Իսրայելը գտել է ճանապարհը, որով Քրիստոսն անցել է՝ Երուսաղեմի տաճար հասնելու համար

Իսրայելը ցույց է տվել հնագույն ճանապարհը, որով Հիսուս Քրիստոսն անցել է՝ Երուսաղեմի տաճար հասնելու համար: Daily Mail-ը գրում է,որ ճանապարհը գտնելու համար իշխանություններն իրականացրել են 100 մլն դոլարանոց պեղումներ: Ճանապարհը գտնվել է կարտոֆիլի դաշտի տակ: Դեպի Երուսաղեմի տաճար տանող ճանապարհը սկիզբ էր առնում աղբյուրից, որտեղ ուխտավորները նախքան տաճար գնալը մաքրում էին իրենց մարմինները: 2000 տարվա պատմություն ունեցող «Ուխտավորի ճանապարհը» հայտնաբերվել էր 2004թ., երբ բանվորները դաշտում վերանորոգում էին վնասված խողովակը: Դրանից հետո սկսվել են պեղումներ, որ տևել են 15 տարի: 320 մ երկարությամբ ճանապարհի բացման արարողությանը ներկա են եղել ամերիկացի պաշտոնյաներ, այդ թվում՝ Իսրայելում ԱՄՆ դեսպանը, ԱՄՆ նախագահի՝ Մերձարևելյան հարցերով գլխավոր բանագնացը, հանրապետական կոնգրեսական Լինդսի Գրեհեմը:

Ճանապարհի պեղման ծախսատար ծրագիրը ֆինանսավորել են հրեական ծագմամբ ռուս միլիարդատեր Ռոման Աբրամովիչը և այլ մեծահարուստներ:

Աղբյուր՝ Irates.am