USD
EUR
RUB

Իժևսկում կատարվել են եկեղեցական անօրինական արարողություններ

 

ԵՐԵՎԱՆ, 14 ՄԱՅԻՍԻ, Ter-hambardzum.net: Մայիսի 3-ին Ռուսաստանի և Նոր Նախիջևանի հայոց թեմի առաջնորդ Տեր Եզրաս արք․ Ներսիսյանի օրհնությամբ մի խումբ հոգևորականներ (Տ․ Հակոբ քհն․ Սարոյան- Իժևսկի նորակառույց հայկական եկեղեցու հոգևոր հովիվ, Տ․ Արիստակես քհն․ Հովհաննիսյան- Եկատերինբուրգի Ս․ Հովհաննես Կարապետ եկեղեցի, Տ․ Սեբեոս քհն․ Ղալեչյան-Նիժնի Նովգորոդի Սուրբ Ամենափրկիչ եկեղեցի, Տ․ Առաքել քհն․ Ամիրյան- Մոսկվայի Սուրբ Պայծառակերպություն եկեղեցի) փոխառաջնորդ Տ․ Հարություն աբեղա Կիրակոսյանի առաջնորդությամբ մեկնեցին Իժևսկ (Ուդմուրտիայի հանրապետություն)՝ պարզաբանելու համայնքային կյանքում տեղ գտած Հայ Եկեղեցու կանոնական և թեմական գործունեությանն առնչվող անօրինականությունները, ինչպես նաև անցկացնելու քննարկումներ՝ ուղղված ստեղծված իրավիճակի հանգուցալուծմանը։

Տեղեկացնենք, որ ապրիլի 22-ին հայ համայնքի նախագահ Մնացական Առաքելյանի նախաձեռնությամբ Իժևսկ են հրավիրվել կարգալույծ 2 հոգևորական և խաբեությամբ ներկայացվել իբրև Մայր Աթոռ Սուրբ Էջմիածնի բարձրաստիճան հոգևորականներ, կազմակերպվել են հանդիպումներ հոգևոր և քաղաքային իշխանության ներկայացուցիչների հետ, ինչպես նաև կատարվել եկեղեցական անօրինական արարողություններ (հավաքական մկրտություն և պատարագ)։

Անօրինական գործունեությանը հաջորդել է Ռուսաստանի և Նոր Նախիջևանի թեմական խորհրդի որոշումը՝ անձի նկատմամբ անվստահության արտահայտության և ապա թեմի առաջնորդ Եզրաս Սրբազանի տնօրինությունը՝ ըստ որի Մնացական Առաքելյանն ազատվել է ծխական խորհրդի ատենապետի պաշտոնից և այլևս չի համարվում լիազորված անձ Իժևսկի կրոնական համայնքը պետական և հասարակական որևէ կառույցում ներկայացնելու համար։

Պատվիրակության մեջ ընդգրված թեմի հոգևորականները, ովքեր տարիներ շարունակ պարբերաբար այցելել են Իժևսկ և եկեղեցական արարողություններ իրականացրել, հանդիպում ունեցան հայ համայնքի անդամների հետ։ Նրանք ներկայացրեցին ապրիլի 22-ից 25-ը համայնքի կյանքում տեղ գտած անօրինականությունները, իրազեկեցին, որ հրավիրյալ «հոգևորականները» Հայ Եկեղեցու սպասավորներ չեն, քանի որ վաղուց հռչակված են կարգալույծ, հետևաբար չեն կարող Հայ Առաքելական Եկեղեցում կամ որևէ այլ տեղ կատարել եկեղեցական խորհուրդ և արարողություն, ինչպես նաև պատասխանեցին թեմի հասցեին հնչած անհիմն մեղադրանքներին։

Մայիսի 6-ին պատվիրակության անդամները «Ազգերի բարեկամության տանը» հանդիպում ունեցան Ուդմուրտիայի հանրապետության ազգային քաղաքականության նախարար Լարիսա Բուրանովայի հետ՝ քննարկելով ապրիլի 22-ից 25-ը կատարված դեպքերը։ «Ինձ համար ցավալի է և տհաճ, որ նման դեպքեր են տեղի ունեցել Իժևսկի հայկական համայնքում։ Մեր դիրքորոշումը հստակ է․ մեզ համար գոյություն ունի մեկ Հայ Առաքելական Եկեղեցի և մեկ հովվապետ։ Այդ օրերին կատարվածը չի կարող ազդել մեր հարաբերությունների վրա։ Իժևսկում մեզ համար ընդունելի է այն հոգևորականը, ում կնշանակի թեմակալ առաջնորդը»,-ասաց նախարարն իր խոսքում։

Ռուս Ուղղափառ Եկեղեցու Իժևսկի և Ուդմուրտիայի թեմի առաջնորդ միտրոպոլիտ Վիկտորինը ևս խոր հիասթափությամբ խոսեց խաբված լինելու համար՝ դատապարտելով այն իրողությունը, որ կարգալույծների կողմից կատարվել են եկեղեցական խորհուրդներ և արարողություններ, ինչպես նաև համայնքի ղեկավարի նախաձեռնությամբ հանդիպում կազմակերպել իր հետ։
(Այս մասին առավել մանրամասն կարդացեք այստեղ՝ udmeparhia.cerkov.ru

Միտրոպոլիտ Վիկտորինի հետ զրույցի ընթացքում փոխառաջնորդ Տ․ Հարություն աբեղա Կիրակոսյանը նշեց, որ եկեղեցականի առաքելությունը ծառայությունն է ժողովրդին թե հայրենիքում և թե սփյուռքում։ Հետևաբար նորակառույց հայկական եկեղեցին առաջիկային կունենա հոգևոր հովիվ, ով նաև կկազմակերպի եկեղեցու օծման և հանդիսավոր բացման նախապատրաստական աշխատանքները և իր մշտական ծառայությունը կբերի համայնքի հոգևոր, ազգային և մշակութային կյանքի զորացմանը։

Ռուս Ուղղափառ Եկեղեցու Իժևսկի և Ուդմուրտիայի թեմի առաջնորդ միտրոպոլիտ Վիկտորինը խոր հիասթափությամբ է խոսել խաբված լինելու համար՝ դատապարտելով այն իրողությունը, որ կարգալույծ հռչակված հոգևորականները կատարել են եկեղեցական խորհուրդներ և արարողություններ, ինչպես նաև համայնքի ղեկավարի նախաձեռնությամբ հանդիպում կազմակերպել իր հետ։
Այս մասին առավել մանրամասն կարդացեք այստեղ՝ udmeparhia.cerkov.ru

Լրահոս
Սարոյանի տուն-թանգարանում տեղի է ունեցել նոր հոլոգրամի առաջին ցուցադրությունը Գլխուղեղի վիրահատության ժամանակ կինը ջութակ է նվագել Սիրո խոստովանություն Թումանյանին. Ռուսական թատրոնում բեմ կբարձրանա «Քաջ Նազար» ներկայացումը «Նկարն էլ իր կյանքն ու­նի, չես կա­րող փա­կել ար­վես­տա­նո­ցում, միայն ինքդ տես­նել» Ջազ նվագախումբը կներկայացնի գերշվինյան ինքնատիպ երեկո Սաղմոս ՃԻԲ Մատթեոս Զարիֆյան. Լեռներն իմ երազիս Փրկու­թ­յու­նը յոթ կնի­քով կնք­ված չէ Կոմիտաս․ Աստվա՜ծ իմ Դանիել Վարուժան․ Հասուն արտ Վարդանանք՝ մեր վերածնունդի գրաւականը Take On Me. նորվեգական խմբի հիթը դարձել է 80-ականների երկրորդ երգը, որը 1 մլրդ դիտում է հավաքել YouTube-ում Ֆիլհարմոնիկ նվագախումբը 2020-ի առաջին համերգին կհնչեցնի Բեթհովենի, Մոցարտի և Նիլսենի գործերը Վարդանանց տոնի քարոզ Իրանահայ մաեստրո Լորիս Ճգնավորյանը երաժշտություն է գրել՝ ի հիշատակ ուկրաինական ինքնաթիռի վթարի զոհերի «Մոնա Լիզայի» վրայի ճաքերը պաշտպանում են կտավը Պատմական դեմքեր, որ բանտում կլինեին, եթե ապրեին Նոր Հայաստանում Մահացել է ՀՀ ժողովրդական արտիստ, դիրիժոր Յուրի Դավթյանը Բեռլինի հոբելյանական կինոփառատոնը մեկնարկում Է «Սելինջերի իմ տարին» դրամայի ցուցադրությամբ Վախճանվել է Երվանդ Մանարյանը Վահագն Դավթյան․ Ժամ Հայտնության Հովհաննես Թումանյան․ Գութանի երգը Կոմիտաս. Բուսաբարև Հայկական կինոժառանգությունը ներկայացվելու է ամերիկյան հանդիսատեսին Հայտնի հայ նկարիչներն ի աջակցություն Չինաստանի ստեղծել են միասնական կտավ Նոր հրատարակություն Կանադայից մինչև Չինաստան. տարվա լավագույն բնապատկերային լուսանկարները՝ Insider-ի ֆոտոշարքում Սուրբ Վարդանանց զորավարների և 1036 վկաների հիշատակության օր «Ամստերդամի կենտրոնական գրադարանում բացվելու է հայկական հավաքածու»․ Հրաչյա Սարիբեկյան Հովհաննես Թումանյանի ծննդյան օրն է Բրեքսիթից հետո Հունաստանը Բրիտանիայից պահանջում է վերադարձնել Էլգինի մարմարե արձանները Թումանյանի թանգարանը հետաքրքիր նախաձեռնություններով տոնեց գրողի 151- ամյակը «Գարնանային ջազ երեկո»՝ Երևանում և մարզերում 500 տարվա մեջ առաջին անգամ Վատիկանում Ռաֆաել Սանտիի էսքիզներով միանգամից 10 գոբելեն աշխատանքներ ներկայացվել են ցուցադրության «Հայաստանի Հանրապետություն» օրաթերթ. Մեր նախնիները գիրքը գանձ են համարել Համո Սահյան. Անունդ տալիս Կոմիտաս․ Խաչյալին Հետազոտությունը բացահայտել է, որ Փենսիլվանիայի թանգարանում պահվող վիճահարույց կտավն իրականում պատկանում է Ռեմբրանտի վրձնին Կցուցադրվեն ավետարանական թեմայով մանրանկարներ Սոնա Արշունեցի. Արարատն է իմ խոսքերի գեթ վկան
website by Sargssyan