USD
EUR
RUB

ԱՄՆ Հայոց Արևելյան թեմի առաջնորդը մատուցեց եպիսկոպոսական ուխտի Պատարագ

 

ԵՐԵՎԱՆ, 13 ՄԱՅԻՍԻ, Ter-hambardzum.net: Մայիսի 13-ին, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ, Սուրբ Գայանե վանքում եպիսկոպոսական ուխտի Պատարագ մատուցեց ԱՄՆ Հայոց Արևելյան թեմի առաջնորդ Գերաշնորհ Տ. Դանիել եպիսկոպոս Ֆընտըգյանը, ով նախորդ օրը ձեռամբ Ամենայն Հայոց Հայրապետի արժանացել էր եպիսկոպոսական ձեռնադրությանն ու օծմանը:

Պատարագին ներկա էին Մայր Աթոռ Սուրբ Էջմիածնի միաբաններ և ԱՄՆ Հայոց Արևելյան թեմի ուխտավոր հայորդիներ:

Դանիել Սրբազանն իր քարոզում մասնավորապես նշեց, որ եպիսկոպոսական կոչումն արտակարգ պատիվ է և միևնույն ժամանակ բացառիկ ծանր լուծ և պարտականություն` լինելու հոգևոր տեսուչը թեմում ծառայող հոգևորականների և հովիվը Տիրոջից իրեն վստահված հոտի:

Սրբազանը, անդրադառնալով հոգևորականի կոչման և Աստծո կողմից ընտրված լինելու գաղափարին, ընդգծեց, որ ամեն օր պիտի հաստատի իր ընտրությունն Աստծուց, ամեն օր, ամեն ժամ պետք է գործադրի և գիտակցի այդ կարևոր կոչումը, որպեսզի կարողանա աստվածահաճո իր առաքելությունը հաջողել:

«…Սակայն, սիրելիներ, ես միակը չեմ, որ նոր կոչում ունեմ, միակը չեմ, որ ընտրվել եմ Աստծու կողմից: Ամեն մեկը կոչում ունի, ամեն մեկն ընտրված է Աստծու կողմից, ամեն անձ, որ մկրտության ավազանի մեջ կնքվել է, արդեն ընտրված է Աստծու կոմից: Այդ անձն այդ վայրկյանից հատուկ կոչում ունի իր այս երկրավոր կյանքի մեջ, որովհետև մկրտության խորհրդով է, որ Հիսուս իբրև հայր, մեզ ասում է՝ դու ես իմ սիրեցյալ զավակը, դու իմ ժառանգորդն ես, դու օծյալ ես, դու քրիստոնյա ես և մեր մկրտության ժամանակ Աստված վկայում է` ասելով՝ ես կուզեմ, որ դու ինձ հետ լինես միշտ և հավիտենապես: Ահավասիկ, ինչ մեծ կոչում է սա:

…Ահավասիկ, դուք էլ ինձ հետ պետք է հաստատեք այդ կոչումը, պետք է հաստատեք այդ ընտրված լինելը, պետք է հիշեք ամեն օր, ամեն ժամ, ամեն վայրկյան, որ դու ընտրված ես, որ դու կոչում ունես հետևելու մեր Տիրոջը, ժառանգելու այն խոստացած բարիքները, որ կան մեր առջև», - ասաց Դանիել եպիսկոպոսը:

Սրբազանը խոսեց նաև վտանգների մասին` ընդգծելով, որ անձը կսայթաքի, կձախողի և կընկնի մեղքի մեջ, եթե մոռանա իր ընտրված լինելը, իր պատկանելիությունը Հայաստանյայց Առաքելական Սուրբ Եկեղեցուն և Աստծու զավակ լինելը: «Եվ ի՞նչ է մեղքը, եթե ոչ մոռանալ, թե ո՛վ ենք մենք, ո՛վ ենք մենք որպես զավակները Հայ Եկեղեցու՝ սրբալույս Մյուռոնով օծված քրիստոնյաները», - հաստատեց պատարագիչ Սրբազանը:

Վերջում ԱՄՆ Հայոց Արևելյան թեմի առաջնորդը հավատավոր հայորդիներին հորդորեց հավատարիմ մնալ Աստծու կողմից ընտրված լինելու կոչմանը` սրբազան Պատարագի արարողությանը մասնակցելով, Քրիստոսի կենդանարար Մարմնին ու Արյանը հաղորդվելով, անձնազոհ ծառայություն բերելով, իր նմաններին օգնության ձեռք մեկնելով, կարիքավորներին ու հիվանդներին խնամելով:

Ս. Պատարագի ավարտին ուխտավորները մեկ անգամ ևս հնարավություն ունեցան շնորհավորելու Սրբազան Հորը եպիսկոպոսական ձեռնադրության և օծման առիթով ու ստանալու նրա հայրական օրհնությունը:

Լրահոս
Մհեր Արշակյան. Բանաստեղծություններ Ռաֆայել Նահապետյան. Փախուստ Մաքրիր ինձ խղճմտանքիցս, Տե՛ր Ազնավուրի 95-ամյակին ընդառաջ Փարիզում հուշատախտակ է բացվել մեծանուն շանսոնյեի պատվին Ամենայն Հայոց Կաթողիկոսը ԱՄԷ-ում հանդես եկավ հանդուրժողականության մասին բանախոսությամբ Պրեմիերա՝ օպերայի և բալետի թատրոնում Ալեն Դելոնը ստացել է պատվավոր «Ոսկե արմավենի» Մեղավորի հոգին Պարույր Սևակ «Մարդ էլ կա, մարդ էլ» Հայերը պահպանել են աշխարհի ամենափոքր աղոթագիրքը Երաժիշտները նվագել են սառույցից պատրաստված գործիքներով «Մահն ու կյանքը լեզվի վրա են» Լատվիայում ՀՀ դեսպանը հաղորդում է բացառիկ միջոցառման մասին Հայ երիտասարդ ռեժիսորները՝ Քիշինևում «Զվարթնոց»-ում կբացվի «Ճանապարհ դեպի տաճար» ցուցահանդես«Զվարթնոց»-ում կբացվի «Ճանապարհ դեպի տաճար» ցուցահանդես Սերրգեյ Սարինյան Բրիտանացին 293 դոլարով կտավ է գնել ու պարզել, որ այն Պիկասոյի՝ 1 մլն դոլարանոց աշխատանքներից է Դանիէլ Վարուժան. Մայիսի մէկ Եղիշե Չարենց «Զարմանալի աշուն» Սրբազան Պարտաճանաչությունը Երևանի համայնքային թանգարանները կմիանան Թանգարանների միջազգային օրվա և «Թանգարանների գիշեր» ծրագրին Հայերենացրեք հայերենը Համո Սահյան, բանաստեղծություններ և ասույթներ «Արցախի նման կարգավիճակ ունեցող երկրներն աշխարհին ասելիք ունեն մշակույթով» Հայաստանի պետական սիմֆոնիկ նվագախումբը ներկայացրեց Շոպենի և Բորոդինի ստեղծագործություններից Արման Նավասարդյանը կմասնակցի Համազգային թատրոնի տնօրենի մրցույթին Մահացած որևէ մեկի հիշատակի համար ձեր մարմնի վրա դաջվածքներ մի արեք «Եթե հայ մարդուն մի քար և մի մուրճ տաս, անպայման մի խաչքար կտաշի, որովհետև հայի մեջ դարավոր մշակույթ է նստած» Էմին Թորոսյանը նշանակվել է Պատանի հանդիսատեսի թատրոնի տնօրեն Գուրգեն Մահարի․ Բալլադ Չալոյի և առաջին սիրո մասին Հովհաննես Թումանյան․ Գիշեր Էջմիածին. Անուշավան եպս. Ժամկոչյան Հայաստանի պետական սիմֆոնիկ նվագախմբին համաշխարհային երաժշտական հարթակներում կներկայացնի Only Stage գործակալությունը Բրիտանացի լեզվաբանը վերծանել է 600 տարի առաջ գրված առեղծվածային գրքի՝ Վոյնիչի ձեռագրի բովանդակությունը Արամ Ավետիսի«Ճարտարապետական մուտացիա» գրքի շնորհանդեսը` շուտով Թանգարանային գիշերվա և Թանգարանների միջազգային օրվան ընդառաջ Թբիլիսիի փողոցներից մեկը կանվանակոչվի կինոռեժիսոր Գեորգի Դանելիայի պատվին Թադևոս Տոնոյան․ Պատժաբաժին Սամվել Մարգարյան․ Սխրանք Չուլպան Խամատովան կմարմնավորի Ռաիսա Գորբաչովային
website by Sargssyan