USD
EUR
RUB

Փնտրել ու սիրել երկնայինը և ոչ երկրայինը

 

Մարդը՝ որպես արարչագործության պսակ, ձգտում է դեպի բնությունը, որը հիշեցնում է նրան երկնային կատարելությունը: Բնության մեջ ծաղիկները կոչված չեն միայն աչքն ուրախացնելու, այլ նրանք մարդուն աստվածահաճո կյանքի վերաբերյալ բազմաթիվ պատգամներ են փոխանցում: Մեր Տերը Լեռան քարոզում հորդորեց օրինակ վերցնել դաշտային ծաղիկներից. «Կամ հագուստի համար ինչո՞ւ եք մտահոգվում: Օրինա՛կ վերցրեք վայրի շուշաններից և տեսե՛ք, թե ինչպես են աճում, ո՛չ աշխատում են, ո՛չ հյուսում: Հավատացե՛ք, որ Սողոմոնն իսկ, իր ամբողջ փառքի մեջ, չկարողացավ նրանցից մեկի նման գեղեցիկ հագնվել» (Մատթ. 6:28-30): Հորդորն իր մեջ հոգևոր օգուտ է պարունակում. ինչպես մեղուն է ծաղկից ծաղիկ թռչում մեղր հավաքելու համար, այդպես էլ մարդը, ոչ միայն մարմնական, այլև հոգու աչքերով նայելով ծաղիկներին, հոգևոր քաղցրություն է հավաքում: Քրիստոս ուսուցանեց, որ մարդիկ չափից ավելի չմտահոգվեն հարստություն ձեռք բերելու, հագուստի, սննդի կամ զարդարանքի մասին, այդ պատճառով հորդորեց նայել դաշտային ծաղիկներին, «թե ինչպես են աճում, ո՛չ աշխատում են և ո՛չ հյուսում» և թե ինչպես է Աստված նրանց հագցնում: Տիրոջ հորդորը, բնականաբար, չի արգելում աշխատել կամ առօրյա կարիքները հոգալ: Աստված Ադամին, բերկրության դրախտում տեղավորելով, ասաց, որ այն մշակի և պահպանի, իսկ մեղանչումից հետո, երբ դրախտից վտարեց, ասաց, որ իր երեսի քրտինքով իր հացը վաստակի (Ծննդ. 2:15; 3:19): Աստված արգելում է ավելորդ մտահոգությունը, որը շատ հաճախ լի է մեղքերով և վտանգներով: Տիրոջ հորդորն ուղղված է նրանց, ովքեր անհագորեն ձգտում են հարստության, ովքեր մոռանում են Աստծուն, և այդպիսիններին է Տերը հորդորում նայել թռչուններին, որ կերակրվում են Իրենից, նայել ծաղիկներին, որ զգեստավորվում են Իրենից:

Եկեղեցու հայրերից Ս. Հովհան Ոսկեբերանն ասում է. «Աստված մեզ չի արգելում աշխատել, Պողոս առաքյալն ասում է՝ ով չի ուզում աշխատել, թող չուտի էլ (Բ Թեսաղ. 3.10): Աստված հորդորում է մեզ հույսը չդնել միայն մեր ուժերի վրա՝ մոռանալով Իրեն, այլ պետք է աշխատել ուժերի չափով, բայց ողջ եռանդով ջանալ հոգու փրկության համար»:

Սուրբն ասում է, որ Տերը հորդորում է մեզ նայել դաշտային ծաղիկներին նաև այն առումով, որ ճանաչենք կյանքի ունայն և անցողիկ լինելը: Հիշենք, թե ինչ էր ասում Դավիթը. «Մարդու օրերը խոտի պես են. նա ծաղկում է ինչպես վայրի ծաղիկ: Երբ փչի քամին, նա կանհետանա, և նրա տեղն իսկ չի երևա» (Սաղմ. 102:15-17), նաև՝ «Նրանց տարիները տառապալից պիտի լինեն. առավոտյան խոտի պես պիտի բուսնեն, առավոտյան խոտի պես պիտի դալարեն ու ծաղկեն. երեկոյան պիտի թառամեն, չորանան ու ընկնեն» (Սաղմ. 89:5-7): Մեր ողջ կյանքը կարծես մեկ օր լինի, ինչպես օրն ունի առավոտ և երեկո, այդպես էլ մեր կյանքը՝ առավոտը մեր ծնունդն է, իսկ երեկոն՝ մահը:

Մարդու կյանքը, Պետրոս առաքյալի խոսքի համաձայն, նման է խոտածաղկի. «Ամեն մարմին նման է խոտածաղկի, խոտը չորանում է, ծաղիկը թափվում, բայց Տիրոջ խոսքը մնում է հավիտյան» (Ա Պետրոս 1:24):

Խոտն իր ծաղիկը ոչ թե դեպի երկիր, այլ դեպի երկինք է ուղղում՝ օրինակ ծառայելով մարդուն, որպեսզի նա էլ իր մտքերն ու ցանկությունները ուղղի ոչ թե դեպի երկիր, այլ դեպի երկինք՝ փնտրելով երկնայինը և ոչ երկրայինը: Եկեղեցու հայրերը նշում են, որ ծաղիկը նաև խոնարհություն է ուսուցանում՝ գեղեցիկ ու նուրբ են ծաղիկիները, բայց չկա ոչինչ՝ նրանցով հպարտանալու, նրանք մերը չեն, այլ Աստծունը: Այդպես և մարդը չի կարող ոչնչով հպարտանալ:

Շատերի համար հարյուր տարին երկարատև կյանք է, բայց Հեսուի որդի Սիրաքը այն համեմատում է մեկ կաթիլ ջրի հետ. «Մարդու օրերի թիվը ինչքան էլ շատ լինի, հարյուր տարի է: Ինչպես ջրի կաթիլը ծովի համեմատությամբ և խիճը՝ ավազի, այնպես էլ տարիներն են սակավ հավիտենական օրերի համեմատ» (Սիրաք 18:8): Կարճ է ժամանակավոր կյանքը՝ ի համեմատություն հավիտենական և անվերջանալի կյանքի:

Անցողիկ կյանքը մարդը վայելում է որպես գեղեցիկ մի ծաղիկ՝ չմտածելով, որ այդ ծաղիկը շուտով կթոշնի:

Այսպիսով, ծաղիկները, որ ըստ եկեղեցու հայրերի, դրախտի մնացորդներն են երկրի վրա, ուսուցանում են, որ կյանքն անցողիկ է, որ պետք է հուսալ աստվածային նախախնամությանը և փնտրել ու սիրել երկնայինը և ոչ երկրայինը:

Կազմեց Կարինե Սուգիկյանը

Աղբյուր՝ Surbzoravor.am

Լրահոս
Հաս Չախալյան. Մահվան կոլաժ Պարույր Սևակ․ Իրերի դատն ու դատաստանը «Մերձավորի մահը». մաս 3-րդ Մայր Աթոռի հրատարակչությունը հերթական անգամ վերահրատարակել է Սբ․ Գրիգոր Նարեկացու «Մատյան ողբերգության» աղոթագիրքը Գարսիա Լորկայի հանրահայտ ողբերգությունը կներկայացվի առցանց հարթակում Ամենայն Հայոց Կաթողիկոսի անդրադարձը Սբ. Սոֆիայի տաճար-թանգարանը մզկիթի վերածելու Թուրքիայի իշխանությունների որոշման առիթով Նոտր Դամը կվերականգնվի այն տեսքով, ինչպես մինչև հրդեհն էր «Բյուրեղապակյա դղյակ» բալետային ներկայացումը կցուցադրվի վիրտուալ տիրույթում Թուրքիայի արտգործնախարարությունը մերժել է ԵՄ քննադատությունը Սուրբ Սոֆիայի կարգավիճակի փոխելու վերաբերյալ Սուրբ Բարսեղ եպիսկոպոսի ճառը բարկացողների մասին Ուիլյամ Սարոյան․ Նռնենիները Աղավնի Գրիգորյան. Ճամփորդը Հրանտ Մաթևոսյանի և Աղասի Այվազյանի աստղերը զարդարեցին Ազնավուրի հրապարակը Կենսաբաններն առաջարկում են «կյանքի» համաշխարհային ատլաս ստեղծել «Երաժշտություն հանուն ապագայի» հիմնադրամի կրթաթոշակներ` տասը տաղանդավոր երեխաների Հայ եկեղեցու Եվրոպայի թեմերի առաջնորդները դատապարտել են Ադրբեջանի սադրիչ գործողությունները Հնագետները Մարտակերտում պեղել են սալարկղային դամբարանը Եկեղեցիների համաշխարհային խորհուրդը կոչով դիմել է Էրդողանին Եղիշե Չարենց․ Հեռացումի խոսքեր Վահան Տերյան․ Կույր լինելու ցանկություն ԿԳՍՄ նախարարը ունակ չէ կրթական օբյեկտիվ չափորոշիչներ ստեղծել. Տեր Տիգրան քահանա Բադիրյան «Այս որոշումը կբարդացնի քրիստոնյաների և մուսուլմանների կյանքը». Գարո Փայլանը՝ Սուրբ Սոֆիայի տաճարը մզկիթի վերափոխելու մասին Լեհ դրամատուրգ Սլավոմիր Մրոժեկի պիեսներից մեկը կբեմադրվի Ռուսական թատրոնում ՅՈՒՆԵՍԿՕ-ն ափսոսանք է հայտնել Սուրբ Սոֆիայի տաճարի կարգավիճակի վերաբերյալ Թուրքիայի որոշման կապակցությամբ Փորձագետները գնահատել են պանդեմիայի հասցրած վնասը թանգարաններին «Ըստ ձեր հավատի թող լինի ձեզ» (Մատթ․ 9։29) Գրադարանների վիրտուալ անցուդարձը «Հայ Եկեղեցու պատմություն» դասաժամի ոդիսականը. Սերովբե եպիսկոպոս Շառլ Ազնավուրի հրապարակում բացվելու է Աղասի Այվազյանի անվանական աստղը Փարիզի Ռոդենի թանգարանը կվաճառի քանդակագործի աշխատանքների պատճենները Նոր Խարբերդի դպրոցը պատրաստ է շահագործման Պարույր Սևակ. Լինել, թե չլինել Միսաք Մեծարենց. Առտվան արևի մեջ Օձա­վարս Գոր­գոն մե­դու­զան իր թու­նա­ծա­վալ վար­սե­րը տա­րա­ծել է ամ­բողջ աշ­խար­հում, Պան­դո­րան բա­ցել է կեղ­ծի­քի կոր­ծա­նա­րար սն­դու­կ Մեծ Բրիտանիայում Հռոմի 180-րդ Պապի 700-ամյա կնիքն է հայտնաբերվել Սալոնիկում Աթաթուրքի տունը պետք է դառնա հույների ցեղասպանության թանգարան․ Greek City Times «Կր­թու­թ­յան ո­լոր­տի պա­տաս­խա­նա­տու­նե­րը եր­բեք չեն թաքց­րել ի­րենց կեղծ պա­ցի­ֆիս­տա­կան գա­ղա­փա­րա­խո­սու­թ­յու­նը» Իմպրեսիոնիզմի խռովկանը՝ Կլոդ Մոնե Մի՛ ստիր, Հայ Եկեղեցու պատմությունը չունի՛ «ծածուկ» էջեր Հայաստանին հաշտության օրակարգ է պետք․ Բագրատ եպիսկոպոս Գալստանյան (տեսանյութ)
website by Sargssyan