Տիգրիսի ափին հնագույն պալատի ավերակներ են հայտնաբերվել

Տիգրիսի ափին հնագույն պալատի ավերակներ են հայտնաբերվել

ԵՐԵՎԱՆ, 01 ՀՈՒԼԻՍԻ, Irates.am:  Իրաքի Քուրդիստան շրջանում Տիգրիսի ափին կառուցված Մոսուլի ջրամբարի ջրերի մակարդակը երաշտի պատճառով իջել է՝ բացելով 3400 տարի առաջ կառուցված պալատի ավերակները: Ավերակների վայրում հնագիտական պեղումներ իրականացող՝ քրդերից ու գերմանացիներից կազմված խումբը հայտարարել է, որ այս ակամա բացահայտումը կօգնի նոր գիտելիքներ ստանալ Միտտանի կայսրության մասին, որը Հին Մերձավոր Արևելքի ամենաքիչ ուսումնասիրված կայսրություններից է:

«Սա տարածաշրջանում վերջին տասնամյակներին արված ամենակարևոր հնագիտական բացահայտումներից է»,- ասել է քուրդ հնագետ Հասան Ահմեդ Քասիմը: Պալատն ի սկզբանե գետից մոտ 20 մետր բարձրության վրա է եղել, ավելի ուշ կառույցը կայունացնելու նպատակով կավե աղյուսներից պատ է կառուցվել՝ ընդգծելով պալատի տպավորիչ ճարտարապետությունը: Հնավայրում հայտնաբերվել են որմնանկարներ և հնագույն տեքստեր և ուղարկվել են Գերմանիա՝ վերծանելու: Որոշ ժամանակից հնավայրը կրկին ջրի տակ է անցել և հայտնի չէ, թե երբ կրկին ի հայտ կգա:

Հետևեք մեզ նաև Telegram-ում