USD
EUR
RUB

Ռեժիսոր Սոնա Սիմոնյանը «Մեծ սպասելիքներ»-ով բացահայտում է Գյումրու երիտասարդներին մտահոգող հարցեր

 

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Երիտասարդ ու խոստումնալից ռեժիսոր Սոնա Սիմոնյանը Ֆրանսիայի, Հայաստանի, Վրաստանի համատեղ արտադրության ֆիլմ է նկարահանել ու այն ներկայացնում է միջազգային կինոփառատոններում` տարբեր խնդիրների վրա գրավելով հանրության ուշադրությունը: Ֆիլմն ընդգրկվել է «Ոսկե ծիրան»-ի «Տարածաշրջանային համայնապատկեր» ծրագրում:

«Արմենպրես»-ի հաղորդմամբ` Սիմոնյանի «Մեծ սպասելիքներ» կինոնկարը ռեժիսորի անձնական պատմությունն է, որի միջոցով նա անդրադառնում է նաև 1988 թվականի Սպիտակի ավերիչ երկրաշարժին:

«Ֆիլմն իմ սերնդակիցների մասին է, մարդկանց, որոնք ծնվել են Գյումրիում 1988 թվականի երկրաշարժից հետո, բայց բախվում են ինչ-որ խնդիրների, որոնք երկրաշարժի հետևանք են: Ես տասը տարի առաջ եկել եմ Երևան և չեմ պատրաստվում վերադառնալ Գյումրի: Ֆիլմում պատմել եմ, որ իմ երկու ընկերներից մեկը նույնպես ցանկանում է հետևել իմ օրինակին, բայց չունի այդ հնարավորությունը: Կինոնկարը դիտելուց հետո ձեզ համար պարզ կդառնա, թե ինչու: Այնուամենայնիվ, ասվում է, որ հնարավոր է երջանկություն, ներդաշնակություն գտնել Գյումրիում ու շարունակել ապրել այնտեղ»,- հուլիսի 11-ին լրագրողների հետ զրույցում ասաց Սոնա Սիմոնյանը:

Նա առանձնակի շեշտադրում է կատարել ընտանիքի վրա, մարդկանց, որոնք վերապրել են երկրաշարժը ու հենց նրանց անձնական պատմությունների միջոցով ենք մանրամասներ իմանում երկրաշարժից:

«Ներկայացնում եմ իմ սեփական պատմությունը` փորձելով զերծ մնալ ողբերգական նոտաներից: Ամեն անգամ, երբ գնում ես Գյումրի, հիշում ես երկրաշարժն ու տեսնում, որ ոչինչ չի փոխվել ու հարց է առաջանում, թե ինչո՞ւ և ինչպե՞ս են մարդիկ կարողանում շարունակել ապրել այնտեղ»,- նշեց Սիմոնյանն ու հավելեց, որ իր հարազատ քաղաքում շատ են ֆիլմեր նկարում, քանի որ այն գեղեցիկ է, կոլորիտային:

«Կարծում եմ` Գյումրին, ինչպես շատ այլ փոքր քաղաքներ, կինեմատոգրաֆիայի համար հրաշալի վայր է, ու քաղաքի հնարավորությունները չօգտագործելը ճիշտ չէ: Երբ այնտեղ ես ապրում, գուցե չես նկատում շատ բաներ, բայց երբ կողքից ես նայում, տպավորիչ պատկերներ ես տեսնում, որոնք ձգում են մարդկանց»,- եզրափակեց ռեժիսորը:

Գյումրին Հայաստանի երկրորդ խոշոր քաղաքն է. 20 վայրկյանում երկրաշարժը 25.000 մարդու կյանք խլեց՝ հողին հավասարեցնելով գրեթե 20 կմ տարածք: Ռեժիսորը ծնվել է այդ ալ քաղաքում, որը դադարել է աճել՝ մնալով աղետի մթին ստվերի տակ, և որտեղ ամեն մի նորածին պետք է «փոխարինի» զոհված որևէ մեկին: 30 տարի անց՝ աղետից հետո ծնված սերունդը, որի ներկայացուցիչն է ռեժիսորը, շարունակ ինքն իրեն նույն հարցն է տալիս. մնա՞լ, թե՞ մեկնել:

Սոնա Սիմոնյանը ծնվել է Գյումրիում: Երևանի Բրյուսովի անվան պետական լեզվաբանական համալսարանի լրագրության բաժինն ավարտելուց հետո ուսանել է Վրաստանի Հանրային գործերի ինստիտուտի մուլտիմեդիա լրագրության ֆակուլտետում, որտեղ նրա կարճամետրաժ ֆիլմն արժանացել է GIPA DocU մրցանակին: Հայաստան վերադառնալուն պես սկսել է աշխատել Բուն TV -ում որպես տեսամոնտաժող: «Մեծ սպասելիքները» նրա առաջին լիամետրաժ վավերագրական աշխատանքն է, թեև ֆիլմը նկարահանելուն զուգահեռ Սոնա Սիմոնյանը ազատ վավերագրող ռեժիսոր է եղել Chai-Khana ՀԿ-ում՝ չորս տարում ստեղծելով ինը կարճամետրաժ ֆիլմ:

Լրահոս
Ջիվան Ավետիսյանի «Դրախտի դարպասը» գեղարվեստական ֆիլմը մեծ էկրաններին է Վաշինգտոնում կայացել է Կոմիտասին նվիրված համերգ Աղոթք․ Երեկոյի ժամի Շահադիտությունը խոչընդոտում է Աստծու հետ հաղորդակցվելուն Մայր Աթոռի հրատարակած գրքերը ցուցադրվեցին Ֆրանկֆուրտի գրքի միջազգային տոնավաճառում Կանցկացվի «Դոլչե վիտա նոն ստոպ» համերգային ծրագիրը Ամենայն Հայոց Կաթողիկոսն ընդունեց Վրաստանի վարչապետին Կամերային նվագախումբը և Գինեսի ռեկորդակիր Նիկոլայ Մադոյանը հանդես կգան համերգով Ավետիք Իսահակյան․ Հայրենի հողը Համո Սահյան․ Եվ ի՞նչ է տվել․․․ Էստրադային և ջազային արվեստի պետական քոլեջի ուսանողները համերգներով կշնորհավորեն Երևանի տոնը Եղիշե Չարենց․ Եվ երբ դադարեց... Ռազմիկ Դավոյան. Իմ ձայնը անմարմին, անգլուխ... Պատկերասրահից 32 վայրկյանում գողացել են Դալիի կտավը Բիբլիական Արարատն իր ամբողջ հմայքով ներկայացվեց լեռանը նվիրված ցուցահանդեսում Նարեկացիագիտության ասպարեզում առաջատար մասնագետները կմասնակցեն «Նարեկացիական ընթերցումներին» Ս. Անանիա առաքյալի հիշատակության ուխտի օրհնաբեր օրը Ս. Գայանե վանքում կատարվեց հոգեհանգստյան կարգ Սուրբ Էջմիածնի բարերար Ջոն Քյուրքչյանի համար All Stars Project երաժշտական խումբը Հայաստանում կկատարի հայտնի դասական գործեր Վրեժ Սարուխանյան․ «Քո՛քդ կտրի, Էյո՛ւբ...» Հենրիկ Էդոյան․ Մի կողմ դիր զրահներդ Հայաստանում կանցկացվեն Եգիպտոսի մշակույթի օրեր Երևանի Զորավոր Սուրբ Աստվածածին եկեղեցի կբերվի Սուրբ Անանիա առաքյալի մասնատուփ-աջը Նոր մեգանախագիծ. աշխարհի տարբեր ծայրերից Երևան կժամանեն մեր օրերի լեգենդար կոմպոզիտորները Սուրբ Անանիա առաքյալ «Առավոտ լուսո ձայնը» համերգ Թուրքիայում՝ նվիրված Կոմիտասի 150-ամյակին Մահացել է ֆրանսահայ գեղանկարիչ Ռիշար Ժերանյանը Սիամանթո․ Սուրբ Մեսրոպ՝ Սուրբին աղօթքը Հրաչյա Թամրազյան. Քեզ վաղվա օրն է դրսում սպասում... ՀՀ նախագահի տիկին. «Ես երկու Արմեն Սարգսյան ունեմ» Չեխիայում սուգ է հայտարարվել երգիչ Կարել Գոտի՝ «չեխական սոխակ»-ի մահվան կապակցությամբ Մեզ հետ անարդարացիորեն վարվողը լավություն է անում մեզ «Ջիվան, քո նվագը աղոթք է». դուդուկի վարպետը նշում է ծննդյան 91-ամյակը Հայաստանն առանձին տաղավարով կմասնակցի Ֆրանկֆուրտի գրքի միջազգային ցուցահանդեսին «Շահանե. պոետի գաղտնիքը» մոնոներկայացման պրեմիերան՝ Պարոնյանի թատրոնում Թումանյանը տիրապետում էր երեխաների լեզվին. մեկնարկեց գրողին նվիրված գիտաժողովը Վահան Տերյան. Հեռավոր, անել լեռնագագաթներ Կո­մի­տա­սի մար­դը Շուշիում տեղի կունենա Մարկ Գրիգորյանի «Իմ Ղարաբաղը» ակնարկի քննարկումը «Կյան­քում խղճմ­տան­քես զատ ես ճա­նա­չե­ցի եր­կու այլ դա­տա­վոր­նե­րի ևս՝ Աստ­վա՛ծ և ժո­ղո­վու՛րդ»
website by Sargssyan