USD
EUR
RUB

Կոնստանտին Օրբելյան + Հասմիկ Գեղամի Գրիգորյան․ մի նոր գլուխգործոց, որ «պայթեցրեց» դահլիճը

 

ԵՐԵՎԱՆ, 12 ՀՈՒԼԻՍԻ, Aravot.am: Ինչպես արդեն ազդարարվել էր, հուլիսի 10-ին Ալ․Սպենդիարյանի անվան օպերայի և բալետի ազգային ակադեմիական թատրոնում կայացավ «Միջազգային օպերային մրցանակաբաշխության» 2019 թ. «Լավագույն օպերային երգչուհի» անվանակարգում հաղթած Հասմիկ Գրիգորյանի մենահամերգը՝ երեկոյին ներկա ՀՀ նախագահ Արմեն Սարգսյանի և տիկին Նունե Սարգսյանի բարձր հովանու ներքո, որը և նվիրված էր երգչուհու հոր՝ ՀԽՍՀ ժողովրդական արտիստ, Լիտվայի ԽՍՀ վաստակավոր արտիստ Գեղամ Գրիգորյանի հիշատակին:

Անցնելով առաջ, ասենք, որ համընդհանուր կարծիքն այն էր, որ այսպիսի՝ բարձրագույն եվրոպական մակարդակի մենահամերգ այս բեմը վաղուց չէր տեսել։

Համերգից հետո զրուցեցինք մաեստրո Կոնստանտին Օրբելյանի հետ։

Իր խոսքով, «Հասմիկի ձայնը, նվիրումը տեքստին և յուրաքանչյուր բառի «իմաստի» արտահայտումը և հաղորդումը (նույնիսկ այն ժամանակ, երբ դու չես խոսում այդ լեզվով), իսկապես անհավատա՛լի էր։ Փառահեղ ձայնը ` անթերի տեխնիկան և զարմանալի երաժշտական ​​ինտուիցիան դարձնում են նրան եզակի արտիստ: Սրան գումարենք նաև այն, որ նա չափազանց գեղեցիկ է՝ թոփ-մոդելի կազմվածքով:

Հասմիկի կողմից ընտրված գործերի ցանկը ծրագրի առաջին կեսի համար՝ Ռիխարդ Շտրաուսի բավականին բարդ երգերը, ցույց տվեցին մեզ այս նշանավոր երաժշտության խորը ըմբռնումը, որի հետ ակնհայտորեն Հասմիկն ունի շատ ուժեղ կապ: Աշխարհի ամենահայտնի օպերային փառատոնը, Զալցբուրգյան փառատոնը ներկայացրեց Հասմիկ Գրիգորյանին Շտրաուսի հիասքանչ «Սալոմե» օպերայում:

«Սալոմեի»՝ Հասմիկի մեկնաբանությունը, որն արժանացավ անցյալ տարվա լավագույն կանացի օպերային կատարմանը, դնում է իրեն օպերայի աշխարհի ամենահայտնի աստղերի՝ Աննա Նետրեբկոյի, Դիանա Դամրաուի, Իլդար Աբդազակովի, մյուսների հետ նույն շարքը, և այս տարվա օգոստոսին նա կշարունակի իր հաղթարշավը գալիք օգոստոսին «Սալոմեի» կատարումներով Զալցբուրգում։

Իսկ երևանյան համերգի ժամանակ Տատյանայի նամակի ընթերցման տեսարանի՝ Հասմիկի մեկնաբանությունը իմ երբևէ տեսած և լսած ամենավառ և խորաթափանց մեկնաբանություններից էր:

Նրա «ընթերցման» մեջ տեսնում ես առաջին անգամ կյանքում սիրահարված և խոցելի Տատյանային, և ով ստիպված է հսկայական խիզախություն ունենալ գրելու իր սիրելի Օնեգինին: Առաջին բառերից մենք զգում ենք նրա երկյուղը ու ամաչկոտությունը, և մեներգի ընթացքում մենք տեսնում ենք, որ Տատյանան աճում է և դառնում մի կին, որը հստակ գիտի, թե ի՞նչ է ուզում, և իր սրտին հետևելու է մինչև վերջ»:

Ձայնային տեսակետից անբասիր, էմոցիոնալ կատարումը արժանացավ օվացիաների վերացող անդադար «բրավո»-ների, ճիչերի լեփ-լեցուն դահլիճում: Հասմիկ Գրիգորյանի՝ Դվորժակի «Ջրահարսը» օպերայից մի հատվածի կատարումը՝ գեղեցիկ նրբերանգներով, նորից ու նորից ցնցեց դահլիճը:

Բնական է, որ Երևանում հատկապես կարևոր էր Անուշի մեներգի մեկնաբանությունը` Տիգրանյանի համանուն օպերայից:

Յուրաքանչյուր հայ երաժշտասեր բազում անգամներ տեսել և լսել է այս արիայի բազմաթիվ մեկնաբանություններ, սակայն, մաեստրո Օրբելյանի խոսքերով, առանց չափազանցության կարելի է պնդել, որ Հասմիկը իր կատարումով մի նոր նշաձող սահմանեց այս դերերգի համար: «Նրա մեկնաբանությունը ամենաանկեղծ և խորը մեկնաբանություններից էր, որ ես երբևէ տեսել և լսել եմ», ասաց մաեստրո Օրբելյանը։ Հայ հանդիսատեսը այս կատարումից հետո «պայթեցրեց» դահլիճը:

Տասնյակ «բիս»-երից հետո Հասմիկը կատարեց Պուչինիի «Ջաննի Շիչի» օպերայից Լորետայի մեներգի գեղեցիկ մեկնաբանությունը, և, վերջապե՛ս, համերգը ավարտվեց Պուչինիի «Մադամ Բատերֆլայի» մեներգով։

Օպերայի սիրահար, ՀՀ-ում ՄԱԿ-ի մշտական համակարգող դեսպան Շոմբի Շարփն, որին ուղեկցում էր իր տիկինը՝ Սարա Ուոթերսոնը, ասաց․ «Բացարձակապես ապշեցուցիչ կատարումներ Հասմիկ Գրիգորյանի կողմից, խոսքերով չե՛ս էլ նկարագրի: 2019թ․Միջազգային օպերային մրցանակաբաշխության կին հաղթող Հասմիկը պարգևեց իր լավագույնը լեփ-լեցուն Հայաստանի ազգային օպերային թատրոնին, ստանալով չորս կանգնած օվացիա։ Շնորհավորանքնե՛րս Մաեստրո Կոնստանտին Օրբելյանին մի նոր գլուխգործոցի կապակցությամբ»։

Գուրգեն ԽԱԺԱԿՅԱՆ

Լրահոս
Հաս Չախալյան. Մահվան կոլաժ Պարույր Սևակ․ Իրերի դատն ու դատաստանը «Մերձավորի մահը». մաս 3-րդ Մայր Աթոռի հրատարակչությունը հերթական անգամ վերահրատարակել է Սբ․ Գրիգոր Նարեկացու «Մատյան ողբերգության» աղոթագիրքը Գարսիա Լորկայի հանրահայտ ողբերգությունը կներկայացվի առցանց հարթակում Ամենայն Հայոց Կաթողիկոսի անդրադարձը Սբ. Սոֆիայի տաճար-թանգարանը մզկիթի վերածելու Թուրքիայի իշխանությունների որոշման առիթով Նոտր Դամը կվերականգնվի այն տեսքով, ինչպես մինչև հրդեհն էր «Բյուրեղապակյա դղյակ» բալետային ներկայացումը կցուցադրվի վիրտուալ տիրույթում Թուրքիայի արտգործնախարարությունը մերժել է ԵՄ քննադատությունը Սուրբ Սոֆիայի կարգավիճակի փոխելու վերաբերյալ Սուրբ Բարսեղ եպիսկոպոսի ճառը բարկացողների մասին Ուիլյամ Սարոյան․ Նռնենիները Աղավնի Գրիգորյան. Ճամփորդը Հրանտ Մաթևոսյանի և Աղասի Այվազյանի աստղերը զարդարեցին Ազնավուրի հրապարակը Կենսաբաններն առաջարկում են «կյանքի» համաշխարհային ատլաս ստեղծել «Երաժշտություն հանուն ապագայի» հիմնադրամի կրթաթոշակներ` տասը տաղանդավոր երեխաների Հայ եկեղեցու Եվրոպայի թեմերի առաջնորդները դատապարտել են Ադրբեջանի սադրիչ գործողությունները Հնագետները Մարտակերտում պեղել են սալարկղային դամբարանը Եկեղեցիների համաշխարհային խորհուրդը կոչով դիմել է Էրդողանին Եղիշե Չարենց․ Հեռացումի խոսքեր Վահան Տերյան․ Կույր լինելու ցանկություն ԿԳՍՄ նախարարը ունակ չէ կրթական օբյեկտիվ չափորոշիչներ ստեղծել. Տեր Տիգրան քահանա Բադիրյան «Այս որոշումը կբարդացնի քրիստոնյաների և մուսուլմանների կյանքը». Գարո Փայլանը՝ Սուրբ Սոֆիայի տաճարը մզկիթի վերափոխելու մասին Լեհ դրամատուրգ Սլավոմիր Մրոժեկի պիեսներից մեկը կբեմադրվի Ռուսական թատրոնում ՅՈՒՆԵՍԿՕ-ն ափսոսանք է հայտնել Սուրբ Սոֆիայի տաճարի կարգավիճակի վերաբերյալ Թուրքիայի որոշման կապակցությամբ Փորձագետները գնահատել են պանդեմիայի հասցրած վնասը թանգարաններին «Ըստ ձեր հավատի թող լինի ձեզ» (Մատթ․ 9։29) Գրադարանների վիրտուալ անցուդարձը «Հայ Եկեղեցու պատմություն» դասաժամի ոդիսականը. Սերովբե եպիսկոպոս Շառլ Ազնավուրի հրապարակում բացվելու է Աղասի Այվազյանի անվանական աստղը Փարիզի Ռոդենի թանգարանը կվաճառի քանդակագործի աշխատանքների պատճենները Նոր Խարբերդի դպրոցը պատրաստ է շահագործման Պարույր Սևակ. Լինել, թե չլինել Միսաք Մեծարենց. Առտվան արևի մեջ Օձա­վարս Գոր­գոն մե­դու­զան իր թու­նա­ծա­վալ վար­սե­րը տա­րա­ծել է ամ­բողջ աշ­խար­հում, Պան­դո­րան բա­ցել է կեղ­ծի­քի կոր­ծա­նա­րար սն­դու­կ Մեծ Բրիտանիայում Հռոմի 180-րդ Պապի 700-ամյա կնիքն է հայտնաբերվել Սալոնիկում Աթաթուրքի տունը պետք է դառնա հույների ցեղասպանության թանգարան․ Greek City Times «Կր­թու­թ­յան ո­լոր­տի պա­տաս­խա­նա­տու­նե­րը եր­բեք չեն թաքց­րել ի­րենց կեղծ պա­ցի­ֆիս­տա­կան գա­ղա­փա­րա­խո­սու­թ­յու­նը» Իմպրեսիոնիզմի խռովկանը՝ Կլոդ Մոնե Մի՛ ստիր, Հայ Եկեղեցու պատմությունը չունի՛ «ծածուկ» էջեր Հայաստանին հաշտության օրակարգ է պետք․ Բագրատ եպիսկոպոս Գալստանյան (տեսանյութ)
website by Sargssyan