են մեզ և մեր երկիրը, դա մեծագույն սխալ է»:

Դիտարկմանը, թե հայկական սերիալներում բռնություն է քարոզվում , ռեժիսորն ասաց, որ յուրաքանչյուր հեռուստաընկերության ղեկավարություն հետևում է որոշակի բարոյական նորմատիվների և, ըստ այդմ, կարողանում են կառուցել սերիալը. «Գոյություն ունի տարիքային ռեյտինգի թվանշում, եթե ֆիլմի վրա կա այդ թվանշումը, ապա պետք է հետևել դրան: Ասենք, 6 տարեկան երեխային 18+ թվանշումով հեռուստաարտադրանքն ուղղակի չպետք է թույլատրել դիտել: Ի վերջո, հենց այնպես չի ցուցադրվում բռնությունը, ցուցադրվում է ինչ-որ արարք խարազանելու կամ որոշակի պատմություն պատմելու համար,իսկ որպես կանոն, յուրաքանչյուր պատմության ավարտին չարը պատժվում է: Այսինքն՝ դա նաև որոշակի ուսուցողական նշանակություն ունի»:

Նրա խոսքով՝ հեռուստատեսությունը կարող է ունենալ ազդեցություն, բայց չի կարող լինել ուսուցման կամ քարոզելու տեղ:

Հարցին, թե այսօր ինչու են ավելի պահանջված հնդկական, քան հայկական սերիալները, Հրաչ Քեշիշյանն ասաց, որ դա էլ է տենդենց, մարդիկ նորություն են ուզում:

«Հիշո՞ւմ եք, մի ժամանակ բրազիլական սերիալներն էին, հիմա՝ հնդկական: Ես հետևում եմ վարկանիշներին, կարծում եմ, հնդկական սերիալները զիջում են: Բայց պետք է դրա մեջ գտնել որոշակի տրամաբանություն՝ ինչո՞ւ են նայում հնդկական սերիալները, միգուցե կա մշակութային, կենցաղային նմանություն, հայերենը և հնդկերենը նույն հնդեվրոպական լեզվաընտանիքի անդամ են, շատ բառեր, ուտեստներ կան, որ նման են: Կա մի կապ, որ հայկական հեռուստադիտողը, անկախ իրենից, փորձում է դիտել»:

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan