USD
EUR
RUB

«Աստված գոյություն ունի, անունն էլ` Պետրունյա» ֆիլմը ցուցադրվեց Երևանում

 

ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Մակեդոնական Շտիպ փոքրիկ քաղաքում ամեն տարվա հունվարին ծխական քահանան գետն է նետում փայտե խաչը: Հարյուրավոր տղամարդիկ խաչի ետևից սուզվում են գետը: Բարեբախտության ու բարգավաճման երաշխիքը բաժին է ընկնում նրան, ով կգտնի խաչը: Այս անգամ Պետրունյան ևս պահի մղումով սուզվում է ջուրն ու մյուսներից առաջ ընկնելով՝ հանում խաչը: Մրցակիցները բորբոքված են. ինչպե՞ս է համարձակվել կինը մասնակցել իրենց ծեսին: Չնայած բարձրացած աղմուկին՝ Պետրունյան չի հանձնվում: Հաղթանակը նրանն է, և նա մտադիր չէ խաչը զիջել:

«Արմենպրես»-ի հաղորդմամբ` այս մասին է պատմում ռեժիսոր Թեոնա Ստրուգար Միտևսկայի «Աստված գոյություն ունի, անունն էլ` Պետրունյա» կինոնկարը: Մակեդոնիայի, Բելգիայի, Ֆրանսիայի, Սլովենիայի, Խորվաթիայի համատեղ արտադրության ֆիլմն այս տարի ներկայացված է «Ոսկե ծիրան» միջազգային կինոփառատոնի լիամետրաժ (խաղարկային և վավերագրական) մրցույթում:

Հուլիսի 9-ին լրագրողները հնարավորություն ունեցան հանդիպել և զրուցել Պետրունյայի դերակատար Զորիցա Նուշևայի հետ, որը խոստովանեց` կյանքում իր մարմնավորած հերոսուհու պես համարձակ ու խիզախ չէ:

«Թվում է, թե Պետրունյան հասարակ աղջիկ է, և մեզնից յուրաքանչյուրը կարող է նրա միջոցով տեսնել իրեն: Նա ապրում է տղամարդկանց աշխարհում և ամեն օր պայքարում է հավասարության համար, ձգտում է այդ երջանկությանը», - նշեց դերասանուհին:

Նուշևան անկեղծացավ` ասելով, որ իր համար հեշտ չէր Պետրունյային մարմնավորելը, քանի որ նա կին է, որն անընդհատ կոտրում է կարծրատիպերը, իսկ սահմաններ չգծելը հերոսուհու կյանքում մեծ դերակատարություն ունի:

«Մեծ սիրով կասեի, որ, այո, ես Պետրունյայի պես կվարվեի նման իրավիճակում, կպայքարեի, բայց իրականությունն այն է, որ այդպիսին չեմ. վախ, ցավ էի զգում անգամ ֆիլմի նկարահանման ժամանակ, ծնկներս դողում էին: Բայց, եթե կա վախ, կա նաև ուժ: Ըստ իս` բոլոր կանայք են ուժեղ, և նրանք ծայրահեղ իրավիճակներում կարող են սարեր շուռ տալ», - ընդգծեց Նուշևան:

Խոսելով իր մասին` դերասանուհին ասաց, որ մինչ այս ֆիլմը, փոքր դերակատարմամբ հանդես է եկել մեկ այլ կինոնկարում: «Աշխատում եմ թատրոնում: Այս ֆիլմն իմ առաջին քայլն էր պրոֆեսիոնալ կինոարվեստում: Մասնակցեցի ֆիլմի քասթինգին և հեշտությամբ անցա: Ընդգծեմ, որ երկու երեխայի մայր եմ: Կարելի է ասել, որ հաջողակ եմ և՛ մասնագիտական, և՛ անձնական կյանքում», - նշեց Զորիցա Նուշևան:

Նա չմոռացավ անդրադառնալ նաև Հայաստանին` շեշտելով, որ առաջին անգամ է մեր երկրում և շատ է հավանում այն: «Այստեղ ստեղծարար մթնոլորտ է: Հայաստանում հետաքրքիր ավանդույթներ կան, որոնք դուք շարունակում եք պահպանել, փոխանցել սերունդներին: Եթե հետագայում հնարավորություն լինի նորից ձեզ այցելել, սիրով կգամ», - եզրափակեց դերասանուհին:

Լրահոս
Եղիշե Չարենց․Հայրենիքում Զինվորի աղոթք Հայոց բանակի տոնը մեր ողջ ժողովրդի տոնն է` յուրաքանչյուր ընտանիքի և յուրաքանչյուր անձի. Գարեգին Երկրորդ Ֆրանսիայի քոլեջում գտել են Վիկտոր Հյուգոյի բանաստեղծության ձեռագիր տարբերակը «Եթե ապրում ենք, Տիրոջ համար ենք ապրում» Disney ստուդիան «Առյուծ արքա»-ից հետո պլանավորում է էկրանավորել «Բեմբի» դասական մուլտֆիլմը «Օսկարի» հավակնորդների խմբակային լուսանկարը Զինվորական նվագախումբը բարձր մակարդակով է ներկայանում՝ ամենուր թողնելով իր հետքը. Արմեն Պողոսյան Զապել Եսայան․ Մեր տունը Սիրելը մարդ արարածի կոչումն է Վիլյամ Սարոյան․ Խաղողի տերևով տոլմա Ս. Սարգիսը հայ ժողովրդի ամենասիրված սրբերից է Եվրոպայի ամենամեծ գիրքը «Արտասահմանյան արտիստների համերգաշար» Երբեմն ուզում եմ երիտասարդ տարիքի թռիչքին մեկ անգամ էլ հասնել.Տիգրան Մանսուրյանը 81 տարեկան է «Թող Տիրոջ փառքը հավիտյան լինի, և Տերն ուրախանա Իր արարածներով» «Արա Մալիկյան.կյանք՝ լարերի արանքում» Միշել Օբաման արժանացել է «Գրեմմի» մրցանակի Լևոն Խեչոյան. Քամին ու ճայերը Ռուբեն Հովսեփյան․ Ամառ էր, կիրակի Տիգրան Մանսուրյան. «Ժամանակակից դասականներ» փառատոնը հայ երաժիշտներին ներշնչող, ստեղծագործական եռանդի մղող մի փառավոր իրադարձություն է» Դանիել Վարուժան․ Արտերուն հրավերը Անցյալն ասես գիրք լինի, որն անընդհատ վերընթերցում ես. Գուրգեն Խանջյանը նշում է ծննդյան 70-ամյակը Ուշագրավ թումանյանական հրատարակություն «Հայաստանի Հանրապետություն» օրաթերթ. Կոմիտասի եւ Արշակ Չոպանյանի առաջին հանդիպումը Փարիզում Հայրապետական սրբատառ կոնդակով հռչակվեց Բալթյան երկրների հայոց թեմը Ֆրանչիսկոս Պապ .«Նախանձը օճառի փրփուրի նման կ՝անհետանայ, սակայն չարիքներու պատճառ կը դառնայ:» «Ո՜ւշ-ո՜ւշ են գալիս, բայց ո՛չ ուշացած». այսօր Պարույր Սևակի ծննդյան օրն է Հայաստանի պետական սիմֆոնիկ նվագախումբը հաղթել է բանակցություններում Կարդում է Պարույր Սևակը․ «Վարք մեծաց» Նոր հրատարակություն «Անընդունելի ու դատապարտելի է Հայ Եկեղեցու դերի եւ առաքելության նենգափոխված ներկայացումը». Եպիսկոպոսաց ժողով Նոր նշանակում «Կեր­պար­վես­տի Ե­րու­սա­ղեմ» երկ­րի ուխ­տագ­նա­ցը. Դեղձ Ա­շոտ Հոր փո­րողն ին­քը կընկ­նի հո­րի մեջ, ցան­կա­պատ քան­դո­ղին կխայ­թի օ­ձը Մարզահամերգային համալիրն իր հարկի տակ կհյուրընկալի կովկասյան շանսոնի հայտնի կատարողների Կամերային նվագախումբը հանդես կգա ջութակահար Անուշ Նիկողոսյանի հետ Հայտնի Է դարձել Բեռլինի կինոփառատոնի բացման ֆիլմը Հոլոքոստի հիշատակի համաշխարհային համաժողովը, և՝ ոչ միայն «Չեմ դա­դա­րում զար­մա­նա­լուց, թե հա­մալ­սա­րա­նա­վարտ, քիչ թե շատ հա­յոց պատ­մու­թ­յուն կար­դա­ցած մար­դիկ ոնց են թույլ տա­լիս, որ մթագ­նի ի­րենց ու­ղե­ղը»
website by Sargssyan