USD
EUR
RUB

Ամենայն Հայոց Կաթողիկոսն ընդունեց Բուշ-դյու-Ռոն նահանգային խորհրդի պատվիրակությանը

 

Մայիսի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ֆրանսիայի Բուշ-դյու-Ռոն նահանգային խորհրդի նախագահ տիկին Մարտին-Ժիլ Վասալի գլխավորած պատվիրակությանը` ուղեկցությամբ Ֆրանսիայի հայոց թեմի թեմական խորհրդի ատենապետ, «Բարձունք 5165» ֆրանսահայ բարեգործական հասարակական կազմակերպության (Մարսել) Ֆրանսիայի գրասենյակի նախագահ պրն. Ռոբերտ Ազիլազյանի: Հանդիպմանը ներկա էր նաև Հայաստանի Հանրապետությունում Ֆրանսիայի Հանրապետության արտակար և լիազոր դեսպան պրն. Ժոնաթան Լաքոտը:

Պատվիրակությունը Հայաստան էր ժամանել մասնակցելու «Բարձունք 5165» ֆրանսահայ բարեգործական հասարակական կազմակերպության հիմնադրման 30-ամյակին նվիրված միջոցառումների առիթով: Վերջինիս աջակցությամբ Մայր Աթոռ Սուրբ Էջմիածնում գործում է բարեգործական ատամնաբուժարան Էջմիածին քաղաքի և հարակից շրջանների կարիքավոր անձանց և մանուկների համար:

Հանդիպմանը Ամենայն Հայոց Կաթողիկոսը գոհունակությամբ անդրադարձավ Բուշ-դյու-Ռոն նահանգային խորհրդի և ՀՀ պետական կառույցների միջև առկա սերտ փոխգործակցությանը: Վեհափառ Հայրապետը ուրախությամբ հաստատեց, որ «Բարձունք 5165» կազմակերպության կողմից Հայաստանում իրականացվող բարեգործական ծրագրերը նպաստում են հայ-ֆրանսիական բարեկամական հարաբերությունների առավել զորացմանը` այդ առիթով իր գնահատանքը հայտնելով տիկ. Վասալին, ում ազնիվ ջանքերի շնորհիվ նաև ֆրանսահայ մարդասիրական կազմակերպությունը շարունակում է իր օգտակար ծառայությունը բերել հայ ժողովրդի զավակներին:

Նորին Սրբությունը մասնավոր իր գնահատանքը փոխանցեց տիար Ռոբերտ Ազիլազյանին ֆրանսահայ համայնքի կյանքի զարգացման ու զորացման գործում ներդրած ջանքերի և Հայաստանում իրականացվող բազմաբնույթ սոցիալական ծրագրերի համար:

Իր հերթին տիկ. Մարտին-Ժիլ Վասալը վերհիշեց, որ վերջին անգամ Հայաստան է այցելել 2016 թվականին երկու երկրների միջև սոցիալական, տնտեսական և մշակութային հարաբերությունների զարգացման և ամրապնդման նպատակով, ապա անդրադարձ կատարեց Հայաստան իր հերթական այցի օրակարգին, մասնավորապես դպրոցականների համար առողջապահության տարբեր ոլորտների վերաբերյալ կանխարգելման ծրագրին:

Ամենայն Հայոց Հայրապետը, ողջունելով նախաձեռնությունը, հույս հայտնեց, որ այն կնպաստի պատանիների առողջ աճին: Վերջում Նորին Սրբությունը Բուշ-դյու-Ռոն նահանգային խորհրդի պատվիրակությանը մաղթեց արգասավոր գործունեություն:

Լրահոս
Հրաչյա Թամրազյան. Բանաբան Կոստան Զարյան․ Ճամփորդություն Մատթեոս Զարիֆյան-Մարի Պոզապալյան․ «Ծովուն դիմաց» Ոչ սովորական նկարիչը Սլավի-Ավիկ Հարությունյան կամ միայնակ թռչունը Մահացել է համաշխարհային կինոյի լեգենդ Ֆրանկո Ձեֆֆիրելին Հիսուս, բժշկիր սերը բոլոր մարդկանց Տեղի կունենա «Քալաշյան պրոֆեսիոնալ պարային դպրոցի» մենահամերգը «Ամենասուրբ Երրորդության» գաղափարը արտահայտող ինքնատիպ պատկերները Խաչատրյանի միջազգային մրցույթում հաղթել է Հայաստանի ներկայացուցիչը Ս. Եղիա մարգարեի (9-րդ դար ն. Ք.)` երկինք համբարձման պատմությունը Գեղամ Սարյան․ Փառքի տաճարը Հանրահայտ կինոռեժիսոր Կառլոս Ռեյգադասը «Ոսկե ծիրան»-ի հատուկ հյուրն է Ինչ «մեսիջ» է հղում արվեստագետը Մեզնից խլել են փորձում մեր գալիքը «Ազնավուր» կենտրոնում կնշվի Երվանդ Քոչարի ծննդյան 120-ամյակը Ամեն ընտանիք մի փոքրիկ եկեղեցի է «Կան մարդիկ, որոնք կուսակցական ժողովների կարոտախտ ունեն, բայց Գրողների միությունն այդպիսի ժողովների վայր չէ» Մայր Աթոռ Սուրբ Էջմիածնում հյուրընկալվեցին Լոս Անջելեսի ՀԲԸՄ Մանուկյան-Դեմիրճյան դպրոցի 10-րդ դասարանի աշակերտները Գեղարվեստի ակադեմիայի շրջանավարտների աշխատանքները կներկայացվեն Նկարիչների միությունում Սայաթ-Նովա․ Ինձ սիրեցիր, էշխըն նընգար, խաղի դավթար իմ քիզ ամա Հովհաննես Թումանյան․Շունը Հովհաննես Գրիգորյան․ Սիրտ Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը Վարդան Հակոբյան․ Անվերադարձ աչքեր Մեքսիկայում առաջին անգամ հայտնաբերվել է Ֆրիդա Կալոյի ձայնի ձայնագրությունը Եղիշե Չարենց․ Ընկեր «Ինձ տեսնում են այնտեղ, որտեղ հրավիրում են» Աստված ստեղծել է նրանց տղամարդ ու կին Ակսել Բակունցի ծննդյան 120- ամյակի առթիվ Գորիսում կանցկացվեն միջոցառումներ Երեւանում կմեկնարկի 16-րդ «Ոսկե ծիրանը» «Ամադինդա» հարվածայինների լեգենդար խումբը՝ Հայաստանում Վահագն Դավթյան․ Կանչ Ռուբեն Սևակ․ Գիշերն իջավ Երջանկության քրիստոնեական ընկալումը Աստվածճանաչողությունը եւ աստվածգիտությունը սկսվում են հավատքով Հայաստանի պետական ջազ նվագախումբը հանդես կգա վոկալիստ և շեփորահար Ռոնալդ Բեյքերի հետ Մատթեոս Զարիֆյան․ Բանաստեղծություններ Արտաշես Հարությունյան. Վերջալույսի աղջիկը Սերգեյ Սմբատյան. «Շատ կարևոր է քիմիական կապը, որ կա Սերգեյ Խաչատրյանի և Հայաստանի պետական սիմֆոնիկ նվագախմբի միջև»
website by Sargssyan