USD
EUR
RUB

Թոնի Այոմի. «Black Sabbath-ը համերգային շրջագայության ոչ մի ծրագիր չունի»

 

«Մեծ պատիվ է Հայաստանի համար այս քայլերը ձեռնարկելը»,- հինգշաբթի լրագրողների հետ հանդիպման ընթացքում ասաց Black Sabbath խմբի կիթառահար Թոնի Այոմին:

Նա Հայաստանում է Deep Purple խմբի վոկալիստ Իէն Գիլանի հետ Rock Aid Armenia ծրագրի 30-ամյակի առթիվ:

«Շարունակելու ենք գործել այնքան, ինչքան կարողանանք»,- ասաց նա:

Aravot.am-ը հետաքրքրվեց, թե որոնք են երաժիշտների ապագա ծրագրերը, և արդյոք դրանք ներառելու են Հայաստանը: Եվ մասնավորապես, Black Sabbath-ի դեպքում, խմբի վոկալիստ Օզի Օզբորնը հայտարարել է, որ հույս ունի, որ խումբը կունենա ևս մեկ համերգ Բիլլ Վարդի հետ:

«Black Sabbath-ը համերգային շրջագայության ոչ մի ծրագիր չունի: Մենք դադարեցրել ենք շրջագայությունները»,- պատասխանեց Թոնի Այոմին: Հետաքրքրվեցինք, թե ինքը՝ որպես երաժիշտ ինչ ծրագրեր ունի. «50 տարի շրջագայություններից հետո ժամանակն է եկել, որ իրերին այլ կերպ նայես: Ինչը չեմ ասի Իէնի մասին, նա հավերժ շարունակելու է: Բայց խոստովանեմ, ունեմ ծրագրեր, ես դեռ ստեղծագործում եմ»:

Նա հավելեց. «Այդքան երկար աշխատանքից և շրջագայություններից հետո դու սիրում ես՝ ինչ, որ անում ես: Դա այն է, ինչ որ մենք անում ենք, ես սիրում եմ երաժշտությունը: Ավելի լավ բան չկա, քան լսարանին տեսնելը, այդ թրթիռը փոխանցելը: Չնայած այդ անհաղթահարելի ցանկությանը պետք է իրատեսական մոտենալ: Դժվար է շրջագայել և ամեն օր առավոտյան ժամը 4-ին արթնանալը»:

Իսկ Իէն Գիլանը հավելեց. «Ես ճանապարհի մարդ եմ, և հաջորդ 50 տարին նախատեսում եմ շրջագայել՝ պարտադիր չէ՝ այս մոլորակում: Կարծում եմ՝ մենք մի փոքր հանգստանում ենք շրջագայության ինտենսիվությունից: Մենք սովորել ենք կենդանի կատարել, մինչև ձայնագրման պայմանագրեր ստորագրելը, և շարունակելու ենք կենդանի կատարումները: Դժվար է այս պահին երկարատև ծրագրեր կազմելը, քանի որ բոլորը մտածում են հանգստանալու մասին: Բնությունը վակուում չի սիրում, և ես մտածում եմ այդ տարածքը լրացնելու մասին: Կարծում եմ՝ հանգստին մի փոքր ավելի տեղ կտանք»:

1989 թվականին DoSomething ավստրալիական կազմակերպությունը նախաձեռնել էր Rock Aid Armenia ծրագիրը՝ Սպիտակի երկրաշարժից տուժած Հայաստանին օգնելու նպատակով: Ծրագրի 30-ամյակի առթիվ Հայաստան են այցելել Black Sabbath խմբի կիթառահար Թոնի Այոմին և Deep Purple խմբի վոկալիստ Իէն Գիլանը, որոնք հունիսի 5-ին Երևանում հանդես կգան համերգով:

Ամի ՉԻՉԱԿՅԱՆ

Լրահոս
Պարույր Սևակ. Անտառի վեպը Սուրբ Բարսեղ Կեսարացի եպիսկոպոսապետի ճառը Սուրբ Երրորդության մասին «Մոսկվայի «Գարաժում» հայ ճարտարապետների կառուցած ամառային կինոթատրոնը շատ զիլ է ստացվել» Թանգարանը կարիք ունի այցելուների, մեր թախիծն է, որ թանգարանը չի գործում նախկին աշխուժությամբ. Ա. Իսահակյանի անվան թանգարանի տնօրեն Ավետիք Իսահակյան․ Թե դեպի կյանքը, թե դեպի մարդիկ Մուշեղ Իշխան․ Տապանագիր ՀՐԱՏԱՐԱԿՈՒԹԵԱՆ ԿԸ ՊԱՏՐԱՍՏՈՒԻ «ԿԱՆՈՆԱԳԻՐՔ ՀԱՅՈՑ»-Ը՝ ՏԻՐԱՅՐ Ծ. ՎՐԴ. ՏԷՐՎԻՇԵԱՆԻ ԱՇԽԱՏԱՍԻՐՈՒԹԵԱՄԲ Ո՞րն է ձեր ընտրությունը Կամերային կենտրոնը կներկայացնի Ռիշար Գալիանոյի մասնակցությամբ «Տարվա եղանակներ» համերգի տեսագրությունը Երևանի Օղակաձև զբոսայգում ուղղվել և ներկայացվել է սխալ տեղադրված վիշապաքարը Ո՞ւմ կամ ինչի՞ վրա հույս դնել Հրաչյա Թամրազյան․ Փոխակերպություն Ռազմիկ Դավոյան. Ինձ էլ աշխարհից մի բան հասավ «Մինչև ե՞րբ պիտի գամված մնաս, ո´վ ծույլ․․․» Սաղմոս ՃԽԲ Հին Թիֆլիսի երգիչը ՀՀ տարածում Հնագիտության և ազգագրության ինստիտուտի արշավախումբը փաստագրել է մոտ 100 վիշապաքար Համո Սահյան. Անձրև Վահագն Դավթյան. Անի Ապահովություն Զրույց «ոչնչի» շուրջ Մահացել է «Ոսկե գլոբուս»-ի կազմակերպիչ Լորենցո Սորիան «Հացի բազմացումը» տեսարանի պատկերագրական դրսևորումը Եղիշե Չարենց․ Մայրամուտներ Պարույր Սևակ․ Անակնկալ հայտնագործություն Երբ փրկությունը սերն է. Լիլյա Մուկուչյանի դերակատարմամբ ներկայացումը կցուցադրվի «Արմմոնո» փառատոնին Քարոզչություն «Առնո Բաբաջանյանը» ոչ թե ախտահանվել, այլ արտաքինից մաքրվել է Վիեննայի օպերան Պլասիդո Դոմինգոյին պարգևատրել է արվեստում ունեցած ներդրման համար Ռազմիկ Դավոյան. Արարչություն Հայաստանում հնչեցին Ալեքսեյ Շորի ստեղծագործությունները Վստահություն Սրբին մեծարելը նրան ընդօրինակելն է Հավատարմություն Հպարտությունն ու խոնարհությունը Արմենուհի Սիսյան․ «Փախուստ ծառերի մոտ» Մհեր Բեժանյան. Հաճույքի թռչուն Էրմիտաժը սկսել է խմբային էքսկուրսիաներ անցկացնել Ֆիլհարմոնիկ նվագախումբը կձայնագրի և կտեսագրի Բեթհովենի բոլոր սիմֆոնիաները Հայ ճարտարապետների ամառային կինոթատրոնը՝ Մոսկվայի «Гараж» ժամանակակից արվեստի կենտրոնում
website by Sargssyan