USD
EUR
RUB

«Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի

 

ԵՐԵՎԱՆ, 19 ՄԱՐՏԻ, Aravot.am: Ջութակահար, Լոնդոնի սիմֆոնիկ նվագախմբի առաջատար երաժիշտ Կարմինե Լաուրին մեկ տարի անհամբեր սպասել է հայաստանյան այցին: Մալթացի ամենահայտնի երաժիշտներից մեկն այս օրերին Երևանում է՝ «Հայաստանում Մալթայի երաժշտության օրեր» ծրագրի շրջանակում:

«Առաջին անգամ եմ Հայաստանում: Մեկ տարի անհամբեր սպասել եմ հայաստանյան այցիս: Նախորդ տարի Մալթայում որպես մենակատար երկու անգամ հասցրել եմ հանդես գալ Հայաստանի պետական սիմֆոնիկ նվագախմբի հետ: Շատ սիրեցի նվագախումբն ու հաճույք ստացա Սերգեյ Սմբատյանի հետ աշխատանքից: Նրանց ասացի, որ ցանկանում եմ նվագել Հայաստանում: Եվ ահա ցանկությունն իրականություն դարձավ»,- նշում է Կարմինե Լաուրին՝ հավելելով, որ կրկին Հայաստան կվերադառնա:

Ջութակահարը փաստում է՝ Հայաստանի պետական սիմֆոնիկ նվագախումբը ֆանտաստիկ կոլեկտիվ է, երաժիշտները շատ պրոֆեսիոնալ, հիանալի մարդիկ են: Սմբատյանն էլ հիանալի դիրիժոր է, ում հետ հաճելի է աշխատել:

Կարմինե Լաուրին նշում է՝ ժամանակակից երաժշտություն հաճախ է կատարում: Ծանոթ է նաև հայ կոմպոզիտորների գործերին, Խաչատրյանի ստեղծագործությունները ֆանտաստիկ է որակում: Դեռևս չի կատարել Խաչատրյանի Ջութակի կոնցերտը, բայց այն կատարելու մեծ ցանկություն ունի: Ասում է՝ Խաչատրյանը հայերի համար նույնն է, ինչ Չայկովսկին ռուսների համար:

Հայաստանյան համերգին ներկայացնելու է Էրիկ Վոլֆգանգ Քորնգոլդի Ջութակի կոնցերտը: Փաստում է՝ շատ գեղեցիկ կոնցերտ է, բայց այդքան էլ շատ չի կատարվում: Երաժիշտն այն արդեն երկրորդ անգամ է կատարում: Կոնցերտը համեմատում է կինոերաժշտության հետ, ինչը շատ հոգեհարազատ է իր համար, քանի որ Լաուրին ղեկավարել է Լոնդոնի սիմֆոնիկ նվագախումբը «Աստղային պատերազմներ», «Հարի Փոթեր», «Դանիացի աղջիկը», «Ջրի ձևը» և այլ ֆիլմերի համար գրված երաժշտության ձայնագրությունների ժամանակ:

Նշենք, որ Լաուրին ելույթներ է ունեցել ողջ աշխարհում: Նա 18 տարի եղել է Լոնդոնի սիմֆոնիկ նվագախմբի համաղեկավարը, Օքսֆորդի ֆիլհարմոնիկի կոնցերտմայստերը և Մալթայի ֆիլհարմոնիկ նվագախմբի հրավիրյալ դիրիժորը: Նա նաև այնպիսի նվագախմբերի հրավիրյալ դիրիժոր է եղել, ինչպիսիք են Լոնդոնի ֆիլհարմոնիկը, Ռոտերդամի ֆիլհարմոնիկը, Մանչեստեր Կամերատան, Հոնգ-Կոնգի ֆիլհարմոնիկ նվագախումբը, Քովենթ Գարդենի նվագախումբը և այլն: Ելույթներով հանդես է եկել նաև Լոնդոնի սիմֆոնիկ և ֆիլհարմոնիկ, Չեխիայի ֆիլհարմոնիկ, Օքսֆորդի ֆիլհարմոնիկ, ինչպես նաև Հայաստանի պետական սիմֆոնիկ նվագախմբերի հետ:

Հիշեցնենք, որ «Հայաստանում Մալթայի երաժշտության օրեր» ծրագիրը նախաձեռնել են Մշակույթի աջակցման եվրոպական հիմնադրամը՝ նախագահ Կոնստանտին Իշխանովի գլխավորությամբ, և Հայաստանի պետական սիմֆոնիկ նվագախումբը:

Անահիտ ԳՐԻԳՈՐՅԱՆ

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan