USD
EUR
RUB

Սամվել Մարգարյան․ Սխրանք

 

Շարքը նվիրվում է 2016 թվականին ապրիլյան պատերազմում (ապրիլի 2-5-ը) զոհված հերոսներ, Մարտական խաչ 1-ին աստիճանի շքանշանակիրներ կապիտան Արմենակ Ուրֆանյանի, սերժանտ, Արցախի հերոս (հետմահու) Ռոբերտ Աբաջյանի, եզդի գնդացրորդ Քյարամ Սլոյանի, գնդացրորդ Անդրանիկ Զոհրաբյանի
և զոհված մյուս հայ քաջորդիների հիշատակին:

ՔԱՋԵՐ ՀԱՅԿԱԶՈՒՆ

Քառօրյա կռիվ, պատերազմ նորից,
Տագնապ, ահազանգ, փոթորկված արյուն,
Մեր մարտիկները ամրոց-դիրքերից
Զարկեցին անվրեպ, շանթին թշնամուն:

Քաջեր հայկազուն, ձեր սխրանքներով
Դասվեցիք շարքում հայ հերոսների,
Դուք հայոց փառքը պարզեցիք վերև-
Գագաթներից վեր մեր Մասիսների:

Թշնամին եկավ, ինչպես մի հեղեղ-
Անթիվ գայլերի ոհմակ մոլեգին,
Սակայն նա տեսավ ձեր զարկը ահեղ
Եվ ձեր զորավոր հայկազուն ոգին:

ՃԱԿԱՏԱԳՐԱԿԱՆ ԳԱՐՈՒՆ

Արցախ, Մարտակերտ, երկուսն ապրիլի…
Գիշեր է գարնան, ապրիլյան գիշեր,
Սահմանն է հսկում վաշտն Ուրֆանյանի,
Յոթ արծիվներ են տոկում անվեհեր:

Արցախյան գիշեր, գարնան սուրբ զարթոնք,
Ձնծաղիկներն են աչքերը բացում,
Մով մանուշակի մի փոքրիկ կոկոն
Զարթնել է խաղաղ, ժպտում է, թախծում:

Խրամատներում բուրմունքն է հողի,
Հողը զարթոնքի հուրերով է լի,
Լսվում է հեռվում թուխ արտույտների
Ճռվողյունը տաք, այնքան բաղձալի:

Գարուն է, զարթոնք, խրամատներում
Ո՛չ խաղաղ նինջ կա, ո՛չ խաղաղ երազ,
Ճակատագրական է ամեն մի պահը,
Վտանգով հղի՝ ամեն ակնթարթ:

Դիրքերից մեկում Ռոբերտն է կանգնել,
Նայում է հեռուն, մատը՝ ձգանին,
Եզդի Քյարամը կրակ է կապել
Եվ հպարտ փարվել իր գնդացրին…

Ի ԶԵՆ

Իր դիտակետից Ռոբերտը տեսավ
Քողարկված, ծպտյալ թշնամու զորքին…
- Պարոն կապիտան,- շտապ զեկուցեց,-
Գրոհ է ձեռնարկում պարտված թշնամին:
- Ի զեն, ի մարտ,- Ուրֆանյանի
Ձայնը ահեղ էր ու ահագնալից,-
Մենք ընդունում ենք տագնապը մարտի
Եվ չենք նահանջում մեր սահմաններից:
Կուռ, շրջանաձև դիրքեր գրավենք,
Աչալուրջ լինենք և երբ մոտենան՝
Մենք պիտի զարկենք, պիտի մարտնչենք
Մինչև մեր վերջին կաթիլը արյան:
Մենք նահանջելու ոչ մի քայլ չունենք,
Մեր այս դիրքերը բերդերն են հայոց,
Մեր ծնողներին պիտի պաշտպանենք,
Մեր հայրենիքը՝ սրբության-սրբոց:

ՃԱԿԱՏԱՄԱՐՏ

Մարտն սկսվեց, գրոհում են
Ջոկատները ոսոխների,
Որոտում է ռազմադաշտը
Պայթյուններից ականների:

Բզկտվում են հողը, քարը
Գնդակների տարափներից,
Թավալվում են գորշ գայլերը
Մեր քաջերի կրակներից:

Անդրանիկի ու Քյարամի
Գնդացիրներն են թեժացել,
Արմենակի ու Տիգրանի
Շանթացիրներն են շիկացել:

Ձախողվում է նենգ թշնամին
Ետ է փախչում` ելման դիրքեր,
Նա թողել է ռազմադաշտում
Լոկ պարտություն, տասնյակ դիեր…

Անցավ կես ժամ, նորից գրոհ,
Գրոհում են արդեն տանկեր,
Նոր տարափ է գնդակների,
Որոտում են ռումբեր, արկեր:

Մարտնչում են հերոսաբար
Ռազմիկները Ուրֆանյանի,
Յոթ հոգու դեմ մարտ է մղում
Մի ռազմագունդ ոսոխների:

Ուրֆանյանի շանթատեգից
Բոցավառվեց մի հրասայլ,
Անդրանիկի դիպուկ զարկից
Գահավիժեց մի ռազմագայլ…

2.
Երրորդ գրոհ` թեժ, մոլեգին,
Եվ ոռնոցներ գայլախաղի,
Գրոհում են ասկյարները
Նոր ուժերով ու կատաղի:

Փամփուշտները վերջանում են,
Նռնակներ են մերոնք նետում,
Իսկ թշնամու հրետանին
Նոր ուժգնությամբ է որոտում:

- Իմ մարտիկներ, դուք նահանջեք,
Ես կպահեմ ձեր թիկունքը,
Ես մինչև մահ կմարտնչեմ,
Մինչև հասնի զորագունդը…

- Հրամանատար,- Քյարամն ասաց,-
Մենք չենք լքի քեզ դիրքերում,
Մենք էլ չունենք դարձի ճամփա,
Լավ է մեռնենք քեզ հետ, մարտում…

3.
Ի՞նչ պատահեց… լռեց հանկարծ
Գնդացիրը Սլոյանի,
Մի արկ պայթեց այնքան մոտիկ,
Բեկվեց կանչը Ուրֆանյանի:

Նրանք ընկան, հողը ցողվեց
Ալ լույսերով հերոսների,
Հառաչում է հողը, քարը
Տարափներից գնդակների…

- Կռվելու ենք մենք մինչև վերջ,-
Ասաց սերժանտ Աբաջյանը,
Մենք չենք կարող անտեր թողնել
Մեր դիրքերը, մեր սահմանը:
Գրոհում են ոսոխները,
Արդեն մոտ են, մոտ են այնքան,
Զոհրաբյանի զենքն էլ լռեց.
Արդեն ժամն է օրհասական…

- Իմ եղբայրներ, շուտ նահանջեք,
Դա հորդոր է ու հրաման,
Գուցե դուք ձեր կյանքը փրկեք,
Շուտ նահանջեք, ես կմնամ…

Եվ վիրավոր Աբաջյանը
Նռնակներով է մարտնչում,
Ուժանակներն սպառվեցին,
Մնաց մեկը նրա ձեռքում:

«Հիմա թող գան»,- մտքում ասաց,-
Օղակն հանեց ձեռնառումբի,
Երբ մոտեցան երեք ասկյար`
Պայթեցրեց զենքը ձեռքի…

Զոհվեց հերոս հայ քաջորդին,
Գարնան սերը ջահել հոգում,
Ներս են խուժում ոսոխները
Ու ոռնում են մեր դիրքերում:

Բայց կարճ տևեց այդ ոռնոցը,
Կաղկանձում են արդեն ցավից,
Քանզի վաշտը Մալոյանի
Որոտում է մոտիկ սարից…

ՓԱՌՔ ՀԵՐՈՍՆԵՐԻՆ

Փա՜ռք ապրիլյան հերոսներին,
Որ զոհվեցին վասն հայրենյաց,
Փա՜ռք Արմենակ Ուրֆանյանին-
Զոհեց հոգու լույսը կենաց:

Դառնանք սիրով փառաբանենք
Սերժանտ Ռոբերտ Աբաջյանին,
Եզդի Քյարամ Սլոյանին
Եվ Անդրանիկ Զոհրաբյանին:

Ռազմիկներին մեր նվիրյալ,
Որ մարտերում ահագնացան,
Որ վագրացան գայլերի դեմ
Եվ դարերում անմահացան:

ՀԱՂԹԱՆԱԿՆԵՐԸ ՆՈՐ ԵՆ ՍԿՍՎԵԼ

Հիսունհինգ դար է Հայասա երկրում
Զարկում են, դոփում անթիվ թշնամիք,
Քո զավակներն են զոհվում մարտերում,
Մինչև ե՞րբ զոհվեն, ասա՛, հայրենիք:

Մեր կորուստներին թիվ, սահման չկա,
Տասից լոկ մեկն է միայն մնացել,
Արցախը փրկվեց, երկինքն է վկա,
Մեր հաղթանակները նոր են սկսվել:

Մեր հաղթանակները նոր են սկսվել,
Երկինք ու երկիր այդ են կամենում,
Շատ ենք կորցրել, շատ ենք նահանջել,
Մեր կորուստները մենք նոր ենք գտնում:

Քսաներորդ դարի հրաշքն ես, Արցախ,
Մեծ Հայքի նահանգ, հինավուրց ու հին,
Քեզ նորից զավթել չեն կարող երբեք,
Որքան էլ փորձի մեր նոր թշնամին:
Քեզ նորից զավթել չեն կարող երբեք,
Լեռնածաղկելու ես, Մեծ Հայքի եզերք…

1-3 փետրվարի 2017 թ.
Երազգավորս

Աղբյուր՝ Grakantert.am

Լրահոս
«Օնեգինը»՝ ռուսական թատրոնի բեմում Հրաչյա Թամրազյան. Հետքեր Ագահը Ալադինին մարմնավորած Մենա Մասուդը՝ «մեկ դերի գերի» Փարաջանով-Փելեշյան ալգորիթմը նույնչափ կարեւոր է, ինչպես Մաշտոցի այբուբենը Հրատարակվել է Իրինա Բարսեղյան-Կրպեյանի մենագրության անգլերեն թարգմանությունը Արամի 23 -ի հարևանությամբ ապօրինի քանդման աշխատանքները կասեցված են Հրաչյա Թամրազյանի մտերիմներն ու գործընկերները ցերեկույթով նշեցին նրա տարեդարձը Գոգենի կտավը վաճառվել է 9,5 միլիոն եվրոյով «Եվրոպայի ընտրությունը» տիտղոսը Հայաստանինն է Վիլյամ Սարոյան. Գյուղացին Հայաստանն ու Բելառուսը մշակութային նոր կամուրջներ կկառուցեն. հուշագիր պատմության թանգարանների միջև Վահան Թեքեյան․ Իմ գյուղը Ռուբեն Հովսեփյան. «Ոսկու շուկայում» Հովհան Ոսկեբերանի ճառն այն մասին, որ, ինչպես ցույց են տալիս սրբերի օրինակները, չկա որևէ առաքինություն, որը չարիք է բերում Գոգենի կտավն աճուրդում վաճառվել է 9,5 մլն եվրոյով Դերասանուհի Հելեն Միրենը պատվավոր «Ոսկե արջ» կստանա Բեռլինալեում Ավիշայ Քոենի և Սիմֆոնիկ նվագախմբի ինքնատիպ համերգը կնվիրվի Լևոն Մալխասյանի 75-ամյակին Կենտրոնական Եվրոպայի Հայրապետական Պատվիրակ Տեր Տիրան եպիսկոպոս Պետրոսյանը հովվական այցով գտնվեց Շվեդիայի Գոթենբուրգ քաղաքում Ջեքսոնի երգերը գործիքավորելիս օգտագործվել է նաև դուդուկ Ռուբեն Էլբակյանը մենահամերգ է ունեցել Փարիզի պատմական Լա Մադլեն եկեղեցում Կյանքից հեռացել է բալետի արտիստ Մաքսիմ Մարտիրոսյանը ԶՈՒ ԳՇ ռազմանվագախմբային ծառայությունը նշել է կազմավորման տարեդարձը Նիկոլայ Նիկողոսյանի գրաֆիկական աշխատանքները կներկայացվեն Մոսկվայում «Աստծո վրա դրի իմ հույսը և վախ չունեմ, մարդն ինձ ի՞նչ կարող է անել» Վահագն Մուղնեցյան․ Աղոթք Սոնա Վան․ Ադամի արարումը «Հովեր» պետական կամերային երգչախումբը հյուրախաղերով հանդես է եկել Գերմանիայում և Բելգիայում Հնագույն շրջանից մինչև մեր օրեր. ներկայացվեց հայկական որմնանկարչությանը նվիրված ժողովածու Արցախի պետական պատմաերկրագիտական թանգարանն 80 տաեկան է Վահագն Դավթյան․ Համո Սահյանին Վահան Տերյան․ Մենության խավար զնդանից կրկին Սբ. Բեռնարդոս, «Մարիամի՝ Տիրոջ աղախնու խոնարհությունը» «Ռեվյու» հաղորդման հյուրն է Գերաշնորհ Տեր Միքայել Արքեպիսկոպոս Աջապահյանը Մարվեց նամականիշով նոր գեղաթերթիկ՝ նվիրված «Մեծանուն հայեր. Կոմիտասի ծննդյան 150-ամյակը» թեմային Դավիթ Սահակյանց. Ես կողմ եմ այդ տեսակ ցենզուրայի Ազգային գրադարանը ցուցահանդեսով շնորհավորեց Գրողների միության 85-ամյակը Նվիրում Շնիտկեին «Սառը սիրտ 2» մուլտֆիլմը դրամամուտքերի ռեկորդ Է սահմանել տոնական հանգստյան օրերին «Կոմիտասյան գոհարները ոչ ոք չի խլի, եթե ինքներս չկորցնենք դրանք»
website by Sargssyan