USD
EUR
RUB

«Կոնսերվատորիայում բոլոր քննությունները տեսաձայնագրվել են»

 

ԵՐԵՎԱՆ, 17 ՀՈՒԼԻՍԻ, Aravot.am: Հարցազրույց Երեւանի Կոմիտասի անվան պետական կոնսերվատորիայի ռեկտոր, պրոֆեսոր Սոնա Հովհաննիսյանի հետ

- Տիկին Հովհաննիսյան, բուհերում, այդ թվում՝ մշակութային, մշտապես եղել են ու կան «մոդայիկ» մասնագիտություններ: Վերջին տարիներին, օրինակ, կոնսերվատորիայում դիմորդների մեծ հոսք է եղել ժողովրդական երգեցողություն ու ջազ-վոկալ բաժիններում: Տարիներ շարունակ նույնիսկ չի գրանցվել փողային գործիքների երաժիշտների եւ ոչ մի դիմորդ: Ինչպիսի՞ն է պատկերն այս տարի:

- Հարցին պատասխանեմ հակիրճ՝ հորիզոնականների ձեւաչափով: Առաջին հորիզոնականում են դասական վոկալի դիմորդները՝ 34-ից ընդունվել է 16-ը, որից 11-ը՝ անվճար:

Երկրորդ հորիզոնականում, հուրախություն մեզ, փողային գործիքների երաժիշտներն են՝ 27-14-ը անվճար: Լուրջ մրցակցություն էր դիմորդ-դաշնակահարների միջեւ՝ 16-ից ընդունվել են 13-ը, 9-ը՝ անվճար: Նախորդ տարվա համեմատ վերջապես այս տարի ունեցանք կոմպոզիցիայի բաժնի 3 դիմորդ…

- Այսինքն՝ նախորդ տարի ընդհանրապես դիմորդ չի՞ եղել:

- Եղել է՝ 0 դիմորդ: Իսկ ընդհանուր՝ բոլոր 9-ը մասնագիտությունների գծով (դաշնամուր, լարային գործիքներ, դիրիժորներ, ժողովրդական նվագարաններ ու երգեցողություն, վոկալ, ջազ-վոկալ, փողային նվագարաններ եւ այլն) դիմել է 135 երաժիշտ:

- Ասում են՝ չափազանց խիստ մոտեցում է ցուցաբերել սոլֆեջիոյի եւ հարմոնիայի հանձնախումբը:

- 135 դիմորդից սոլֆեջիոյի անցողիկ շեմը հաղթահարել է 81-ը: Ի դեպ, կոնսերվատորիայի պատմության ողջ ընթացքում առաջին անգամ բոլոր գրավոր քննությունների՝ սոլֆեջիոյի եւ հարմոնիայի աշխատանքները տեղում անմիջապես պատճենահանվել են եւ տրվել դիմորդներին: Նշեմ նաեւ, որ բոլոր քննությունները տեսաձայնագրվել են:

- Այնուամենայնիվ, ըստ մեր տեղեկությունների, հենց գրավոր աշխատանքների «մասով» եղել են բողոքարկումներ:

- Այո՛: Թեեւ բոլոր 67 գրավոր աշխատանքներից անբավարար գնահատված դիմորդները բողոքարկել են, բայց նրանց աշխատանքներից որոշների միայն վերանայման արդյունքում է կատարվել գնահատականների փոփոխություն:

- Այնուամենայնիվ, եղել են նաեւ 1-2 մասնագիտությունների թափուր տեղեր:

- Նման բան եղել է, եւ այդ թափուր տեղերը, նախարարության թույլտվությամբ, վերաբաշխվել են այլ մասնագիտությունների վրա: Բարձր միավորներ ստացած այլ մասնագիտություններով բարձր միավորներ հավաքած դիմորդների տեղերի վրա: Մեկ օրինակ. երաժշտագետների կոմպոզիցիա մասնագիտությամբ հինգական պետպատվերի տեղի համար կար ընդամենը 3-ական դիմորդ:

- Ժամանակին «Առավոտին» հայտնել էիք, որ չեք բացառում կառուցվածքային փոփոխությունները:

- Պաշտոնավարմանս առաջին շրջանում միավորվել են միեւնույն գործառույթներ ունեցող մի քանի ամբիոններ՝ դաշնամուրային, վոկալ եւ լարային: Ելնելով հայաստանյան աշխատաշուկայի եւ միջազգային պահանջարկից, նախատեսել ենք ստեղծել կամերային երաժշտության դեկանատ՝ 4 ամբիոններով՝ կամերային-գործիքային երաժշտություն, կամերային-վոկալ անսամբլ, լարային կվարտետի ամբիոն, հնագույն երաժշտության բաժին: Սա նշանակում է, որ ապագայում, բացի մենակատար երաժշտի որակավորումից, շրջանավարտը կստանա նաեւ կամերային- անսամբլային արտիստի որակավորում: Առայժմ որոշել ենք ստեղծել ֆակուլտետ, որն ապագայում կձեւավորի կամերային երաժշտության մասնագիտացման խորացում մագիստրատուրայում եւս: Այն հնարավորություն կտա հետագայում մագիստրատուրայում ունենալ բացի մենակատար երաժշտից, կամերային անսամբլի երաժշտի մասնագիտացում:

- Ռեկտորի գործառույթների մեջ է նաեւ ուսման որակը խթանող պայմանների ստեղծումը: Օրինակը՝ հատկապես երաժիշտ ուսանողների համար անհրաժեշտ է, որ ձմռանը լսարանները տաք լինեն եւ այլն:

- Այդ ամեն ինչը պետք է արվի: Այդ թվում՝ առաջնահերթը հենց սեպտեմբերի 1-ից ունենալ հավասարաչափ ջեռուցվող շենքային պայմաններ: Այդ նպատակի համար կրթության, գիտության, մշակույթի եւ սպորտի նախարարությունը տրամադրել է 32 մլն դրամ:

Զրուցեց ՍԱՄՎԵԼ ԴԱՆԻԵԼՅԱՆԸ

Լրահոս
Արգելոց-թանգարաններում միասնական տոմսի արժեք է սահմանվել «Սգո տունը» թատրոն կդառնա Պաղտասար Դպիր.Դարձեալ առ տաճարն երկնանման Էդ Շիրանի նոր ստեղծագործությունը 1 մլն-ից ավելի դիտում է ունեցել մի քանի ժամում Գնացքում Շուշանիկ Կուրղինյան. ․․․Եվ մենք քսան դար․․․ Սիպիլ․ Մենաստանին կույսը Բաղայ Ասորի. «Երանելի՜ ես դու, որովհետև քո կաթով կերակրեցիր Աստծուն» Emmy-ի մրցանակաբաշխությունը կանցկացվի առանց հաղորդավարի. Fox Entertainment Գրիգոր Զոհրապ․ Ժամին բակը «Չկա անհաջողակ մարդ, կա անհաջող մտածելակեր Հովհաննես Թումանյան․ Աղջկա սիրտը «ՌեԱնիմանիա»-ն կիրականացնի «Անիմացիոն ֆիլմի դիտարկում մեդիայում» խորագրով դասընթաց Մարզահամերգային համալիրի տարածքում տեղադրվելու է Կարեն Դեմիրճյանի արձանը Աշխարհի բանաստեղծական պատկերին հավատարիմ «Հայաստանի ազգային արխիվ» ՊՈԱԿ-ը գործելու է Արդարադատության նախարարության ենթակայության տակ Աստված նայում է մարդու սրտին, իսկ մարդիկ՝ մարդկանց երեսին Հովհաննես Հովհաննիսյան․ Արազն եկավ լափին տալով․․․ Սոնա Արշունեցի․ Արդար դատաստան Աղոթք ընտանիքի Ստեփանակերտի հրապարակում կհնչի Տիգրան Մանսուրյանի երաժշտությունը Արչի Կալենցը` Նիկողոսյանի մասին. «Պապիկս ասում էր` քանդակն իմ կինն է, գեղանկարչությունը` սիրուհիս» Վալենտին Գաֆտին գլխուղեղի կաթվածով հիվանդանոց են տեղափոխե Մարկ Գրիգորյանը նշանակվել է Թամանյանի անվան Ճարտարապետության ազգային թանգարան-ինստիտուտի տնօրեն Տարանտինոն չի բացառում, որ իր 10-րդ ֆիլմը կդառնա վերջինը Բելգիացին 500 եվրոյով պատահաբար գնել է Ռեմբրանդտի՝ մոտ 30 մլն եվրո արժեցող կտավը Մայր տաճարի բուսածածկույթի մաքրման աշխատանքների ժամանակ պատահականորեն բացահայտվում է, որ տաճարը փլուզման վտանգի առջև է «Տիրոջ երկյուղը կյանք է մարդու համար» Disney-ը կվերանկարահանի «Տանը՝ մենակ» եւ «Գիշերը թանգարանում» ֆիլմերը Վիլյամ Սարոյան. Ծիծաղ Աղոթք առ Աստված Ոչինչ ի ցույց մարդկանց չանելու մասին Ավարտվեցին Հաղբատավանքի որմնանկարների վերականգնման աշխատանքները Արդյո՞ք դժվար է Թուրքիայում հայերեն երգեր կատարելը. ստամբուլահայ երգչուհին է պատմում Ստեփան Զորյան․ Անհայտ թելեր Կյանքից հեռացել է ճանաչված գրականագետ Հասմիկ Աբեղյանը «Չնայած , ես ինձ գրող չեմ համարում, բայց...». Սամվել Սևադա Սիպիլ․ Ապրի՛լ Եղիշե Չարենց․ Երկիր Նաիրի՝ Մասն երկրորդ Աղօթք ապաշխարութեան
website by Sargssyan