USD
EUR
RUB

Քահանայական ձեռնադրություն Երևանի Ս. Գրիգոր Լուսավորիչ մայր եկեղեցում

 

Հուլիսի 7-ին, հանդիսապետությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի, Երևանի Ս. Գրիգոր Լուսավորիչ մայր եկեղեցում կատարվեց քահանայական ձեռնադրություն: Ձեռամբ Արմավիրի թեմի առաջնորդ Գերաշնորհ Տ. Սիոն արքեպիսկոպոս Ադամյանի, քահանայական ձեռնադրության և օծման արժանացան Մայր Աթոռի տարբեր կառույցներում սպասավորող տասներկու սարկավագներ:

Ս. Պատարագի ընթացքում Սիոն Սրբազանը քահանայության կոչեց նորընծաներին` Սրբալույս Մյուռոնով օծելով քահանաների ճակատներն ու ձեռքերը և շնորհելով նրանց հայոց արքաների և սրբերի անուններ: Գարեգին սրկ. Սողոմոնյանը վերակոչվեց Տ. Աբգար քահանա, Հարություն սրկ. Երանյանը՝ Տ. Երվանդ քահանա, Սարգիս սրկ. Ծատուրյանը՝ Տ. Բենիամին քահանա, Վոլոդյա սրկ. Նաջարյանը՝ Տ. Վարազդատ քահանա, Գևորգ սրկ. Հակոբյանը՝ Տ. Արտաշես քահանա, Հովհաննես սրկ. Օհանյանը՝ Տ. Տրդատ քահանա, Լևոն սրկ. Բադիրյանը՝ Տ. Տիգրան քահանա, Հովհաննես սրկ. Գալստյանը՝ Տ. Գյուտ քահանա, Ստեփան սրկ. Ասատրյանը՝ Տ. Արամ քահանա, Նարեկ սրկ. Աբրահամյանը՝ Տ. Աշոտ քահանա, Համբարձում սրկ. Հակոբյանը՝ Տ. Վաղարշ քահանա և Ռազմիկ սրկ. Դավթյանը՝ Տ. Լևոն քահանա:

Ձեռնադրության ավարտին նորաօծ քահանաներն իրենց անդրանիկ օրհնությունը փոխանցեցին ներկաներին: Սրբազան Հայրը, խոսելով ձեռնադրության սուրբ խորհրդի և քահանայական կոչման մասին, դիմեց նորաօծ եկեղեցականներին. «Սիրելի նորընծաներ, դուք հաջորդականությունն եք առաքելական շավիղի, երբ Տերը փոխանցեց առաքյալներին, առաքյալներն էլ մեր հայրապետներին և այսպես շարունակ Եկեղեցու մեջ մինչև այսօր:

Ձեռնադրության խորհրդով դուք ոչ միայն նոր կյանք, նոր անուն, նոր կոչում եք ստացել, այլ նաև նոր հնարավորություններ, նոր իրավունքներ, որովհետև դուք պետք է գնաք քարոզելու, հովվելու ձեր ժողովրդին և, ինչպես աղոթքի մեջ է ասվում, զգաստ սիրտ թող տա ձեզ Տեր Աստված, որովհետև այս նոր ժամանակներում առավել ևս կարիք կա զգաստության, զգոնության, խելամտության և ողջախոհության»: Սիոն արքեպիկոսպոսը կոչ արեց նորաօծ քահանաներին ծառայել հավատքով, սիրով և հավատարմությամբ:

«Եթե դուք ունենաք հավատք, դուք կարող եք բոլոր տեսակի դժվարությունները, պատնեշներն ու ժայռերը հաղթահարել ու անցնել առաջ, որովհետև այդ հավատքով մեր Տեր Հիսուս Քրիստոս նույնպես գնաց և կատարեց իր առաքելությունը՝ փոխանցելով այն նաև մեզ, որպեսզի մենք էլ հստակ գիտակցենք, որ քրիստոնյայի, առավել ևս հոգևորականի կյանքը հանգստավետ կյանք չէ, դյուրին կյանք չէ: Փշոտ է հոգևորականի կյանքը. նախատինք, նզովք, չարչարանք պետք է կրեն հանուն Հիսուս Քրիստոսի»,- ընդգծեց Սրբազան Հայրը՝ հորդորելով նրանց հավատարիմ լինել Մայր Աթոռ Սուրբ Էջմիածնին, Ամենայն Հայոց Կաթողիկոսին և Սուրբ Էջմիածնի միաբանությանը:

Սիոն Սրբազանը ձեռնադրության կապակցությամբ իր շնորհավորանքներն ուղղեց Գարեգին Բ. Վեհափառ Հայրապետին՝ մաղթելով, որ Նորին Սրբության օրհնության ներքո նորանոր հոգևորականներ գան ու ծաղկազարդեն Հայ Եկեղեցու անդաստանն իրենց անսասանելի, անձանձրույթ աղոթքով և ծառայությամբ: Պատարագիչ Սրբազանն ի սրտե շնորհավորեց նաև Մայր Աթոռի միաբանությանը, նորաօծների ընտանիքների անդամներին և համայն հայությանը՝ Հայ Եկեղեցու ծոցում տասներկու նոր մշակների ծննդյան առնչությամբ:

Գլխավորությամբ Ամենայն Հայոց Կաթողիկոսի Մայր Աթոռի միաբանները և ներկա հոգևորականները բարձրացան Սուրբ Խորան, շնորհավորեցին քահանաներին և համբուրելով վերջիններիս մյուռոնաբույր ճակատներն ու աջերը` ստանալով նրանց անդրանիկ «Ողջույն»-ը: Նորընծա քահանաները Մայր Աթոռ Սուրբ Էջմիածնում կանցկացնեն քառասնօրյա պատրաստության և աղոթքի շրջան, որից հետո ծառայության կկոչվեն Հայ Եկեղեցու տարբեր թեմերում և կառույցներում:

Աղբյուր՝ Irates.am

Լրահոս
«Օնեգինը»՝ ռուսական թատրոնի բեմում Հրաչյա Թամրազյան. Հետքեր Ագահը Ալադինին մարմնավորած Մենա Մասուդը՝ «մեկ դերի գերի» Փարաջանով-Փելեշյան ալգորիթմը նույնչափ կարեւոր է, ինչպես Մաշտոցի այբուբենը Հրատարակվել է Իրինա Բարսեղյան-Կրպեյանի մենագրության անգլերեն թարգմանությունը Արամի 23 -ի հարևանությամբ ապօրինի քանդման աշխատանքները կասեցված են Հրաչյա Թամրազյանի մտերիմներն ու գործընկերները ցերեկույթով նշեցին նրա տարեդարձը Գոգենի կտավը վաճառվել է 9,5 միլիոն եվրոյով «Եվրոպայի ընտրությունը» տիտղոսը Հայաստանինն է Վիլյամ Սարոյան. Գյուղացին Հայաստանն ու Բելառուսը մշակութային նոր կամուրջներ կկառուցեն. հուշագիր պատմության թանգարանների միջև Վահան Թեքեյան․ Իմ գյուղը Ռուբեն Հովսեփյան. «Ոսկու շուկայում» Հովհան Ոսկեբերանի ճառն այն մասին, որ, ինչպես ցույց են տալիս սրբերի օրինակները, չկա որևէ առաքինություն, որը չարիք է բերում Գոգենի կտավն աճուրդում վաճառվել է 9,5 մլն եվրոյով Դերասանուհի Հելեն Միրենը պատվավոր «Ոսկե արջ» կստանա Բեռլինալեում Ավիշայ Քոենի և Սիմֆոնիկ նվագախմբի ինքնատիպ համերգը կնվիրվի Լևոն Մալխասյանի 75-ամյակին Կենտրոնական Եվրոպայի Հայրապետական Պատվիրակ Տեր Տիրան եպիսկոպոս Պետրոսյանը հովվական այցով գտնվեց Շվեդիայի Գոթենբուրգ քաղաքում Ջեքսոնի երգերը գործիքավորելիս օգտագործվել է նաև դուդուկ Ռուբեն Էլբակյանը մենահամերգ է ունեցել Փարիզի պատմական Լա Մադլեն եկեղեցում Կյանքից հեռացել է բալետի արտիստ Մաքսիմ Մարտիրոսյանը ԶՈՒ ԳՇ ռազմանվագախմբային ծառայությունը նշել է կազմավորման տարեդարձը Նիկոլայ Նիկողոսյանի գրաֆիկական աշխատանքները կներկայացվեն Մոսկվայում «Աստծո վրա դրի իմ հույսը և վախ չունեմ, մարդն ինձ ի՞նչ կարող է անել» Վահագն Մուղնեցյան․ Աղոթք Սոնա Վան․ Ադամի արարումը «Հովեր» պետական կամերային երգչախումբը հյուրախաղերով հանդես է եկել Գերմանիայում և Բելգիայում Հնագույն շրջանից մինչև մեր օրեր. ներկայացվեց հայկական որմնանկարչությանը նվիրված ժողովածու Արցախի պետական պատմաերկրագիտական թանգարանն 80 տաեկան է Վահագն Դավթյան․ Համո Սահյանին Վահան Տերյան․ Մենության խավար զնդանից կրկին Սբ. Բեռնարդոս, «Մարիամի՝ Տիրոջ աղախնու խոնարհությունը» «Ռեվյու» հաղորդման հյուրն է Գերաշնորհ Տեր Միքայել Արքեպիսկոպոս Աջապահյանը Մարվեց նամականիշով նոր գեղաթերթիկ՝ նվիրված «Մեծանուն հայեր. Կոմիտասի ծննդյան 150-ամյակը» թեմային Դավիթ Սահակյանց. Ես կողմ եմ այդ տեսակ ցենզուրայի Ազգային գրադարանը ցուցահանդեսով շնորհավորեց Գրողների միության 85-ամյակը Նվիրում Շնիտկեին «Սառը սիրտ 2» մուլտֆիլմը դրամամուտքերի ռեկորդ Է սահմանել տոնական հանգստյան օրերին «Կոմիտասյան գոհարները ոչ ոք չի խլի, եթե ինքներս չկորցնենք դրանք»
website by Sargssyan