USD
EUR
RUB

Սերգեյ Փարաջանովի «Նռան գույնը» ֆիլմի չօգտագործված կադրերով ինստալացիան ներկայացվելու է Երևանում

 

ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ: Սերգեյ Փարաջանովի 95-ամյակի կապակցությամբ «Ոսկե ծիրան» 16-րդ միջազգային կինոփառատոնի շրջանակում հուլիսի 8-ին «Այրարատ» կինոթատրոնի նախասրահում ցուցադրվելու է «Կինոյի տաճար» խորագրով ինստալացիան:

«Արմենպրես»-ի հաղորդմամբ` ինստալացիան, որն առաջին անգամ ներկայացվել է Ռոտերդամի կինոփառատոնում, ընդգրկում է Փարաջանովի հանրահայտ «Նռան գույնը« ֆիլմի հիմնական մոնտաժում չօգտագործված կադրերը:

«Այրարատ» կինոթատրոնում «Կինոյի տաճար» ինստալացիայի ցուցադրությանը զուգահեռ կինոսրահում ներկայացվելու է Ռուբեն Գևորգյանցի «Աշխարհումս» վավերագրական ֆիլմը: Փարաջանովի կյանքի եզակի դրվագներով, լուռ զրույցով ժապավենն անընդմեջ պտտվելու է էկրանին:

Հայաստանի ազգային կինոկենտրոնի տնօրեն Շուշանիկ Միրզախանյանը հուլիսի 8-ին լրագրողների հետ զրույցում ասաց, որ «Կինոյի տաճար» նախագծի մտահղացման հեղինակը Դենիել Բըրդն է, որի հետ կինոկենտրոնի համագործակցությունը սկսվել է 2018 թվականին: «Թվայնացնում և վերականգնում էինք «Հակոբ Հովնաթանյան» ֆիլմը, որը ցուցադրվեց մի շարք հեղինակավոր կինոփառատոններում` արժանանալով կինոգործիչների ուշադրությանը: Այդ ֆիլմն ավարտելուց հետո Դենիելի հետ սկսեցինք աշխատել «Նռան գույնը» կինոնկարի հիմնական մոնտաժից դուրս մնացած հատվածները վերականգնելու վրա»,- նշեց Միրզախանյանը:

Նա ընդգծեց, որ կա 103 տուփ ժապավեն, որոնք պահվում են Հայաստանի ազգային կինոկենտրոնի արխիվում: «2017 թվականին 27 տուփ ժապավեն ենք ուղարկել Լեհաստան: Հենց այդ կադրերը սկսեցինք պատրաստել Ռոտերդամի փառատոնում ներկայացնելու համար: Ինստալացիան նախորդ տարի Ռոտերդամի կինոփառատոնի շրջանակում ցուցադրվեց «Արմենիուս» եկեղեցում: Հենց այնտեղ մեծ հետաքրքրություն առաջացրեց, և որոշվեց այն ներկայացնել նաև «Ոսկե ծիրան»-ի ընթացքում»,-պատմեց կինոկենտրոնի տնօրենը:

Անդրադառնալով ցուցադրման վայրին` Միրզախանյանն ասաց, որ տեղն ընտրել է Դենիելը:

«Առաջին անգամ Երևան եմ եկել 2004 թվականին: Ինձ շատ է տպավորել «Այրարատ» («Ռոսիա») կինոթատրոնի շենքը: Դա ճարտարապետական հրաշալի կառույց է: Երբ որոշվեց ինստալացիան ներկայացնել Երևանում, առաջարկեցի այն ցուցադրել հենց այդ շենքում: Կարծում եմ` տարածքը շատ կարևոր է նման ցուցադրության համար»,-ներկայացրեց Դենիել Բըրդը:

Խոսելով նախագծի խորագրի մասին` նա ասաց, որ այն անվանել են «Կինոյի տաճար», քանի որ ֆրանսիացի ականավոր ռեժիսոր Ժան Լյուկ Գոդարը Փարաջանովի արվեստն ու կինոն նկարագրելիս օգտագործել է «կինոյի տաճար» արտահայտությունը:

«Կինոյի տաճար» ծրագրի շրջանակում հուլիսի 9-ին «Մոսկվա» կինոթատրոնում կայանալու է Փարաջանովի «Եռաֆիլմ», «Արաբանախշեր Փիրոսմանիի թեմաներով», «Կիևյան որմնանկարներ» վերականգնված կարճամետրաժ ֆիլմերը:

Լրահոս
Սեյրան Մալխասյան. Եթե Ռազմիկ Դավոյան. Աղերսանք Լույսն ընդդեմ խավարի Արամ Խաչատրյանի ծննդյան օրն է Հարգանքը Արամ Խաչատրյանի «Սուսերով պարը»՝ Մալաքյանի ու Գրաճյանի կատարմամբ Նա դարձել է մեր փոքր լինելու առասպելի մեծ հերքում. Արամ Խաչատրյանի մասին Պարույր Սևակ․ Անջատում Ռուզաննա Ոսկանյան. Օ սիրտն իմ... Ֆրեզնոյում հրդեհվել են հայկական պատմական տներ Նելլի Սահակյան. Հոգին Թուրքիայի միակ հայկական գյուղում բացվել է երկրի առաջին հայկական թանգարանը (լուսանկարներ) «Աղետը պետք է կանխել, սակայն հնարավոր է կանխել միայն միասնական ջանքերով, համերաշխության մթնոլորտում»․ Կաթողիկոս Ամենայն Հայոց Գանձախույզները շարունակում են քանդել Վանի հայկական «Սուրբ կույսեր» վանական համալիրի ավերակները «Ես միշտ ազ­գա­յի­նի ջա­տա­գովն եմ, բայց և գի­տակ­ցում եմ, որ ազ­գա­յի­նը պի­տի տա­նես-բարձ­րաց­նես հա­մա­մարդ­կա­յի­նի մա­կար­դակ» Վերդիի «Պարահանդես-Դիմակահանդես»-ը 24 ժամ առցանց հասանելի կլինի Գա­յա­նե. գե­ղան­կար­չա­կան ա­սու­պը Ա­գու­լիս մո­լո­րա­կից Մի՛ ե­ղիր ընդ­դեմ ճշ­մար­տու­թ­յան և ա­մա­չի՛ր քո ա­նար­ժա­նու­թ­յան հա­մար Վանաձորի թատրոնի ետնաբակում սկսվել են բացօթյա բեմի նախապատրաստման աշխատանքները Նորա Մարտիրոսյանի «Եթե քամին վրա հասնի»-ին հետանկախության շրջանի առաջին հայկական ֆիլմն է Կաննում Առավոտյան ժամերգություն և բժշկության աղոթք «Ես երգելու եմ նույնիսկ, երբ աշխարհը սկսի թպրտալ հոգեվարքի մեջ, Եվ երգելու եմ ինչ էլ լինի…» Բաբելոն Նելլի Սահակյան. Ակվարիում Ֆլորենցիայում բացվել է Ուֆֆիցի պատկերասրահը «Դե, սպասիր» մուլտսերիալի վերաթողարկման նպատակով Գայլի համար ստեղծված նոր կերպարը համացանցում է հայտնվել (լուսանկար) Ջուզեպպե Վերդիի «Պարահանդես-դիմակահանդես» օպերայի համերգային կատարումը կներկայացվի առցանց Ամենայն Հայոց Կաթողիկոսի հանդիսապետությամբ կատարվեց բժիշկների օրհնության կարգ (նկարներ) Արվեստագետների փոխանակման ծրագիր Արցախյան թեմայով Նորա Մարտիրոսյանի ֆիլմն ընդգրկվել է Կաննի փառատոնի ծրագրում Ա Պետրոս 1.11 Փրկարար լուսավորություն Ավետիք Իսահակյան. Հայրենիքիս Կոնստանտին Երզնկացի. Այսօր եղև պայծառ գարուն, ցնծան ծաղկունք և յորդորին Ռուբեն Սևակ. Սիրոյ շողքերը Հրաչ Սարիբեկյանը՝ գրադարանի հրդեհի մասին. «Ամենամեծ կորուստը օդորակիչն էր, երկու մոնիտոր, երկու ստեղնաշար» Ազգային գրադարանը հին կայքը փոխարինել է նորով Այվազովսկու կտավը աճուրդում վաճառվել է 2,9 միլիոն դոլարով Ամփոփվել են «Թատրոնը երեխաների աչքերով» նկարչական մրցույթի արդյունքները Հայ-իտալական երաժշտական ուղերձ՝ նվիրված հայ-իտալական բարեկամությանը
website by Sargssyan