USD
EUR
RUB

Նվիրում եւ հոգու պարտք՝ ըստ Սոնա Հովհաննիսյանի

 

ԵՐԵՎԱՆ, 25 ՄԱՅԻՍԻ, Aravot.am: Նորաստեղծ որեւէ մշակութային կոլեկտիվի, ինչպես նաեւ կատարողական արվեստում առաջին քայլերն անող երաժիշտների մասին մասնագետները, այս դեպքում՝ երաժշտագետները, զգուշորեն են կարծիք հայտնում, մեծամասամբ էլ հրաժարվում են: Երաժշտագետ, արվեստագիտության թեկնածու, Կոմիտասի անվան պետական կոնսերվատորիայի պրոֆեսոր Զառա Տեր-Ղազարյանն առաջիններից էր, եթե ոչ առաջինը, որ 1992-ին պետական կարգավիճակ չունեցող «Հովեր» կամերային երգչախմբի առաջին բեմելներից հետո բարձրաձայնեց. «Բարձր ճաշակ, ներդաշնակ անսամբլ, ազնիվ հնչեղություն… Սոնա Հովհաննիսյանի ղեկավարած այս երգչախմբին սպասվում է համաշխարհային ճանաչում…»:

Օրերս Կամերային երաժշտության տանը «Հովերը» եւ վերջինիս «Լե» իգական կազմը (խմբավարներ՝ Սոնա Հովհաննիսյան, Նարինե Ոսկանյան) հանդես եկան ընդգրկուն ծրագրով՝ սկսած 16-րդ դ. մինչեւ ֆիննական, դանիական, կանադական ու հայ խմբերգային երաժշտությամբ: Երեկոն նվիրված էր կյանքից վաղաժամ հեռացած (2013թ.) Զառա Տեր-Ղազարյանի հիշատակին:

Հուշ-երեկոյի ավարտին «Առավոտի» հետ զրույցում երաժշտագետ, արվեստագիտության թեկնածու Օլյա Նուրիջանյանն ասաց. «Զառա Հայկովնան եւ Սոնա Հովհաննիսյանը հարազատ են իրենց արժեհամակարգով ու աշխարհընկալմամբ՝ յուրաքանչյուրն իր ինքնատիպ գեղագիտական կեցվածքով, դինամիկ ու ժամանակակից բնույթով, երաժշտության նկատմամբ ակտիվ ու նվիրյալ վերաբերմունքով: Կոնսերվատորիայի ռեկտոր տիկին Հովհաննիսյանը գոնե ինձ քանիցս ասել է, որ իր հոգու պարտքն է համարում երաժշտական նվիրումով հարգել ու մեծարել Զառա Հայկովնային:

Ռուդոլֆ Խաչատրյան. «Զառա Տեր-Ղազարյան»

Նման երեկոների անձամբ ես հաճախ չեմ լինում: Այսօր հնչեց խմբերգային լիակատար համայնապատկեր՝ ժամանակային ու աշխարհագրական այնպիսի ընդգրկումով, ինչպիսին շուրջ 40 տարի կոնսերվատորիայում եւ 10 տարի թատրոնի եւ կինոյի պետական ինստիտուտում երաժշտության պատմության դասընթացն էր Զառա Տեր-Ղազարյանի ինքնատիպ, անկրկնելի մեկնաբանմամբ»: Մեր զրուցակիցը մանրամասնելով էլ հայտնեց. «Այս համերգային ծրագրի յուրաքանչյուր համար կարծես նույնացվում էր Զառա Հայկովնայի անձի ու ստեղծագործական դիմանկարի հետ: Թող փիլիսոփայություն չթվա, երեկոյին «ներկա» էին երաժշտագետի համար պաշտելի բնության կախարդանքը, հայ կոմպոզիտորական արվեստի դասական ու նորագույն խոսքի ինքնատիպությունն ու արդի համաշխարհային խմբերգային գրականության որոնումները: Օրինակ՝ հնչած Պենդերեցկու երկերի ներառումը ամբողջությամբ արտացոլվում է Զառա Հայկովնայի հեղինակած «Արեւմտաեվրոպական երաժշտության պատմություն» գրքի հետեւյալ մեջբերման հետ. «Եվրոպայի կառուցման հիմքը բոլոր ասպարեզներում դառնում է քրիստոնեությունը: Հոգեւորը հռչակվում է մարդկային կեցության առանցք, հիմք եւ իմաստ, որն էլ որոշիչ է դառնում գործունեության ողջ համակարգում»:

Երաժշտագետ Օլյա Նուրիջանյանը խնդրեց. «Քանի որ ձեր օրաթերթը, որն ամբողջովին տեղ է գտնում նաեւ aravot.am կայքում, իսկ երջանկահիշատակ երաժշտագետի բազում ուսանողներ ապրում ու ստեղծագործում են արտասահմանում, հետեւյալ միտքը խնդում եմ անպայման տեղ գտնի: Այն է՝ Զառա Հայկովնան իր սերնդակիցների շրջանում այն հազվադեպ երաժշտագետներից էր, որ գիտական ամենատարբեր հարթակներում օտար լեզուներով ներկայացնում էր հայ երաժշտությունը: Նույնիսկ դասախոսությունների շարք էր իրականացրել Շվեյցարիայում, ինչի շնորհիվ տեղի ճանաչված BIM հրատարակչությունը նրան պատվիրեց հայ կոմպոզիտորական արվեստի կատալոգ կազմելու նախագիծը»:

Հավելենք, որ Զառա Տեր-Ղազարյանի մասնագիտական հետաքրքրությունների կիզակետում է եղել Արամ Խաչատրյանը: Երաժշտագետը առիթի դեպքում նշում էր այդ մասին, ինչը վավերացրել էր 1984թ. Կիեւում «Ա. Խաչատրյանի ստեղծագործության վաղ շրջանի ձեւավորումը» թեկնածուական աշխատանքի պաշտպանությամբ:

ՍԱՄՎԵԼ ԴԱՆԻԵԼՅԱՆ

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan