USD
EUR
RUB

Խաչատրյանական մրցույթի ժյուրիի անդամը Հայաստանում բացահայտում է հայկական երաժշտությունը

 

ԵՐԵՎԱՆ, 13 ՀՈՒՆԻՍԻ, Panorama.am: Խաչատրյանի միջազգային 15-րդ մրցույթի ժյուրիի անդամ Թոմեր Լևը Հայաստանում բացահայտում է հայկական երաժշտությունը: Այս տարի դաշնամուր մասնագիտությամբ անցկացվող ստուգատեսի ժյուրիի անդամը, ով գործունեություն է ծավալում որպես մենակատար, կամերային երաժիշտ և մանկավարժ, նշել է, որ հայկական երաժշտության մասին որոշակի տեղեկություններ ուներ:

«Հայկական երաժշտությունից որոշակի բաներ գիտեմ, հիմա ավելի շատ եմ սովորում: Իհարկե, գիտեմ Խաչատրյանի ստեղծագործություններից, ծանոթացա Բաբաջանյանի գործերին. ինձ համար նրա գործերը բացահայտում էին: Հիասքանչ կոմպոզիտոր է, անհամբեր սպասում եմ, որ նրան ավելի լավ բացահայտեմ»,- ասել է Թոմեր Լևը:

Խաչատրյանի միջազգային 15-րդ մրցույթի ժյուրիի անդամը կարծում է, որ միջազգային ստուգատեսը շատ լավ է կազմակերպված: «Այստեղ հրաշալի մթնոլորտ է տիրում: Պետք է ասեմ, որ մրցույթի մասնակիցների շրջանում որոշ խոստումնալից դաշնակահարներ կան: Յուրաքանչյուր մրցույթում լավ և վատ մասնակիցներ կան, բայց, կարծում եմ, որ ընդհանուր առմամբ, մակարդակը լավն է: Հենց սկզբից ակնհայտ էր, որ կան ավելի խոստումնալից դաշնակահարներ և պարզապես հրաշալի ուսանողներ, ովքեր լավ են պարապել, աշխատել»։

Թոմեր Լևն առաջին անգամ է Հայաստանում, շատ բան չի տեսել, բայց օգտագործելու է հնարավորությունը և բացահայտելու է Հայաստանը: «Երևանը հիասքանչ քաղաք է, այստեղի մթնոլորտը շատ լավն է»,- ասել է նա:

Մրցույթի մամուլի ծառայությունից հայտնում են, որ Թոմեր Լևը որպես մենակատար համագործակցել է այնպիսի նվագախմբերի հետ, ինչպիսիք են Լոնդոնի Արքայական ֆիլհարմոնիկ նվագախումբը, Անգլիական կամերային նվագախումբը, Իսրայելի ֆիլհարմոնիկը, Համբուրգի, Սան Պաուլոյի, Բուենոս Այրեսի, Կոլորադոյի, Քվեբեկի, Կիևի նվագախմբերը, ինչպես նաև Իսրայելի գլխավոր նվագախմբերը: Երաժիշտը հյուրընկալվել է այնպիսի աշխարհահռչակ համերգասրահներում, ինչպիսիք են Լինքոլնի կենտրոնը Նյու Յորքում, Բեռլինի ֆիլհարմոնիկի համերգասրահը, Բուենոս Այրեսի Կոլոն թատրոնը, Պեկինի համերգասրահը, Շանհայի քաղաքային թատրոնը, Համբուրգի համերգասրահը, Պրահայի Ռուդոլֆինումը, Սան Պաուլոյի Սալան, Տորոնտոյի Գլեն Գուլդ սրահը, ինչպես նաև Իսրայելի գլխավոր համերգասրահները, այդ թվում՝ Չարլզ Բրոնֆմանի սրահը Թել Ավիվում, Հենրի Քրաուն սիմֆոնիկ սրահը և այլն:

Թոմեր Լևը Բուխման-Մեհթա երաժշտական դպրոցի տնօրենն է: 2004թ. Իսրայելի ֆիլհարմոնիկ նվագախմբի հետ՝ դիրիժոր Զ. Մեհթայի և գործարար Ջ. Բուխմանի հետ համատեղ, նա հիմնադրեց Բուխման-Մեհթայի երաժշտական դպրոցը և նշանակվեց առաջին տնօրեն: Դպրոցը նախատեսված է Իսրայելի երիտասարդ երաժիշտների համար և պատրաստում է Իսրայելի ֆիլհարմոնիկ նվագախմբի ապագա երաժիշտներին:

Հիշեցնենք, որ Խաչատրյանի միջազգային մրցույթը Միջազգային երաժշտական մրցույթների համաշխարհային ֆեդերացիայի (World Federation of International Music Competitions) անդամ է։ Մրցույթն անցկացվում է ՀՀ նախագահի տիկին Նունե Սարգսյանի հովանու ներքո, ՀՀ կրթության, գիտության, մշակույթի և սպորտի նախարարության, «Արամ Խաչատրյան-մրցույթ» մշակութային հիմնադրամի համատեղ ջանքերի շնորհիվ։ Մրցույթի գործընկերն է ԱՊՀ հումանիտար համագործակցության միջպետական հիմնադրամը (МФГС):

Լրահոս
Արգելոց-թանգարաններում միասնական տոմսի արժեք է սահմանվել «Սգո տունը» թատրոն կդառնա Պաղտասար Դպիր.Դարձեալ առ տաճարն երկնանման Էդ Շիրանի նոր ստեղծագործությունը 1 մլն-ից ավելի դիտում է ունեցել մի քանի ժամում Գնացքում Շուշանիկ Կուրղինյան. ․․․Եվ մենք քսան դար․․․ Սիպիլ․ Մենաստանին կույսը Բաղայ Ասորի. «Երանելի՜ ես դու, որովհետև քո կաթով կերակրեցիր Աստծուն» Emmy-ի մրցանակաբաշխությունը կանցկացվի առանց հաղորդավարի. Fox Entertainment Գրիգոր Զոհրապ․ Ժամին բակը «Չկա անհաջողակ մարդ, կա անհաջող մտածելակեր Հովհաննես Թումանյան․ Աղջկա սիրտը «ՌեԱնիմանիա»-ն կիրականացնի «Անիմացիոն ֆիլմի դիտարկում մեդիայում» խորագրով դասընթաց Մարզահամերգային համալիրի տարածքում տեղադրվելու է Կարեն Դեմիրճյանի արձանը Աշխարհի բանաստեղծական պատկերին հավատարիմ «Հայաստանի ազգային արխիվ» ՊՈԱԿ-ը գործելու է Արդարադատության նախարարության ենթակայության տակ Աստված նայում է մարդու սրտին, իսկ մարդիկ՝ մարդկանց երեսին Հովհաննես Հովհաննիսյան․ Արազն եկավ լափին տալով․․․ Սոնա Արշունեցի․ Արդար դատաստան Աղոթք ընտանիքի Ստեփանակերտի հրապարակում կհնչի Տիգրան Մանսուրյանի երաժշտությունը Արչի Կալենցը` Նիկողոսյանի մասին. «Պապիկս ասում էր` քանդակն իմ կինն է, գեղանկարչությունը` սիրուհիս» Վալենտին Գաֆտին գլխուղեղի կաթվածով հիվանդանոց են տեղափոխե Մարկ Գրիգորյանը նշանակվել է Թամանյանի անվան Ճարտարապետության ազգային թանգարան-ինստիտուտի տնօրեն Տարանտինոն չի բացառում, որ իր 10-րդ ֆիլմը կդառնա վերջինը Բելգիացին 500 եվրոյով պատահաբար գնել է Ռեմբրանդտի՝ մոտ 30 մլն եվրո արժեցող կտավը Մայր տաճարի բուսածածկույթի մաքրման աշխատանքների ժամանակ պատահականորեն բացահայտվում է, որ տաճարը փլուզման վտանգի առջև է «Տիրոջ երկյուղը կյանք է մարդու համար» Disney-ը կվերանկարահանի «Տանը՝ մենակ» եւ «Գիշերը թանգարանում» ֆիլմերը Վիլյամ Սարոյան. Ծիծաղ Աղոթք առ Աստված Ոչինչ ի ցույց մարդկանց չանելու մասին Ավարտվեցին Հաղբատավանքի որմնանկարների վերականգնման աշխատանքները Արդյո՞ք դժվար է Թուրքիայում հայերեն երգեր կատարելը. ստամբուլահայ երգչուհին է պատմում Ստեփան Զորյան․ Անհայտ թելեր Կյանքից հեռացել է ճանաչված գրականագետ Հասմիկ Աբեղյանը «Չնայած , ես ինձ գրող չեմ համարում, բայց...». Սամվել Սևադա Սիպիլ․ Ապրի՛լ Եղիշե Չարենց․ Երկիր Նաիրի՝ Մասն երկրորդ Աղօթք ապաշխարութեան
website by Sargssyan