USD
EUR
RUB

Նորից՝ ապրիլի 24

 

Այսօր առավոտից բոլոր հայերը մի ճանապարհ ունեն՝ դեպի Ծիծեռնակաբերդ։ Ու անկախ նրանից՝ արև է, թե անձրև, ցուրտ է, թե տաք, այսօր բոլոր հայերը եթե ոչ ոտքով, մտքով ու սրտով անցնում են նույն ճանապարհը՝ դեպի Ծիծեռնակաբերդ։ Ու դա ավանդույթ չէ, դա մեր Գողգոթան է: Իսկ Գողգոթան ոչ միայն Հիսուսի խաչելության վայրն է, այլև՝ հարության։ Կա՞ այդ գիտակցությունը մեր Գողգոթայի պարագայում: Չգիտեմ: Տարիներ առաջ Հայաստան էր եկել Ջեմալ փաշայի թոռը՝ ներկայացնելու իր «Հայոց ցեղասպանություն» գիրքը: Կինո «Մոսկվայում» հանդիպում էր նրա հետ: Տարօրինակ, չափազանց տարօրինակ էր, որ ցեղասպանության կազմակերպիչ երիտթուրք փաշաներից մեկի թոռը՝ Հասան Ջեմալը, Երևանում էր ու խոսում էր իր նախնու դեմ: Բայց այդ օրը հիշողությանս մեջ մեխվեց մի նախադասությամբ. «Մի հարյուրամյակ դուք ապացուցում եք, որ ձեր հողերի վրա ձեզ սպանել են, քրդերը՝ որ ապրում են այդ հողերի վրա»։

Դա դաժանագույն իրականություն էր, որից մենք այդպես էլ խուսափում ենք ընկալման ու հակադարձման մակարդակում։ Մենք ընդհանրապես խուսափում ենք մեր պատմության ընկալումից, որովհետև ընկալման պարագայում պարտավոր ենք գնահատական տալ ոչ միայն օտարներին, այլև՝ մեզ։ Ընկալման պարագայում պարտավոր ենք եզրակացություններ անել ու քայլեր, եթե ուզում ենք իրավիճակ փոխել։ Մենք նույնիսկ դա չգիտենք: 2015-ին՝ ցեղասպանության 100-ամյակին պաշտոնապես ու հանդիսավորապես խոստացվեց համահայկական ուժերով «Թղթածրար» պատրաստել, այն է՝ սահմանել մեր պահանջատիրությունը։ Այդպես էլ չսահմանվեց: Ու պատճառն այն չէ, որ այսօր չկան հայ-թուրքական դիվանագիտական հարաբերություններ ու ընդհանրապես՝ հարաբերություններ։ Պատճառն այն չէ, որ խորհրդավոր ու անավարտ «Թղթածրարը» խոչընդոտելու էր այդ չեղած հարաբերությունների լինելուն։ Պատճառը մեկն է՝ մենք պատրաստ չենք այդ խնդրին։ Ու քանի դեռ պատրաստ չենք, սպասում ու ակնկալում ենք, որ այս ու այն պետությունը կառավարության կամ խորհրդարանի մակարդակում կճանաչի հայոց ցեղասպանությունը։ Թեկուզ բոլոր պետությունները ճանաչեն, կարևորը Թուրքիայի ճանաչումն է, իսկ Անկարան չի ճանաչելու այնքան, քանի դեռ դիմացը հավասար ուժ չի տեսնում։ Քանի դեռ կա ճանաչմանը հաջորդող փոխհատուցման հարցը։ Ու ամեն ապրիլի 24-ի մենք նորից վառելու ենք Թուրքիայի դրոշը և աղոթքով ու խաչերով, դրոշներով բարձրանալու ենք Ծիծեռնակաբերդ՝ ապահովելու մեր բողոքի ու մեր ընդվզումի ձևը, իսկ բովանդակությունը ո՞վ է ապահովելու։ Ո՞վ, եթե ոչ մենք: Ու՞մ է պետք, եթե ոչ մեզ։ Ո՞վ իրավունք ունի պահանջատիրության, եթե ոչ մենք։

Անահիտ ԱԴԱՄՅԱՆ
Հ.Գ. 2021-ին լրանում է Կարսի պայմանագրի 100 տարին: Պատմությանը քիչ թե շատ ծանոթ հայերը գիտեն, որ պայմանագիրը կնքված է 100 տարուց հետո վերանայվելու իրավունքով։ 2019-2021-ը ճիշտ այն ժամանակն է, որ ունենք պատասխանելու հարցին՝ իսկ տե՞ր ենք մեր պատմությանն ու մեր երկրին։ 21-րդ դարում այն երկիրն ու պետությու՞նն ենք, որ ի զորու է միջազգային ասպարեզում պաշտպանել իր ինքնիշխանությունն ու իրավունքը։ Իր պատմական հողերը։ Թե չէ գերագույն հիմարություն է այրել Թուրքիայի դրոշը, ուժ ունե՞ս՝ քո դրոշը բարձրացրու քո հողերի վրա, որ թշնամուդ տալու ժամկետը 2 տարուց լրանում է։ Համենայն դեպս՝ 2015-ի ապրիլի 23-ին սրբադասված մեկուկես միլիոն զոհերը դա են պահանջում:

Աղբյուր՝ Irates.am

 

Լրահոս
Խաղաղության աղոթք Գուրգեն Մահարի․ Օրոր օրոր Ռազմիկ Դավոյան․ «Ես ամեն օր քեզ հետ զրուցում եմ թաքուն» Խաղաղությունը հնարավոր է դառնում, երբ Աստված մտնում է մեր կյանք «Ոչ ոք երկինք չի մտել՝ անտարբեր և սառնասիրտ կյանք ապրելով» Ողջունում ենք Գրիգոր Լուսավորչի փողոցը Սբ Գրիգոր Լուսավորիչ վերանվանելու վերաբերյալ քաղաքապետարանի կայացրած որոշումը Գիտնականները քվանտային կտավի վրա վերարտադրել են Մոնա Լիզայի միկրոսկոպիկ պատկերը Նոր գիրք` «Հայ-գերմանական ռապսոդիա» Երևանում տեղի կունենա Ռոզի Արմենի «60 տարի բեմում» հոբելյանական համերգը, կհնչի 20 երգ Կաննում պարզ է դարձել, որ Քվենտին Տարանտինոն այսօր ապրող կարևորագույն ռեժիսորներից է Մհեր Արշակյան. Բանաստեղծություններ Ռաֆայել Նահապետյան. Փախուստ Մաքրիր ինձ խղճմտանքիցս, Տե՛ր Ազնավուրի 95-ամյակին ընդառաջ Փարիզում հուշատախտակ է բացվել մեծանուն շանսոնյեի պատվին Ամենայն Հայոց Կաթողիկոսը ԱՄԷ-ում հանդես եկավ հանդուրժողականության մասին բանախոսությամբ Պրեմիերա՝ օպերայի և բալետի թատրոնում Ալեն Դելոնը ստացել է պատվավոր «Ոսկե արմավենի» Մեղավորի հոգին Պարույր Սևակ «Մարդ էլ կա, մարդ էլ» Հայերը պահպանել են աշխարհի ամենափոքր աղոթագիրքը Երաժիշտները նվագել են սառույցից պատրաստված գործիքներով «Մահն ու կյանքը լեզվի վրա են» Լատվիայում ՀՀ դեսպանը հաղորդում է բացառիկ միջոցառման մասին Հայ երիտասարդ ռեժիսորները՝ Քիշինևում «Զվարթնոց»-ում կբացվի «Ճանապարհ դեպի տաճար» ցուցահանդես«Զվարթնոց»-ում կբացվի «Ճանապարհ դեպի տաճար» ցուցահանդես Սերրգեյ Սարինյան Բրիտանացին 293 դոլարով կտավ է գնել ու պարզել, որ այն Պիկասոյի՝ 1 մլն դոլարանոց աշխատանքներից է Դանիէլ Վարուժան. Մայիսի մէկ Եղիշե Չարենց «Զարմանալի աշուն» Սրբազան Պարտաճանաչությունը Երևանի համայնքային թանգարանները կմիանան Թանգարանների միջազգային օրվա և «Թանգարանների գիշեր» ծրագրին Հայերենացրեք հայերենը Համո Սահյան, բանաստեղծություններ և ասույթներ «Արցախի նման կարգավիճակ ունեցող երկրներն աշխարհին ասելիք ունեն մշակույթով» Հայաստանի պետական սիմֆոնիկ նվագախումբը ներկայացրեց Շոպենի և Բորոդինի ստեղծագործություններից Արման Նավասարդյանը կմասնակցի Համազգային թատրոնի տնօրենի մրցույթին Մահացած որևէ մեկի հիշատակի համար ձեր մարմնի վրա դաջվածքներ մի արեք «Եթե հայ մարդուն մի քար և մի մուրճ տաս, անպայման մի խաչքար կտաշի, որովհետև հայի մեջ դարավոր մշակույթ է նստած» Էմին Թորոսյանը նշանակվել է Պատանի հանդիսատեսի թատրոնի տնօրեն Գուրգեն Մահարի․ Բալլադ Չալոյի և առաջին սիրո մասին
website by Sargssyan